Carlos III d'España
Carlos III d'España, llamáu «el Políticu» o «el Meyor Alcalde de Madrid» (20 de xineru de 1716, Madrid – 14 d'avientu de 1788, Madrid), foi duque de Parma y Plasencia —como Carlos I— ente 1731 y 1735, rei de Nápoles —como Carlos VII— y rei de Sicilia —como Carlos V— de 1734 a 1759 y d'España dende 1759 hasta la so muerte en 1788.
.svg){kind=small}
Carlos yera'l tercer fíu home de Felipe V que llegó a la vida adulta y el primeru que tuvo cola so segunda muyer, Isabel Farnesio, polo que fueron los sos mediu hermanos Lluis I y Fernando VI quien asocedieron al so padre nun primer momentu. La muerte ensin descendencia d'estos llevaría a Carlos a ocupar el tronu español.
Carlos sirvió a la política familiar como una pieza na llucha por recuperar la influencia española n'Italia: heredó primeramente de la so madre los ducaos de Parma y Plasencia en 1731; pero más tarde, al reconquistar Felipe V el Reinu de Nápoles y Sicilia nel cursu de la Guerra de Sucesión de Polonia (1733-1738), pasó a ser rei d'aquellos territorios col nome de Carlos VII. Contraxo matrimoniu en 1738 con María Amalia de Sajonia, fía de Federico Augusto II, duque de Sajonia y de Lituania y rei de Polonia.
Rei d'España
editarTres los fallecimientos de Lluis I y de Fernando VI ensin descendencia, el tronu d'España pasó a Carlos III, tercer fíu home de Felipe V y primero del so matrimoniu con Isabel Farnesio, con gran esperiencia de gobiernu como rei de Nápoles. Tornó a Madrid el 9 d'avientu de 1759 ya introdució, per primer vegada n'España, el Derechu divín como fonte y xustificación de la so soberanía regia.[11]Fray Sebastián de Jesús de neñu agoró-y que diba ser rei. Carlos III al so fallecimientu promovió'l procesu de beatificación, por aciu una carta empobinada en mayu de 1771 al cardenal arzobispu de Sevilla, Francisco de Solís.[12]
Política esterior
editarEl primer asuntu que'l rei trató foi la Guerra de los Siete Años. El monarca español viose obligáu a tomar parte na guerra tres la ocupación británica d'Honduras y la perda de la colonia francesa de Quebec, lo que riquió la intervención española nel conflictu pa frenar l'expansionismo británicu per América.
En 1761 roblóse'l Tercer Pactu de Familia y España entró nel conflictu bélicu. El monarca equivocóse tocantes a l'ayuda real que podía emprestar Francia y l'estáu de les sos tropes. Una escuadra inglesa de 53 buques con un exércitu de 14 000 homes consiguió tomar L'Habana pola falta d'entrenamientu de les milicies, en númberu bien inferior a los ingleses, y l'incompetencia del gobernador de la plaza, Juan de Prau. Pocu dempués una escuadra procedente de la India bombardeó y tomó Manila. Los ingleses nun pudieron estender el so dominiu poles Filipines gracies a la resistencia de les guerrilles entamaes por Simón d'Anda.[13] La guerra terminó cola Paz de París de 1763. España dexó a Gran Bretaña la Florida y territorios del golfu de México, en cuenta de la devolución de L'Habana y Manila. La Luisiana francesa pasó a manos d'España, más preparada para defendela. Portugal, aliáu de los británicos, recuperó la colonia del Sacramento.
Política interior: despotismu ilustráu
editarEn política interior, intentó modernizar la sociedá utilizando'l poder absoluto del Monarca so un programa ilustráu.
Na llinia de la Ilustración propia de la so dómina, Carlos III realizó importantes cambeos —ensin quebrar l'orde social, políticu y económicu básicu, despotismu ilustráu— con ayuda d'un equipu de ministros y collaboradores ilustraos, como'l Marqués de Esquilache, Aranda, Xovellanos, Campumanes, Floridablanca, Wall y Grimaldi.
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Identificador Find a Grave: 8852600. Apaez como: Carlos III. Data de consulta: 9 ochobre 2017. Llingua de la obra o nome: inglés.
- ↑ Afirmao en: LIBRIS. Identificador de Libris: 0xbdfblj24jdv74. Data d'espublización: 25 setiembre 2012. Data de consulta: 24 agostu 2018. Editorial: Biblioteca Nacional de Suecia.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: The Bourbons of Naples. Páxina: 226. Editorial: Faber & Faber. Llingua de la obra o nome: inglés. Data d'espublización: 2009.
- ↑ Identificador de persona en The Peerage: p10352.htm#i103519. Data de consulta: 7 agostu 2020.
- ↑ 7,0 7,1 Identificador ULAN: 500122380. Afirmao en: Union List of Artist Names. Data d'espublización: 26 xineru 2018. Data de consulta: 22 mayu 2021. Llingua de la obra o nome: inglés.
- ↑ 8,0 8,1 8,2 8,3 8,4 8,5 Afirmao en: The Peerage. Llingua de la obra o nome: inglés. Autor: Darryl Lundy.
- ↑ Identificador ULAN: 500122380. Afirmao en: Union List of Artist Names. Data d'espublización: 26 xineru 2018. Data de consulta: 21 mayu 2021. Llingua de la obra o nome: inglés.
- ↑ URL de la referencia: https://tufas.palma.cat/system/documents/attachments/000/000/027/original/51ef57c395415b6dc808842654d4327368bbc4c4.pdf. Data de consulta: 20 payares 2020.
- ↑ Dalmacio Negro Pavón. «José Antonio y el Estado».
- ↑ Cordobapedia Fray Sebastián de Jesús
- ↑ Domínguez Ortiz, 2005.
Enllaces esternos
editar
| Predecesor: Fernandu VI |
 Rei d'España 1759 - 1788 |
Socesor: Carlos IV |
| Predecesor: Antonio Farnesio |
Duque de Parma y Plasencia 1731-1735 |
Socesor: Carlos II |
| Predecesor: Carlos VI de Nápoles y IV de Sicilia |
Rei de Nápoles y Sicilia (Rei de les Dos Sicilies) 1734-1759 |
Socesor: Fernando IV de Nápoles y III de Sicilia |
Datos: Q36234
Multimedia: Charles III of Spain
Cites famoses: Carlos III de España
Testos: Autor:Carlos III de España
