Fats Domino
Antoine Dominique Domino (26 de febreru de 1928, Nueva Orleans – 24 d'ochobre de 2017, Harvey (es) 
), más conocíu como Fats Domino, foi un cantante, compositor y pianista clásicu del R&B y rock and roll afroamericanu de los Estaos Xuníos, amás de ser el padre del rock and roll. Mientres los años 1950 y empiezu de los 60 foi'l cantante negru que más discos vendió. Domino ye tamién un pianista individualista con influencies del estilu boogie-woogie. El so éxitu sirvió d'impulsu pa los artistes de Nueva Orleans, llegando a influyir en llugares como Xamaica (el ska xamaicanu tien influencies de la so música). La personalidá bonable de Domino y el so ricu acentu súmanse al so encantu natural.
Fats Domino | |
|---|---|
 | |
| Vida | |
| Nacimientu | Nueva Orleans[1], 26 de febreru de 1928[2] |
| Nacionalidá |
 Estaos Xuníos [3] |
| Residencia | Nueva Orleans |
| Grupu étnicu | afroamericanu d'Estaos Xuníos |
| Muerte |
Harvey (es) , 24 d'ochobre de 2017[4] (89 años) |
| Sepultura |
Mount Olivet Cemetery (en) [5] |
| Causa de la muerte |
disfunción orgánica (es) |
| Estudios | |
| Llingües falaes | inglés[6] |
| Oficiu | cantante, pianista, músicu de jazz, compositor de cantares, compositor |
| Llugares de trabayu | Nueva Orleans |
| Premios | |
| Influyencies | Amos Milburn |
| Miembru de |
American Federation of Musicians. Local 496 (New Orleans, La.) (en) |
| Seudónimos | Fats Domino |
| Xéneru artísticu |
rock and roll Rhythm and blues Boogie-woogie Jazz |
| Mena de voz | Barítonu |
| Instrumentu musical |
pianu voz |
| Discográfica |
Imperial London Records (es) Mercury Records Philips Polydor Records ABC Records Reprise Records |
| IMDb | nm0231629 |
| fatsdominoofficial.com | |
 | |
Col boogie-woogie del so pianu y la so carauterística voz de ritmu suave, Antoine "Fats" Domino dio un xiru importante al estilu de Nueva Orleans no que se conoció como rock and roll. Pianista, cantante y compositor nacíu en Crescent City en 1928, Domino vendió más discos (65 millones) que cualesquier cantante de rock de los cincuenta cola esceición d'Elvis Presley.
Domino de cutiu atopó inspiración pa les sos lletres nes esperiencies de la xente. "Daqué que-y pasó a daquién, asina ye como escribo los mios cantares", declaró. "Solía escuchar a la xente falar tolos díes, les coses asoceden na vida real. Solía dir a distintos llugares, escuchaba a la xente falar. Dacuando nun esperaba oyer nada, y la mio mente taba na mio música". Nengún otru artista veteranu del R&B de la so dómina pudo averase al so gran impautu nel rock 'n' roll, como lo demuestra l'amplia variedá d'artistes que versionan los sos cantares: dende Bobby Darin, Ella Fitzgerald, Ricky Nelson, Ike Turner y Tina Turner hasta John Lennon, Paul McCartney, Sheryl Crow, T. Rex, Los Lobos o Cheap Trick.
Biografía
editarEmpiezos
editarAntoine nació nel senu d'una familia numberosa con dellos miembros músicos. El so padre yera violinista y el so tíu Harry actuó como trompetista de jazz nes orquestes d'Oscar Celestin y Kid Ory. A la edá de 6 años aprendió a tocar el pianu y más tarde empezaría con actuaciones en públicu acompañáu de Billy Diamond, un baxista que-y nomaría como Fats (Grases).
