Wiedźmin

serie de noveles y cuentos de fantasía d'Andrzej Sapkowski

Wiedźmin ye una serie de cuentos y noveles de fantasía heroica creada pol escritor polacu Andrzej Sapkowski. Consta de diez llibros. Nellos narren les aventures d'una serie de personaxes, centraos en redol al bruxu Geralt de Rivia (polacu: Geralt z Rivii), ún de los últimos bruxos sobro la tierra. Nel universu de Sapkowski los bruxos son cazadores de bisarmes. Dichos bruxos fueron xenéticamente modificaos na so mocedá para desenvolver habilidaes sobrenaturales y capacidaes cimeres de combate. La saga foi afecha a historietes, televisión, xuegos de mesa, xuegos de cartes, videoxuegos, y más apocayá la plataforma de streaming Netflix llanzó una serie nomada The Witcher.

Wiedźmin
serie de llibros
Datos
Autor Andrzej Sapkowski
Fecha 1986
Xéneru fantasía
Llingua de la obra polacu
Editorial orixinal SuperNowa (en) Traducir
País orixinal Bandera de Polonia Polonia
Personaxes
Formáu por Ostatnie życzenie
Miecz przeznaczenia
Krew elfów
Czas pogardy
Chrzest ognia
Wieża Jaskółki
Pani Jeziora
Droga, z której się nie wraca
Coś się kończy, coś się zaczyna
Sezon burz
Obres derivaes The Hexer (es) Traducir, Wiedźmin, The Witcher, The Witcher, The Witcher 2: Assassins of Kings, The Witcher 3: Wild Hunt, The Witcher Adventure Game, The Witcher Battle Arena, Road without return (en) Traducir, The Witcher: La pesadilla del lobo (es) Traducir, Alzur's Legacy (en) Traducir y The Witcher: Blood Origin (es) Traducir
Cambiar los datos en Wikidata

Historia editorial editar

 
Andrzej Sapkowski, autor de la saga.

Los cuentos fueron publicaos de primeres pola revista polaca Fantastyka, empezando a mediaos de la década de 1980. El primer cuentu, llamáu Wiedźmin (El bruxu), foi escritu en 1986 pa un concursu realizáu por dicha publicación, quedando nel tercer llugar. Darréu los cuatro primeres hestories que retraten al bruxu Geralt de Rivia fueron presentaes nuna coleición de cuentos titulada Wiedźmin en xunto con Droga, z której się nie wraca (El camín ensin torna), que trescurre anantes de les hestories del bruxu.

La segunda coleición de cuentos publicada foi Miecz przeznaczenia (La espada del destín). Subsecuentemente L'últimu deséu foi publicáu tres ésta, sustituyendo a Wiedźmin como'l primeru de los llibros por orde cronolóxicu, al incluyir tolos cuentos de la saga salvu per El camín ensin torna, convirtiéndose nel principiu de la hestoria de manera retroactiva.

Ente 1994 y 1999 fueron publicaes cinco noveles que componen el cuerpu central de la saga. Estes son: El sangre de los elfos, Tiempu d'odiu, Bautismu de fueu, La torre de la golondrina y La dama del llagu.

Darréu foi publicáu Coś się kończy, coś się zaczyna (Cuando daqué termina, daqué empieza), una coleición conteniendo un final alternativu pa la saga, escritu primeramente pa los amigos de Sapkowski, qu'incluyía otres hestories curties ensin conexón directa cola serie. En delles ediciones polaques los cuentos El camín ensin torna y Cuando daqué termina, daqué empieza fueron amestaos a L'últimu deséu o La espada del destín.

En 2013, Sapkowski tornó a la serie con una última novela, Estación de nubes. Esta ye una hestoria independiente de la saga central.

