Abrir el menú principal

Edwin Powell Hubble (Marshfield, Missouri, 20 de payares de 1889 - Pasadena, California, 28 de setiembre de 1953) foi unu de los más importantes astrónomos estauxunidenses del sieglu XX, famosu principalmente por demostrar la espansión del universu midiendo'l desplazamientu al bermeyu de galaxes distantes. Hubble ye consideráu'l pá de la cosmoloxía observacional anque la so influyencia na astronomía y astrofísica ta arimada a munchos otros campos.

Edwin HubbleNoun Astronomy Icon2.svg
Edwin-hubble.jpg
Vida
Nacimientu Marshfield Traducir20  de payares de 1889
Nacionalidá Bandera de Estaos Xuníos d'América Estaos Xuníos
Fallecimientu

San Marino28  de setiembre de 1953

(63 años)
Causa de la muerte Accidente cerebrovascular
Estudios
Estudios Universidá de Chicago
The Queen's College Traducir
Llingües inglés
Alumnu/a de Forest Ray Moulton
Oficiu
Oficiu astrónomu y astrofísicu
Emplegadores Observatorio Yerkes Traducir
Observatoriu del Monte Wilson
Premios
Nominaciones
Miembru de Sociedá Filosófica Americana
Academia Nacional de Ciencies de los Estaos Xuníos
Serviciu militar
Lluchó en Primer Guerra Mundial
Segunda Guerra Mundial
Edwin Hubble signature.svg
Cambiar los datos en Wikidata

Primeros añosEditar

Hubble ñació en Marshfield (Missouri) el 20 de payares de 1889. Yera fíu d'un abogáu y él mesmu taba destináu a exercer la carrera llegal. Fizo los sos estudios na Universidá de Chicago, elixó matemátiques y astronomía. Llicencióse en 1910.

Hubble nel Monte WilsonEditar

Tornó al campu de la astronomía al integrase nel Observatoriu Yerkes de la Universidá de Chicago, onde obtuvo'l doctoráu en física en 1917. Al volver del so serviciu na Primer Guerra Mundial, en 1919, ufiertóse-y un puestu nel nuevu observatoriu del monte Wilson, onde tenía accesu a un telescopiu.

Nos entamos de la so carrera nel observatoriu, la so atención foi atraída poles nebuloses. Per entoncies, les formes y el tamañu de les galaxes conocíense razonablemente bien, pero nun se sabía qué existía más allá de les sos llendes... si ye que podía atopase dalgo nuevo.

Taba claro que delles nebuloses s'encontraben na galaxa y que, básicamente, yeren gas illumináu por estrellrs nel so interior. En 1924 Hubble tuvo éxitu al atopar estrelles na Nebulosa d'Andromeda.

La espansión del UniversuEditar

En 1929, Hubble espublizó un análisis de la velocidá radial de les nebuloses de la que calcuara la distancia. Lo qu'estableció foi que, anque delles nebuloses estragaláctiques teníen espectros qu'indicaban que se movíen escontra la Tierra, la gran mayoría, mostraba corrimientos hacia'l bermeyu que sólo podíen esplicarse asumiendo que s'alloñaben. Más sorprendente yera'l so descubrimientu de qu'existía una rellación direuta entre la llonxitú de la distancia d'una nebulosa y la so velocidá de retrocesu.

Esto sólo tenía sentíu si'l propiu universu, incluíu l'espaciu entre galaxes, se taba espandiendo. Xunto a Milton Humason postuló la Llei d'Hubble relativa a la espansión del universu.

George Hale, el fundador y direutor del Observatoriu Monte Wilson nes cercaníes de Pasadena (California), dependiente del Institutu Carnegie, ofreció-y un puestu de trabayu nel que tuvo hasta la so muerte, que foi nel añu 1953 nun accidente. Anantes de la so muerte, Hubble foi'l primeru n'utilizar el telescopiu Hale del Observatoriu Palomar.

Otros trabayos y descubrimientosEditar

Foi condecoráu cola Medaya Franklin en 1939 polos sos trabayos sobres les nebuloses. Recibió la medaya d'oru de la Royal Astronomical Society en 1940. El telescopiu espacial Hubble foi bautizáu asina nel so honor, asina como l'asteroide 2069 Hubble. Descubrió l'asteroide 1373 Cincinnati el 30 d'agostu de 1935.