Nestos primeros años alternaba la música con distintos trabayos. Foi vendedor de xelaos y más tarde trabayó nuna fábrica de xergones. Nesta empresa sufrió un importante accidente llaboral al cayése-y enriba una pila de xergones. Como resultáu mancáronse-y les manes hasta tal puntu que los médicos dixeron que nun podría volver tocar más el pianu. Domino nun se resignó a ello y, tres una llarga llucha pa la so rehabilitación, consiguió tornar nuevamente a los escenarios.
Carrera
editarFoi afayáu en 1948 nel Hideway Club por Lew Chudd d'Imperial Records cuando cobraba tres dólares per selmana. La so verdadera carrera empezó en 1949 col cantar "The Fat Man", que compunxo xunto con Dave Bartholomew, a quien conoció na Imperial, y que ye consideráu polos investigadores como la primera grabación d'un rock and roll. La grabación, basada na tema "Junker's Blues" de Champion Jack Dupree, foi un enorme éxitu, vendiendo alredor d'un millón de copies y llegando al segundu puestu na llista de Billboard R&B Charts. Hasta 2006, Domino vendió más de 110 millones de discos.
Dempués d'esta afortunada grabación, Domino llanzó una serie de nuevos éxitos col productor y el co-escritor Dave Bartholomew, el saxofonista Alvin "Rede" Tyler y el batería Earl Palmer. Otros músicos notables y de munchos años na banda de Domino yeren saxofonistes: Reggie Houston, Lee Allen y Fred Kemp quién yera tamién el líder responsable de la mentada banda. Domino finalmente travesó la corriente principal del pop con "Ain't That a Shame" (1955) que foi un ésitu nos Top Ten, anque Pat Boone llegaría al númberu 1 con una versión d'esti cantar.
El so primer álbum, Carry on Rockin', llanzáu en payares de 1956 sol sellu d'Imperial, foi darréu reeditáu como Rock and Rollin' with Fats Domino al añu siguiente.[9] Domino llanzó una serie ensin precedente de 35 senciellos qu'entraríen nos Top 40, incluyendo "Whole Lotta Loving", "Blue Monday" y una versión funky de la vieya balada "Blueberry Hill".
Dempués de que se treslladara a la ABC-Paramount en 1963, la so carrera de grabaciones tocó fondu anque Domino siguió actuando en conciertos en vivu. Anque permaneció n'activu mientres décades, Domino namái consiguiría un nuevu éxitu en 1968, una versión de "Lady Madonna" de The Beatles, escrita orixinalmente por John Lennon y Paul McCartney emulando l'estilu de Domino.
Nos años 1980, Domino decidía nun abandonar más Nueva Orleans. Tenía una cómoda renta de los sos derechos d'autor y amás taba'l so iñerizu pa viaxar y la so idea de que comida como la de la so tierra nun la había niundes. Como artista afamáu, la so inclusión nel Rock and Roll Hall of Fame y una invitación a la Casa Blanca nun podrían ser una esceición. Domino vive nuna casona arrodiáu d'una vecindá de clase obrera en Lower 9th Ward, onde se-y puede ver cola so Cadillac de color rosa brillante. Realiza apaiciones añales nel New Orleans Jazz & Heritage Festival y otros acontecimientos locales, demostrando en tou momentu que'l so talentu nun menguó. En 1987, Fats Domino recibe'l Lifetime Achievement Award na 29 edición de los Premios Grammy. Ye citáu como uno de los más importantes enllaces ente la música rhythm & blues y el rock and roll. La so carrera discográfica ye envidiable: Lleva vendíos cerca de 70 millones de discos con más de 90 senciellos y más de 25LP grabaos, llogrando 21 discos d'oru.
Cuando'l furacán Katrina llegó a Nueva Orleans n'agostu de 2005, Domino decidió permanecer nel estáu cola so familia, por cuenta de la precaria salú de la so esposa. La so casa taba asitiada nel distritu de Lower 9th Ward de Nueva Orleans, una zona que sufrió un gran hinchente. El 1 de setiembre, el so axente Al Embry comunicó que nun oyera a Dominó desque empezaron los efeutos del furacán. Más tarde, nesi mesmu día, la CNN afirmó que fuera rescatáu n'helicópteru pol serviciu de guardacostes. La so fía, la cantante de gospel Karen Domino White, identificó a Fats por una semeya amosada na CNN. La famila Domino foi treslladada al abellugu de Baton Rouge. El Washington Post dixo que'l vienres, 2 de setiembre, los Domino vivíen nun apartamentu, tornando al so llar el 15 d'ochobre. Paez ser que la so casa foi saquiada mientres la so ausencia: de los sos 21 discos d'oru, solamente quedaben trés.
