Presidente de Bielorrusia

Presidente de Bielorrusia
	cargu
	presidente
Titular	Aleksandr Lukashenko
Residencia	Residencia Presidencial (es) y Palacio de la Independencia (es)
Xurisdicción	Bielorrusia
Estáu	Bielorrusia
Creación	1994
Llista	list of national leaders of Belarus (en)
Sitiu web	http://www.president.gov.by/

El Presidente de Bielorrusia (en bielorrusu: Прэзідэнт Рэспублікі Беларусь, en rusu: Президент Республики Беларусь) ye'l xefe d'estáu de Bielorrusia. El cargu foi creáu en 1994 tres l'aprobación de la Constitución de Bielorrusia pol Sóviet Supremu. Este sustituyó al cargu de Presidente del Parllamentu del Sóviet Supremu como xefe d'estáu. Les xeres d'execución del presidente inclúin la política interior y esterior, la defensa de los derechos y el bienestar xeneral de los habitantes, y la defensa de la constitución. Según la constitución el presidente tien de sirvir como un líder nos asuntos sociales del país y actuar como representante principal de Bielorrusia nel estranxeru. Les funciones, responsabilidaes y les demás clauses transitories a la presidencia figuren nel Capítulu Terceru, artículos 70 a 89, de la constitución.

El mandatu del presidente ye de cinco años, pero por cuenta de un referéndum en 1996, la eleición que tendría d'asoceder en 1999 foi suspendida y celebrada en 2001 ampliando asina esti cargu. Na constitución de 1994, el presidente solo podía ocupar tal cargu solu dos veces, pero por cuenta de un cambéu na constitución, el presidente puede ser reelecto indefinidamente. Dende la creación del cargu fueron celebraes cinco eleiciones: en 1994, 2001, 2006, 2010 y 2015. Aleksandr Lukashenko foi la única persona qu'ocupó'l cargu de presidente dende les eleiciones de 1994.

Presidente de Bielorrusia

Ver tamién

Referencies

Enllaces esternos