María II de Portugal
María II de Portugal (4 d'abril de 1819, Rio de Janeiro – 15 de payares de 1853, Lisboa), reina de Portugal, moteyada la Educadora. Nacida en Brasil, foi la única americana xefe d'estáu d'unu européu, anque Brasil en 1819 formaba parte de Portugal.[8] Foi fía de Pedro I de Brasil y IV de Portugal, y de la so primer esposa, l'archiduquesa María Leopoldina d'Habsburgu-Lorena. Foi la segunda y última muyer que xubió al tronu de Portugal.[8]
Ascensión al tronu
editar
En marzu de 1826 morrió'l rei Xuan VI, lo que dio llugar a una crisis de socesión nel país. El so herederu, Pedro, proclamárase emperador de Brasil en 1822. Juan tenía otru fíu Miguel, que taba exiliáu n'Austria dempués de liderar una serie de llevantamientos contra'l so padre y el réxime lliberal.
El rei designó a la so fía preferida, Isabel María, rexente hasta que la so "herederu llexítimu tornara al país". Pero enxamás especificó quien yera esi herederu, si yera Pedro, l'emperador, o Miguel, el príncipe nel exiliu.
Alvertíu de que los siguidores del so hermanu taba llistos p'asitiar a Miguel nel tronu, l'emperador de Brasil abdicó'l tronu portugués en favor de la so fía mayor, María de la Gloria, que namái tenía siete años d'edá, cola condición de que se casara col so tíu Miguel y de qu'ésti aceptara la Constitución Lliberal y exerciera la rexencia hasta que la so sobrina algamara la mayoría d'edá.
Miguel asemeyó qu'aceptaba la propuesta, pero al llegar a Portugal, derrocó a María y proclamóse a sí mesmu rei'l 28 de xunu de 1828, aboliendo la constitución lliberal. Mientres el reináu del so maríu, María percorrió diverses cortes europees, incluyendo la del so güelu en Viena, según Londres y París. El 15 de marzu de 1829,[9] el so padre l'emperador de Brasil designó un Conseyu de rexencia de trés persones presidíu pol duque de Palmela, pa encargase del gobiernu constitucional de Portugal nel so apartaz de les islles Azores.[10]
Pedro abdicó'l tronu brasilanu en 1831 en favor del so fíu Pedro de Alcántara pa tratar de que la so fía María recuperara'l tronu portugués. Asumió la rexencia pa la so fía'l 3 de marzu de 1832.[11] Y dende la so base nes Azores atacó a Miguel, obligándo-y a abdicar en 1834. María II retomó la corona y consiguió l'anulación del matrimoniu col so tíu.
Reináu
editarEl 26 de xineru de 1835, con 15 años d'edá, casóse con Augusto de Beauharnais, duque de Leuchtenberg, hermanu de la so madrasca la emperatriz Amelia, fíu d'Eugène de Beauharnais y nietu de la Emperatriz Josefina. Don Augusto morrió'l 28 de marzu d'esi mesmu añu, dos meses dempués de la boda.[8]
El 1 de xineru de 1836, con 16 años d'edá, María casóse col príncipe Fernando de Saxonia-Coburgu-Gotha, que gobernó como rei consorte. Recibió'l títulu, acordies cola tradición portuguesa, al nacer el so primer fíu, l'herederu.[8]
Mientres el so reináu, María II hubo de faer frente a una insurrección el 16 de mayu de 1846, que foi encalorada poles tropes realistes el 22 de febreru de 1847. Tamién dictó una acta p'asegurar la salú pública y evitar que s'espandiera'l roxura pel país. Amás, sofitó polítiques que fomentaben l'aumentu del nivel educativu de la población.
Tres diversos embaranzos y partos, los médicos informaron a María II del peligru que suponía pa la so salú dar a lluz a un fíu per añu. María nun fixo casu de les alvertencies y morrió al dar a lluz al príncipe Eugenio en 1853.[8]
Matrimoniu y descendencia
editarEl 26 de xineru de 1835, casóse con Augusto de Beauharnais, duque de Leuchtenberg, ensin descendencia.
El 1 de xineru de 1836, María casóse col príncipe Fernando de Saxonia-Coburgu-Gotha, con quien tuvo 11 fíos:
- Pedro (1837-1861).
- Luis, duque de Porto y Viseu (1838-1889).
- María, nacida y muerta el 4 d'ochobre de 1840.
- Juan, duque de Beja (1842-1861).
- María Ana, (1843-1884), casada con Xurde I de Saxonia.
- Antonia María, (1845-1913), casada con Leopoldu de Hohenzollern-Sigmaringen.
- Fernando, (1846-1861)
- Augusto, duque de Coimbra (1847-1889)
- Leopoldu, nacíu y muertu el 7 de mayu de 1849.
- María de Gloria, nacida y muerta el 3 de febreru de 1851.
- Eugenio, nacíu y muertu el 15 de payares de 1853, unes hores dempués de la so madre.
Ancestros
editar
| Predecesor: Pedro IV |
Reina de Portugal 1826-1828 |
Socesor: Miguel I |
| Predecesor: Miguel I |
Reina de Portugal 1834-1853 (Xunto a Fernandu II dende 1837) |
Socesor: Pedro V |
Referencies
editar- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Identificador Find a Grave: 9687778.
- ↑ 5,0 5,1 Identificador de persona en The Peerage: p10450.htm#i104492. Data de consulta: 7 agostu 2020.
- ↑ Afirmao en: idRef. Identificador de referencia de idRef SUDOC: 134241975. Data de consulta: 22 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ URL de la referencia: http://www.ordens.presidencia.pt/?idc=154.
- ↑ 8,0 8,1 8,2 8,3 8,4 «Maria lI.» (portugués). Portugal - Dicionário Históricu, Corográfico, Heráldicu, Biográficu, Bibliográficu, Numismáticu y Artísticu páxs. 819-823. Consultáu'l 9 d'avientu de 2012.
- ↑ n'inglés
- ↑ n'inglés
- ↑ n'inglés
Enllaces esternos
editar
Wikimedia Commons acueye conteníu multimedia sobre María II de Portugal.
Datos: Q221145- Multimedia: Maria II of Portugal