Con una personalidá menos estravertida que dalgunos de los sos compañeros contemporáneos del rock y roll, Domino exhibió un poder de permanencia basáu na musicalidá sólida de les sos grabaciones y les sos actuaciones en direutu
Negocios
editarLa so carrera foi producida y empobinada dende los años 1980 pol productor de música y medios audiovisuales Roberto G. Vernon. De magar, les ganancies de Domino amontáronse nun 500%.
Dende 1995, Vernon y Domino fueron socios (con otres munches compañíes, como por casu la Dick Clark Productions) na Bobkat Music Trust. Bobkat Music ye un grupu d'espectáculos que dirixe les carreres de distintos artistes, dalgunos yá finaos como Elvis Presley y otros que siguen vivos como'l mesmu Fats Domino, Paul Shaffer, Jerry Lee Lewis o Randy Pringle ente otros. Bobkat Music ye'l distribuidor oficial de los derechos de grabación de "Fats Domino and Friends".
Anécdotes
editarEl nome artísticu del cantante Chubby Checker ye un xuegu de pallabres cola forma de vistir, l'apellíu y el físicu de Fats Domino (chubby significa gordosu y checker xuegu de dames). Otru xuegu de pallabres ye'l nome del conxuntu alemán de música gospel Fetz Domino, nel que s'entemez l'alemán y el llatín
Nos años 70, na popular sitcom "Happy Days", ambientada nos años 50, el protagonista Richie Cunningham, representáu por Ron Howard, cantaba de cutiu "I Found My Thrill..." ("Atopé la mio emoción...", la primer estrofa de "Blueberry Hill"), en referencia a les moces guapes que conquistara o deseyaba conquistar.
Nel añu 2005, foi una de les víctimes del furacán Katrina. Anque nun morrió, tocó-y movese de la ciudá que tanto amaba, Nueva Orleans.
Discografía
editar| Año | Senciellu | Posición | ||||
|---|---|---|---|---|---|---|
| US | US R&B |
UK | ||||
| 1949 | "The Fat Man" | — | 2 | — | ||
| 1950 | "Boogie-Woogie Baby" | — | — | — | ||
| "Hide Away Blues" | — | — | — | |||
| "Hey La Bas Boogie" | — | — | — | |||
| "Every Night About This Time" | — | 5 | — | |||
| 1951 | "Tired Of Crying" | — | — | — | ||
| "Don't You Lie To Me" | — | — | — | |||
| "Right From Wrong" | — | — | — | |||
| "Rockin' Chair" | — | 9 | — | |||
| 1952 | "I'll Be Gone" | — | — | — | ||
| "Goin' Home" | 30 | 1 | — | |||
| "Poor Poor Me" | — | 10 | — | |||
| "How Long" | — | 9 | — | |||
| 1953 | "Nobody Loves Me" | — | — | — | ||
| "Going To The River" | 24 | 2 | — | |||
| "Please Don't Leave Me" | — | 3 | — | |||
| "Rose Mary" | — | 10 | — | |||
| "Something's Wrong" | — | 6 | — | |||
| 1954 | "You Done Me Wrong" | — | 10 | — | ||
| "Where Did You Stay" | — | — | — | |||
| "You Can Pack Your Suitcase" | — | — | — | |||
| "Love Me" | — | — | — | |||
| "Thinking of You" | — | 14 | — | |||
| 1955 | "Don't You Know" | — | 7 | — | ||
| "Ain't That A Shame" | 10 | 1 | 23 | |||
| "All By Myself" | — | 1 | — | |||
