Viaxe
Viaxe ye'l cambéu na ubicación de les persones que se realiza al traviés de los medios de tresporte, yá sían mecánicos o de tracción animal, o'l viaxe realizáu puramente a cuerpu.
Los viaxes pueden ser llevaos a cabu por recreación (como parte del turismu o pa visitar amigos y familia), pero tamién por munches otres razones, como la práctico artística o la migración, pa fuxir d'una guerra, por motivos de salú, etc.
Nos países desenvueltos esiste una peramplia rede de tresporte públicu a tolos niveles, nel ámbitu de la mesma ciudá, dientro d'una nación y de xacíu de forma internacional, cubierta principalmente pol ferrocarril y l'aviación, o con vehículos apropiaos al traviés de cais, carreteres, y caminos.
Puede viaxase al traviés del cielu, como pue ser el casu de dirixibles, helicópteros, aviones, globos... al traviés del océanu, ríos y mares, por aciu embarcaciones, en fondures submarines por aciu el submarín (anque ye un vehículu primordialmente de guerra), pel espaciu por aciu cohetes espaciales y tresbordadores, y el más estendíu, per tierra, principalmente polos tramu asfaltaos pol home (carreteres), casi puramente col usu de dalgún vehículu (automóvil, autocar, bicicleta...), según en trenes usando la rede de ferrocarril.
Viaxes y turismu editar
Munchos estudios determinaron que'l turismu y los viaxes tuvieron históricamente amestaos. Sicasí, a diferencia d'otros tipos de desplazamientu, el turismu adquier una naturaleza comercial. El viaxe turísticu sería consecuencia d'un aumentu nel tiempu llibre y de meyores salariales producíes poles lluches sindicales y la meyora teunolóxica en materia de movilidá.[1][2][3][4]
Esta visión lleva a cuestionar la idea de qu'antes de la modernidá esistieren práutiques turístiques n'otres sociedaes o civilizaciones yá estinguíes. Hai pruebes abondes p'afirmar qu'otres civilizaciones tuvieron les sos propies práutiques turístiques, al marxe del turismu modernu.
Dellos académicos -como Teodoro Mommsen- afirmen que'l primera turista na Historia foi l'emperador romanu Adriano, quien nació en Italica na romana Hiberia y percorrió colos sos viaxes tolos rincones del so imperiu (vease Adriano#Viaxes).
Ver tamién editar
Referencies editar
- ↑ Pastoriza, Y. (2011): La conquista de les vacaciones, curtia historia del turismu n'Arxentina. Buenos Aires: Edhasa, 2011.
- ↑ Wallingre, N. (2007): Historia del turismu arxentín. Buenos Aires: Ediciones Turístiques, 2007.
- ↑ Woodside, A. G., y King, R. I. (2001): «An updated model of travel and tourism purchase-consumption systems», artículu na revista Journal of Travel & Tourism Marketing, 10 (1), páxs. 3-27.
- ↑ Guzmán, L. F. J. (1986): Teoría turística: un enfoque integral del fechu social. Bogotá: Universidá Externado de Colombia, 1986.
Enllaces esternos editar
