Abrir el menú principal

Llista de Reis d'Asturies

artículu de llista de Wikimedia

Los monarques del Reinu d'Asturies foron trece empezando por Don Pelayu, magar que'l primeru en declarase rei a sigo mesmu foi Alfonsu I, teniendo gobernao anteriormente Don Pelayu y Favila como princeps o caudiellos. Nos sos entamos, la monarquía foi eleutiva pero tres la muerte de Ramiru I en 850, el so fíu Ordoñu I accedió al trono ensin votación previa. Dende entós la monarquía foi de facto hereditaria.

Llista de los monarques del Reinu d'AsturiesEditar

Fruela IIAlfonsu IIIOrdoñu IRamiru IAlfonsu IIBermudu IMauregatuSiluAureliuFruela IAlfonsu IFavilaPelayu 


Imaxe Nome Vida Dende Hasta
  Don Pelayu ¿?-737 718 737[1]
  Favila o Fáfila ¿?-739 737 739
  Alfonsu I el Católicu[2] 693-757 739 757
  Fruela I 722-768 757 768
  Aureliu c.740-774 768 774
  Silu ¿?-783 774 783
  Alfonsu II el Castu
Reina per primer vegada, y por namái un añu. Volvería a ser rei nel añu 791
c.760-842 783 783[3]
  Mauregatu ¿?-789 783 789
  Bermudu I el Diáconu ¿?-797 789 791[4]
  Alfonsu II el Castu
Reina per segunda vegada
c.760-842 791 842[5]
Nepocianu (usurpador) ¿?-842 842 842
  Ramiru I c.790-850 842 850
  Ordoñu I[6] 821-866 850 866
  Alfonsu III el Magnu 852-910 866 910
  Fruela II[7] 875-925 910 925

XenealoxíaEditar

 
Esquema cronolóxicu de los monarques astur-llioneses.

ReferenciesEditar

  1. Usa'l títulu de Princeps (primer ciudadanu o príncipe) equivalente a líder o caudiellu, usáu delles vegaes enantes na hestoria de la rexón. La monarquía asturiana entama d'esta miente como un simple caudillaxe.
  2. Primer soberanu que se proclama Rex (rei). Sicasí, los monarques asturianos siguen llamándose indistintamente príncipes o reis.
  3. El xoven Alfonsu II ye derrocáu y esiliáu colos vascones, pueblu del que provenía so má Munia d'Álava.
  4. Abdica dempués de la derrota na batalla del ríu Burbia.
  5. El so reináu tuvo tanta trescendencia qu'orixinalmente recibió'l nomatu d'Alfonsu'l Grande, sicasí, pa estremalu d'Alfonsu III empezaron a denomalu el Castu. Consolídase definitivamente l'usu del títulu de Rex.
    Tres ser obligáu por un grupu nobiliariu a retirase al cenobiu d'Ablaña en 801, llogró recuperar el poder siete años dempués. Darréu, entamó a enllazar el so reináu cola idea de ser heriede de los monarques visigodos, d'esti mou xustificaba tanto'l poder como la colonización qu'entamaron a facer pela so cuenta los grupos de llabradores llibres. La llende empecipia a avanzar hacia'l sur darréu de la presión demográfica n'Asturies.
  6. Primer monarca qu'accedió al tronu ensin votación previa. Dende entós la monarquía foi de facto hereditaria.
  7. Rei privativu d'Asturies tres del repartu del reinu ente los fíos d'Alfonsu III el Magnu. Tres la muerte de los sos hermanos García I y Ordoñu II foi rei de Llión entre 924 y 925, reuniendo toda la herencia paterna.