Llibros editar

Títulu orixinal 1ª edición orixinal
0. Wiedźmin (obsoleto) 1990
1. Ostatnie życzenie 1993
2. Miecz przeznaczenia 1992
3. Krew elfów 1994
4. Czas pogardy 1995
5. Chrzest ognia 1996
6. Wieża Jaskółki 1997
7. Pani Jeziora 1999
8. Coś się kończy, coś się zaczyna 2000
9. Sezon burz 2013

Ambientación editar

Escenariu editar

 



Kovir y Poviss
 



Hengfors
 



Kaedwen
 



Redania
 



Mahakam
 



Aedirn
 



Cintra
 



Temeria
 



Lyria y Rivia
 



Nilfgaard

Les hestories trescurren nun continente ensin identificar, que foi pobláu miles d'años tras por elfos provenientes d'otra dimensión. Cuando estos llegaron, namái atoparon gnomos y nanos na rexón. Tres un cruentu periodu de guerres ente estes races, los nanos retiraronse escontra los montes y los elfos establecieronse nes planicies y los montes. Colonos humanos llegaron aproximao 500 años antes de los acontecimientos sobro los que traten les hestories, dando entamu a un nuevu periodu de guerres.

Los humanos, victoriosos nesti nuevu periodu bélicu, convirtieronse na raza dominante emburriando a les races non-humanes a vivir dientro de guetos al interior de los asentamientos humanos. Aquellos que nun moren nos guetos viven en rexones desérticas entá non conquistaes polos humanos. Ente les races intelixentes qu'habiten el continente cuntense a medianos, dríades, homes llobu y vampiros, toos surdíos a partir d'un acontecimientu máxicu denomináu Conxunción de les Esferes.

Mientres los sieglos anteriores a les noveles, la mayoría de les rexones del sur del continente fueron unificaes nel Imperiu de Nilfgaard, ente que'l norte permaneció estazáu nuna serie d'estaos feudales. La saga trescurre mientres la primera gran guerra ente l'Imperiu de Nilfgaard y los Reinos del Norte.

Xeografía editar

A pesar de que nengún mapa del so universu foi develado por Sapkowski, munchos d'estos fueron creaos por almiradores. Acordies con l'escritor, estos mapes son "casi perfectos" y él personalmente usa una versión creada pol traductor checu Stanislav Komárek.[1]

El continente atópase estremáu en cuatro rexones. Los Reinos del Norte (onde trescurre la mayor parte de la saga) consisten en Aedirn, Cidaris, Cintra, Lliga de Hengfors, Kaedwen, Kerack, Kovir y Poviss, Lyria y Rivia, Redania, Temeria y Verden, amás de dellos ducaos y principaos menores como Bremervoord o Ellander. L'Imperiu de Nilfgaard ocupa la mayor parte del área al sur y los reinos del norte. La parte oriental del continente, como'l desiertu de Korath, Zerrikania, Hakland y los montes de Fiery ye desconocida na so mayoría. La serie amás menta países estranxeros que comercian dacuando colos Reinos del Norte, incluyíos Zangvebar, Ofir, Hannu y Barsa.

Llinguaxe editar

 
Mapa del continente onde se ambientan les hestories.

Sapkowski tamién creó una llingua esclusivamente pa la serie, que denomina "llingua ancestral"; tien como base los idiomes inglés, francés, galés, irlandés y llatín, ente otros.[2][3] Un dialeutu d'esta llingua ye faláu nes islles de Skellige y polos Nilfgaardianos.

Cine y televisión editar

The Hexer ye'l títulu internacional tantu de la película Wiedźmin (2001) como de la serie de televisión (2002) dirixíes por Marek Brodzki, afeches por Michał Szczerbic y producíes por Lew Rywin. El papel de Geralt foi interpretáu por Michał Żebrowski, y la música compúsola Grzegorz Ciechowski. La película yera esencialmente un resume de los episodios de la serie de televisión amenorgaos a dos hores, y recibió crítiques bien probes tantu de los fanes como de la crítica y el mesmu Sapkowski, que los sos diálogos refugaronse por non ser comerciales.

Los trelce capítulos de la serie de televisión emitieronse al añu siguiente. La serie yera muncho más coherente que la confusa película, pero aun así cadecía de los mesmos problemes qu'aquella, incluyendo'l refugu esplícitu del autor, polo que foi un fracasu. Nun esiste versión oficial de la mesma n'otru idioma que'l polacu.

