Tichodroma muraria
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Tichodroma muraria esguilatorres  | ||
|---|---|---|
.jpg) | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Tichodromadidae | |
| Xéneru: |
Tichodroma Illiger, 1811 | |
| Especie: |
T. muraria (Linnaeus, 1766) | |
| Distribución | ||
 | ||
| Consultes | ||
| [editar datos en Wikidata] | ||
L'esguilatorres[1] o llastrina[2] (Tichodroma muraria) ye una pequeña ave que s'atopa al traviés de los montes d'Eurasia, incluyendo los Picos d'Europa, los Pirineos, los Alpes y los montes del Altái. Ye l'únicu miembru del xéneru Tichodroma. Dacuando ye consideráu como únicu miembru de la subfamilia Tichodromadinae na familia Sittidae, pero tamién ye separáu como familia independiente Tichodromadidae (Del Hoyo et al. 2007).
Les aves escontra l'este de Turkmenistán son daqué más escures, y dacuando fueron clasificaes como una raza separada T. m. nipalensis.
La llastrina ye de normal non migratoria, pero camuda a altores inferiores mientres l'iviernu, y dacuando analaya más lloñe entá, ente canteres o edificaciones. Aves aisllaes envernaron tan lloñe como n'Inglaterra, y una tamién envernó na Universidá d'Ámsterdam.
Ésta ye una ave de 15,5 a 17 cm de llongura con un plumaxe bien curiosu en carmesí, gris y negru; con vuelu de caparina y xoriles inaccesibles. El so nome común chinu significa ‘flor de roca’.
Na estación reproductiva, el machu puede ser de cutiu estremáu de les femes pol so gargüelu negru, anque les femes tienen dacuando tamién el gargüelu negru en graos variables.
Esta especie ye carismática y bastante mansa, pero difícil de ver nes fasteres de los montes.
Aliméntase d'inseutos y arañes qu'atropa col so llargu picu, y añera en cuévanos predresos, poniendo 4 a 5 güevos blancos rayaos, que son guaraos pola fema. El cantar del machu ye una secuencia de xiblíos.[3]
En vuelu paez una pupa Upupa epops de colores estraños o una caparina xigante, pero engata pelos paredones de piedra como si fuera un mure.
Nome común
editarEsta especie ye conocida nel dominiu llingüísticu asturlleonés colos siguientes nomes comunes: esguilatorres[1] y llastrina[2].
Referencies
editar- ↑ 1,0 1,1 URL de la referencia: http://www.sabencia.net/nomenclator.php.
- ↑ 2,0 2,1 «Diccionariu de la Llingua Asturiana» (asturianu) (15 avientu 2000). Consultáu'l 29 avientu 2023.
- ↑ avibase.bsc-eoc.org/ Tichodroma muraria
Bibliografía
editar- Enciclopedia Virtual de los Vertebrados Españoles. Salvador, A., Morales, M. B. (Eds.). Museo Nacional de Ciencias Naturales, Madrid.
- Del Hoyo, J.; Elliot, A. & Christie D. (editors). (2007). Handbook of the Birds of the World. Volume 12: Picathartes to Tits and Chickadees. Lynx Edicions. ISBN 978-84-96553-42-2
Enllaces esternos
editar
Wikimedia Commons acueye conteníu multimedia sobre Tichodroma muraria.
| Wikispecies tien un artículu sobre Tichodroma muraria. |
Datos: Q167230- Multimedia: Tichodroma muraria
Especies: Tichodroma muraria