| "Poor Me" | — | 1 | — | |||
| "I Can't Go On" | — | 6 | — | |||
| 1956 | "Bo Weevil" | 35 | 5 | — | ||
| "Don't Blame It On Me" | — | 9 | — | |||
| "I'm In Love Again" | 3 | 1 | 12 | |||
| "My Blue Heaven" | 19 | 5 | — | |||
| "When My Dreamboat Comes Home" | 14 | 2 | — | |||
| "So Long" | 44 | 5 | — | |||
| "Blueberry Hill" | 2 | 1 | 6 | |||
| "Honey Chile" | — | 2 | 29 | |||
| "Blue Monday" | 5 | 1 | 23 | |||
| "What's the Reason I'm Not Pleasing You" | 50 | 12 | — | |||
| 1957 | "I'm Walkin'" | 4 | 1 | 19 | ||
| "The Rooster Song" | — | 13 | — | |||
| "Valley of Tears" | 8 | 2 | 26 | |||
| "It's You I Love" | 6 | 2 | — | |||
| "When I See You" | 29 | 14 | — | |||
| "What Will I Tell My Heart" | 64 | 12 | — | |||
| "Wait And See" | 23 | 7 | — | |||
| "I Still Love You" | 79 | — | — | |||
| "The Big Beat" | 26 | 15 | 20 | |||
| "I Want You To Know" | 32 | — | — | |||
| 1958 | "Yes My Darling" | 55 | 10 | — | ||
| "Sick And Tired" | 22 | 14 | 26 | |||
| "No, No" | 55 | 14 | — | |||
| "Little Mary" | 48 | 4 | — | |||
| "Young School Girl" | 92 | 15 | — | |||
| "Whole Lotta Loving" | 6 | 2 | — | |||
| "Coquette" | 92 | 26 | — | |||
| 1959 | "Telling Lies" | 50 | 13 | — | ||
| "When The Saints Go Marching In" | 50 | — | — | |||
| "I'm Ready" | 16 | 7 | — | |||
| "Margie" | 51 | — | 18 | |||
| "I Want To Walk You Home" | 8 | 1 | 14 | |||
| "I'm Gonna Be a Wheel Someday" | 17 | 22 | — | |||
| "Be My Guest" | 8 | 2 | 11 | |||
| "I've Been Around" | 33 | 19 | — | |||
| 1960 | "Country Boy" | 25 | — | 19 | ||
| "If You Need Me" | — | — | 98 | |||
| "Tell Me That You Love Me" | 51 | — | — | |||
| "Before I Grow Too Old" | 84 | — | 17 | |||
| "Walking To New Orleans" | 6 | 2 | 19 | |||
| "Don't Come Knockin'" | 21 | 28 | — | |||
| "Three Nights a Week" | 15 | 8 | 45 | |||
| "Put Your Arms Around Me Honey" | 58 | — | — | |||
| "My Girl Josephine" | 14 | 7 | 32 | |||
| "Natural Born Lover" | 38 | 28 | — | |||
| 1961 | "Ain't That Just Like a Woman" | 33 | 19 | — | ||
| "What A Price" | 22 | 7 | — | |||
| "Shu Rah" | 32 | — | — | |||
| "Fell in Love On Monday" | 32 | — | — | |||
| "It Keeps Rainin'" | 23 | 18 | 49 | |||
| "Let The Four Winds Blow" | 15 | 2 | — | |||
| "What A Party" | 22 | — | 43 | |||
| "Rockin' Bicycle" | 83 | — | — | |||
| "I Hear You Knocking" | 67 | — | — | |||
| "Jambalaya (On the Bayou)" | 30 | — | 41 | |||
| 1962 | "You Win Again" | 22 | — | — | ||
| "Ida Jane" | 90 | — | — | |||
| "My Real Name" | 59 | 22 | — | |||
| "Dance with Mr. Domino" | 98 | — | — | |||
| "Nothing New (Same Old Thing)" | 77 | — | — | |||
| "Did You Ever See A Dream Walking" | 79 | — | — | |||
| "Stop the Clock" | 103 | — | — | |||
| "Won't You Come On Back" | — | — | — | |||
| 1963 | "Hum Diddy Doo" | 124 | — | — | ||
| "You Always Hurt The One You Love" | 102 | — | — | |||
| "True Confession" | — | — | — | |||
