Edith Taliaferro

Edith Taliaferro (21 d'avientu de 1894, Richmond – 2 de marzu de 1958, Newtown ^(es) ) foi una popular actriz teatral estauxunidense, activa nel circuitu de Broadway hasta l'añu 1935. Foi sobremanera conocida por interpretar en 1913 Rebecca of Sunnybrook Farm.

Edith Taliaferro
Vida
Nacimientu	Richmond, 21 d'avientu de 1894
Nacionalidá	Estaos Xuníos
Llingua materna	inglés
Muerte	Newtown (es) , 2 de marzu de 1958 (63 años)
Causa de la muerte	enfermedá
Familia
Casada con	House Jameson Earle Browne (es)
Hermanos/es	Mabel Taliaferro
Estudios
Llingües falaes	inglés
Oficiu	actriz, actriz de teatru, actriz de cine
IMDb	nm0848064

Actriz infantil

Metropolitan Magacín, xineru de 1899

Nacida en Richmond (Virginia), yera la hermana menor de l'actriz Mabel Taliaferro. Henry Arthur Jones dixo d'ella que "foi la meyor actriz infantil." El so debú nes tables tuvo llugar a los dos años d'edá cola obra Shore Acres, con James Herne. Se rumoreaba que-y dieron el papel porque la so hermana Mabel yera demasiáu mayor pal personaxe. Na ciudá de Nueva York debutó en 1896, nel Teatru Miner, cola mesma obra. N'ochobre de 1897 el Harlem Opera House presentó Shore Acres, pieza qu'empecipiaba'l so sestu añu de representaciones con Herne como primer actor interpretando a Nathaniel Berry.

En 1904, a los diez años d'edá, Taliaferro recibía 100 dólares selmanales de George Tyler de Liebler & Company. Na temporada siguiente foi contratada p'actuar con Ezra Kendall. Foi l'actriz Shakespeariana más nueva del circuitu teatral, encarnando a Puck nuna producción de Ben Greet de A Midsummer Night's Dream, representada na Universidá de Princeton en mayu de 1904. Foi allabada polos profesores del centru, que-y regalaron les insinies de la universidá.

A la so vuelta a Nueva York, Taliaferro actuó con Clara Bloodgood en The Girl With The Green Eyes. Otros intérpretes colos que collaboró na so primer etapa fueron Olga Nethersole y Y.H. Sothern.

En 1907 Taliaferro actuó en Polly of the Circus, obra escrita por Frederic Thompson, y que se caltuvo n'escena más d'un añu nel Teatru Liberty de Nueva York. La producción pasó en payares de 1908 al Teatru Wieting de Syracuse (Nueva York).

Edith Taliaferro a los 17 años

Actriz adulta

Taliaferro destacó pol so papel representáu en 1913 na pieza Rebecca of Sunnybrook Farm. Ésta foi llevada a escena nel Teatru Republic de Nueva York. Otres obres teatrales d'ésitu nes cualos actuó fueron Young Wisdom, Tipping The Winner, A Breath of Old Virginia, Mother Carey's Chickens, The Bestsellers, Please Get Married, Kissing Time (1920), A Love Scandal, The Evangelist, Tarnished y Private Lives.

Amás, a lo llargo de la so carrera trabayó en Londres, Inglaterra, y n'Australia cola Toronto Theatre Guild. Como actriz de vodevil actuó nel Teatru Palace de Nueva York, siendo la mayor parte de la so carrera posterior dedicada a la radio y al teatru de branu.

Edith Taliaferro (derecha), cola so hermana Mabel en 1913.

Carrera cinematográfica

Mientres un curtiu tiempu, Taliaferro trabayó pal cine. El so primer títulu foi Young Romance, filme de 1915. Encarnó a Esther Field en Who's Your Brother? (1919), adautación d'un testu de Robert Bronson Stockbridge. Rodó otra película, The Conquest of Canaan (1916), basada na novela de Booth Tarkington y filmada en Asheville, Carolina del Norte.

Fallecimientu

Edith Taliaferro finó por causa de una llarga enfermedá en Newtown (Connecticut) en 1958. Tenía 63 años d'edá. Los sos restos fueron encenraos. Había estáu casada col tamién actor House B. Jameson.

Filmografía

• Who's Your Brother? (1919)
• The Conquest of Canaan (1916)
• Young Romance (1915)

Trabayu teatral

• The Hook-up
• A Love Scandal
• Fashions of 1924
• Kissing Time
• Please Get Married
• Muggins
• Mother Carey's Chickens
• Captain Kidd, Jr.
• Tipping the Winner
• Young Wisdom
• Rebecca of Sunnybrook Farm
• The Evangelist
• Mrs. Wiggs of the Cabbage Patch
• The Girl with the Green Eyes
• The Bonnie Brier Bush
• The Sunken Bell

Referencies

• «Theater Talk». Mansfield News:  p. 7. 16 d'abril de 1909. 
• «Theatres». New York Times:  p. 5. 10 d'ochobre de 1897. 
• «Ten Years Old; $100 A Week». New York Times:  p. 9. 24 de mayu de 1904. 
• «Edith Taliaferro Of Stage, Was 64». New York Times:  p. 27. 3 de marzu de 1958. 
• «Wieting-Polly of the Circus». Syracuse Herald:  p. 30. 15 de payares de 1908. 
• Esta obra remanez de la traducción de Edith Taliaferro de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Wikimedia Commons acueye conteníu multimedia sobre Edith Taliaferro .
• Edith Taliaferro na Internet Movie Database (n'inglés)
• Edith Taliaferro en IBDb.com
• «Edith Taliaferro». en Find a Grave. (n'inglés)

• Datos: Q5338686
• Multimedia: Edith Taliaferro