En 2019 estrenose en Netflix The Witcher, una serie televisiva qu'afai los llibros del bruxu. La serie cunta con Sean Daniel y Jason Brown como productores; Henry Cavill interpreta a Geralt de Rivia; con efectos especiales al cargu de Platige Image S.A.[4]

La serie estrenóse'l 20 d'avientu de 2019 y cuenta con ocho episodios na so primer temporada. El rodaxe de la serie realizóse nes islles de La Palma, Gran Canaria (Isles Canaries) y en llocalizaciones d'Europa del Este.

Videoxuegos editar

N'ochobre de 2007 foi llanzáu The Witcher, un xuegu RPG para PC, desenvueltu y puestu a la venta pol estudiu polacu CDProjekt, onde se cunta la hestoria de Geralt posterior a la finalización del últimu llibru. El bruxu, que perdió la memoria, torna a Kaher Morhen solu pa ver cómo un grupu llamáu La Sacavera roba los secretos de los bruxos y maten al últimu discípulu de los bruxos; asina Geralt embarcase nuna gran aventura onde intenta recuperar les sos alcordances y vengar a los bruxos.

Un añu dempués del so llanzamientu oficial, el xuegu recibió la versión "Enhanced Edition", corrixendo dellos errores de la edición orixinal y ameyorando munchos aspeutos del mesmu.

El xuegu ganó sonadía internacional y ganó más de 90 premios de la crítica. Adicionalmente, The Witcher entró a la hestoria al convertise n'unu de los 100 xuegos más vendíos pa PC de tola historia con un récord de ventes de 1.2 millones alredor del mundu.

Una segunda versión, titulada The Witcher: Rise of the White Wolf, pensada pa les consoles de sobremesa Xbox 360 y PlayStation 3, y prevista primeramente pa seronda de 2009, foi atayada.[5]

Magar ello, CD Projekt trabayó na segunda entrega: The Witcher 2: Assassins of Kings, puesta a la venta'l 17 de mayu de 2011. Esta remortina siguió onde terminó la primera, corrixendo errores de The Witcher y remocicando por completu'l sistema de combate. Tamién introdució unos gráficos atanantes pa la so dómina: destacóse especialmente nel usu apolmonante de lluces y solombres ambientales y l'opción gráfica "hiperrealismu", onde'l xuegu xenera delles vegaes cada imaxe pa consiguir una resultancia muncho más apolazada, a costa del rendimientu.

Na convención E3 de 2011 publicóse l'adautación del xuegu a Xbox 360. El 17 d'abril de 2012 estrenóse la remortina na consola Xbox 360, cuntando con escelentes crítiques pola so adautación a la consola de Microsoft.

El 19 de mayu de 2015, dempués d'un tiempu de retrasu, salió a la venta la tercer entrega del videoxuegu, The Witcher 3: Wild Hunt. El xuegu ta protagonizáu por Geralt de Rivia, Vesemir, Yennefer, Triss Merigold y Ciri. Esta entrega recibió crítiques desaxeradamente positives, ganando más de 200 premios y siendo catalogada pola mayoría de medios de videoxuegos como "Meyor videoxuegu del añu 2015", amás de catapultar a la fama a la so empresa desarrolladora, CD Projekt REDE, para convertise nuna de les compañíes más valoraes nel ámbitu, por cuenta de les sos decisiones tomaes sobro DLC, espansiones y la so negativa a incorporar DRM (xestión de derechos dixitales).

Referencies editar

  1. «"Nie bądź, kurwa, taki Geralt" - interview on author's page» (polaco). Archiváu dende l'orixinal, el 15 d'avientu de 2007.
  2. Wielojęzyczność w perspektywie stylistyki i poetyki.
  3. «Projekt słownika Starszej Mowy». Archiváu dende l'orixinal, el 24 de marzu de 2014. Consultáu'l 6 de marzu de 2013.
  4. Zahumenszky, Carlos. «The Witcher tendrá su propia serie de televisión y se estrenará en Netflix». Consultáu'l 17 d'ochobre de 2017.
  5. «Suspendido el desarrollo de The Witcher para consolas». Consultáu'l 23 de payares de 2009.

Enllaces esternos editar