| "One Night" | — | — | — | |||
| "There Goes (My Heart Again)" | 59 | — | — | |||
| "Can't Go On Without You" | 123 | — | — | |||
| "When I'm Walking (Let Me Walk)" | 114 | — | — | |||
| "I've Got a Right to Cry" | 128 | — | — | |||
| "Red Sails In The Sunset" | 35 | 24 | 34 | |||
| "I Can't Give You Anything But Love" | 114 | — | — | |||
| "Who Cares" | 63 | 27 | — | |||
| "Just A Lonely Man" | 108 | — | — | |||
| 1964 | "Your Cheatin' Heart" | 112 | — | — | ||
| "Lazy Lady" | 86 | 34 | — | |||
| "I Don't Want To Set The World On Fire" | 122 | — | — | |||
| "If You Don't Know What Love Is" | — | — | — | |||
| "Mary, Oh Mary" | 127 | — | — | |||
| "Sally Was A Good Old Girl" | 99 | — | — | |||
| "Heartbreak Hill" | 99 | — | — | |||
| 1965 | "Why Don't You Do Right" | — | — | — | ||
| "Let Me Call You Sweetheart" | — | — | — | |||
| "I Done Got Over It" | — | — | — | |||
| "What's That You Got?" | — | — | — | |||
| 1968 | "One For The Highway" | — | — | — | ||
| "Lady Madonna" | 100 | — | — | |||
| "Lovely Rita" | — | — | — | |||
| 1969 | "Everybody's Got Something To Hide Except Me And My Monkey" | — | — | — | ||
| 1970 | "Make Me Belong To You" | — | — | — | ||
| "New Orleans Ain't The Same" | — | — | — | |||
| 1978 | "Sleeping on the Job" | — | — | — | ||
| 1980 | "Whiskey Heaven" | — | — | — | ||
| "—" significa que nun entró nes llistes de éxitos | ||||||
Bibliografía
editar- SIERRA I FABRA, Jordi (Esplugues de Llobregat, 1981). Historia de la música rock. Tomu 1. Ediciones Orbis, S. A. p. 42-43. SIERRA I FABRA, Jordi (Esplugues de Llobregat, 1981). Historia de la música rock. Tomo 1. Ediciones Orbis, S. A., páx. 42-43. ISBN 84-7530-003-0.
Referencies
editar- ↑ Afirmao en: Biographical Dictionary of Afro-American and African Musicians. Autor: Eileen Southern. Editorial: Greenwood Publishing Group. Llingua de la obra o nome: inglés. Data d'espublización: 1982.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://tulprimo.hosted.exlibrisgroup.com/tref:books+:TUL_VOYAGER966417.
- ↑ «Fats Domino, rock 'n' roll pioneer and New Orleans hero, is dead at 89».
- ↑ Afirmao en: Find a Grave. Identificador Find a Grave: 184572463. Llingua de la obra o nome: inglés.
- ↑ Afirmao en: idRef. Identificador de referencia de idRef SUDOC: 079000827. Data de consulta: 5 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ Identificador Rock Hall of Fame: fats-domino.
- ↑ Afirmao en: Local 496 Membership Directory, American Federation of Musicians. Data d'espublización: década de 1940.
- ↑ Strong, Martin C. (2004). The Great Rock Discography: Complete Discographies Listing Every Track Recorded by More Than 1,200 Artists. Canongate U.S., páx. 434. ISBN 1841956155.
Enllaces esternos
editar
Wikimedia Commons acueye conteníu multimedia sobre Fats Domino.
Datos: Q209586- Multimedia: Fats Domino
