Thomas Cannon

Thomas Cannon
Vida
Nacimientu	Inglaterra, 1720
Nacionalidá	Reinu Xuníu
Muerte	depués de 1749
Estudios
Llingües falaes	inglés
Oficiu	escritor
Creencies
Relixón	anglicanismu

Thomas Cannon (1720, Inglaterra – depués de 1749) foi un posible collaborador lliterariu de John Cleland, autor de Fanny Hill, amás de ser l'escritor de lo que podría ser la primer defensa de la homosexualidá n'inglés, Ancient and Modern Pederasty Investigated and Exemplify'd (1749; «Pederastia antigua y moderna investigada y ejemplificada»).

Fíu d'un deán de la catedral de Lincoln, Cannon tuvo una seria engarradiella con Cleland, qu'indirectamente llevó al so xuiciu. En 1748, Cleland foi unviáu a prisión por non pagar les sos deldes a Cannon y a otru home. Foi mientres esa estancia en prisión que Cleland escribió Fanny Hill. Poco primero de que apaeciera'l segundu volume, Cannon presentó una quexa contra Cleland, afirmando qu'agora taba unviando cartes anónimes con acusaciones abusives y calumniadores. Cleland acusó a Cannon d'intentu d'asesinatu y de ser homosexual.

Poques selmanes dempués, Cannon editó Ancient & Modern Pederasty (1749; «Pederastia antigua y moderna»). A pesar de que trataba una tema illegal, el panfletu pue que nunca llamara l'atención de les autoridaes la so nun fuera por un agafáu Cleland, que, dempués de salir de la cárcel, foi arrestáu de nuevu en 1749 por obscenidad por Fanny Hill. Cleland, como vengación, escribió al abogáu del duque de Newcastle, llamando l'atención sobre l'escritu de Cannon. La carta provocó una nota de Newcastle al fiscal xeneral, solicitando que s'escorriera judicialmente a Cannon.

Cannon y el so imprentador fueron arrestaos, pero lliberaos so fianza de 400 llibres cada unu. Cannon fuxó al estranxeru mientres trés años. L'imprentador foi a xuiciu, declaráu culpable y multáu, encarceláu per un mes y torturáu públicamente na picota.

La madre de Cannon solicitó con ésitu al duque de Newcastle que restirase los cargos contra'l so fíu, afirmando que s'había represu y que deseyaba volver a Inglaterra non solo por necesidaes financieres, sinón pa publicar una revocación o retracción del panfletu orixinal. El tal testu nunca foi editáu. Dempués de volver a Inglaterra, Cannon vivió tranquilamente en Windsor cola so madre y les sos hermanes, y nunca volvió a la vida pública.

Nun paecen sobrevivir nengunu de los panfletos de Cannon. El testu creíase perdíu hasta 2003, cuando lo que paez ser la mayor parte de la obra foi afayáu como cites estrayíes nel xuiciu orixinal contra l'imprentador, que sobrevivió nos archivos del King's Bench. El testu foi finalmente publicáu na revista Eighteenth-Century Life en 2007.

Lo que queda de Ancient and Modern Pederasty Investigated and Exemplify'd amuesa que más que ser un tratáu secu, ye una antoloxía risondero y aloyero de la defensa de la homosexualidá, escrita con un obviu entusiasmu pola tema. Contién la frase: «Deséu antinatural ye una contradicción de términos; una tontura total y absoluto. El deséu ye l'impulsu amatorio de les partes más íntimes del ser humanu: ¿nun son, igual como sían y polo tanto impulsen, naturaleza?»

Bibliografía

Hal Gladfelder, In search of lost texts: Thomas Cannon's Ancient and modern pederasty investigated and exemplify'd, "Eighteenth-century life", XXXI 2007 (n. 1), pp. 22-38.
Hal Gladfelder, The indictment of John Purser, containing Thomas Cannon's Ancient and modern pederasty investigated and exemplify'd, "Eighteenth-century life", XXXI 2007 (n. 1) pp. 39-61.
Thomas Cannon, Ancient and Modern Pederasty Investigated and Exemplify'd (excerpts, 1749) en WikiSource.

Referencies

Enllaces esternos

Ancient text shows 'gai activist' (n'inglés), BBC News, 25 d'abril de 2007
Eighteenth-Century Life, Duke University Press, Volume 31, Number 1, Winter 2007. On line, Project MUSE.