Fruela I

Fruela I, el Cruel (722 - 768 Cangues d'Onís), rei d'Asturies. Ye'l primer "rex" hasta entós se denomaben "princeps". El títulu de "rex" entama a aplicase nesta dómina nun documentu de 759.

Fruela I
monarca del reinu d'Asturies 757 - 768 ← Alfonso I - Aurelio → monarca del reinu de Galicia 757 - 768 ← Alfonso I - Aurelio →
Vida
Nacimientu	Principáu d'Asturies, 722
Nacionalidá	Reinu d'Asturies Reinu de Galicia
Muerte	Cangues d'Onís, 14 de xineru de 768 (45/46 años)
Sepultura	Catedral d'Uviéu
Familia
Padre	Alfonso I
Madre	Ermesinda de Asturias
Casáu con	Munia d'Álava
Fíos/es	Alfonsu II d'Asturies
Hermanos/es	Mauregato Adosinda Vimarano
Pueblu	dinastía Astur-lleonesa
Oficiu	guerreru
Creencies
Relixón	catolicismu

El so reináu presenta aspeutos de gran interés tanto pola proyeición esterna del Reinu d'Asturies como pol desendolque internu del reinu. Con problemes qu'evidencien una crisis de madurez del nucleu. Cangues choca col independentismu de les ales occidental y oriental del nucleu.

El Problema independentista

Nel reináu de Fruela fai actu de presencia dalgo que va ser un constante nel Reinu d'Asturies: los movimientos independentistes. Na so dómina, Fruela, tuvo que lluchar escontra les rebeliones de los vascones y los nobles gallegos nel añu 766.

Términu "Vascón"

El terminu "vascón" nesta dómina y qu'apaez nes cróniques hai que ver el sentíu que tien: Ye un términu xenéricu que s'aplica polos cronistes a los pueblos que viven al este, dientro los cualos hai grupos diversos con dixebraos niveles de desenrollu cultural. Les cróniques paez que se refieren a los habitantes d'Álava y Vizcaya.

Polémica historiográfica

Discútese sobro si yá taben conquistaos o non estos pueblos y el calter de les rebeliones. Besga Marroquín opina que yá taben incorporaos al Reinu y por eso se rebelen. Otros que seríen actividaes de resistencia a la conquista asturiana. Ye difícil saber lo que pasó. Nun ta claro lo que dicen les cróniques pero dan a entender qu'estos pueblos yá taben conquistaos.

Sometimientu

Sometimientu del Norte de Galicia fasta'l Ríu Miño. Aliances cola aristocracia y los poderes llocales. A los vascones sométese-yos por llazos más o menso sólidos a l'autoridá de la monarquía con aliances por via familiar y Fruela cásase con Munia.

Revuelta palatina

Dícenmos les cróniques que Fruela tevo que facer frente a una revuelta palationa na que intervién el so hermanu Vimaranu al que dio muerte. Estes lluches revelen que'l poder de los reis nun taba del too consolidáu.

Reformes

Fizo reformes nel cleru, prohibiéndo-yos casase y obligándo-yos a dexar les muyeres a los que tuvieren.

Fundaciones rexies

N'Uviéu llevantó una construcción eclesiástica que sería'l precedente de la Ilesia de San Salvador. De magar esta construcción creárase un nucleu pre urbanu de lo que sería la Regia Sedes. Fruela ta enterráu xunto cola so muyer, l'alavesa Munia n'Uviéu.

Fin del reináu de Fruela

Morrió víctima d'una conxura palatina. La nobleza retiro-y l'enfotu y matólu en Cangues. Dexaba a un fíu: Alfonsu qu'años más tarde sería Alfonsu II que nun lu sucede como rei. Apártenlu del tronu pola so corta edá y por decisión de la faición aristocrática que dio muerte a so pa. Aureliu resultó l'elexíu. Aureliu ye fíu de Fruela (primu de Fruela I), esti Fruela ye l'hermanu d'Alfonsu I(pá de Fruela I).

Reinu d'Asturies (718-925)
Predecesor: Alfonsu I	Rei d'Asturies 757 - 768	Socesor: Aureliu

Ver tamién

• Llista de Reis d'Asturies

Enllaces esternos

• Wikimedia Commons acueye conteníu multimedia sobre Fruela I.

• Datos: Q351715
• Multimedia: Fruela I of Asturias