Fruela I
Fruela I, el Cruel (722 - 768 Cangues d'Onís), rei d'Asturies. Ye'l primer "rex" hasta entós se denomaben "princeps". El títulu de "rex" entama a aplicase nesta dómina nun documentu de 759.
Fruela I | |||
|---|---|---|---|
.jpg) | |||
757 - 768 ← Alfonso I - Aurelio → | |||
| Vida | |||
| Nacimientu | Principáu d'Asturies, 722[1] | ||
| Nacionalidá | Reinu d'Asturies | ||
| Muerte | Cangues d'Onís, 14 de xineru de 768 (45/46 años) | ||
| Sepultura | Catedral d'Uviéu | ||
| Familia | |||
| Padre | Alfonso I | ||
| Madre | Ermesinda de Asturias | ||
| Casáu con | Munia d'Álava | ||
| Fíos/es | |||
| Hermanos/es | |||
| Pueblu | dinastía Astur-lleonesa | ||
| Oficiu | guerreru | ||
| Creencies | |||
| Relixón | catolicismu | ||
 | |||
El so reináu presenta aspeutos de gran interés tanto pola proyeición esterna del Reinu d'Asturies como pol desendolque internu del reinu. Con problemes qu'evidencien una crisis de madurez del nucleu. Cangues choca col independentismu de les ales occidental y oriental del nucleu.
El Problema independentistaEditar
Nel reináu de Fruela fai actu de presencia dalgo que va ser un costante nel Reinu d'Asturies: los movimientos independentistes. Na so dómina, Fruela, tuvo que lluchar escontra les rebeliones de los vascones y los nobles gallegos nel añu 766.
Términu "Vascón"Editar
El terminu "vascón" nesta dómina y qu'apaez nes cróniques hai que ver el sentíu que tien: Ye un términu xenéricu que s'aplica polos cronistes a los pueblos que viven al este, dientro los cualos hai grupos diversos con dixebraos niveles de desenrrollu cultural. Les cróniques paez que se refieren a los habitantes d'Álava y Vizcaya.
Polémica historiográficaEditar
Discútese sobro si yá taben conquistaos o non estos pueblos y el calter de les rebeliones. Besga Marroquín opina que yá taben incorporaos al Reinu y por eso se rebelen. Otros que seríen actividaes de resistencia a la conquista asturiana. Ye difícil saber lo que pasó. Nun ta claro lo que dicen les cróniques pero dan a entender qu'estos pueblos yá taben conquistaos.
SometimientuEditar
Sometimientu del Norte de Galicia fasta'l Ríu Miño. Aliances cola aristocracia y los poderes llocales. A los vascones sométese-yos por llazos más o menso sólidos a l'autoridá de la monarquía con alliances por via familiar y Fruela cásase con Munia.
Revuelta palatinaEditar
Dícenmos les cróniques que Fruela tevo que facer frente a una revuelta palationa na que intervién el so hermanu Vimaranu al que dio muerte. Estes lluches revelen que'l poder de los reis nun taba del too consolidáu.
ReformesEditar
Fizo reformes nel cleru, prohibiéndo-yos casase y obligándo-yos a dexar les muyeres a los que tuvieren.
Fundaciones rexiesEditar
N'Uviéu llevantó una construcción eclesiástica que sedría'l precedente de la Ilesia de San Salvador. De magar esta construcción creárase un nucleu pre urbanu de lo que sedría la Regia Sedes. Fruela ta enterráu xunto cola so muyer, l'alavesa Munia n'Uviéu.
Fin del reináu de FruelaEditar
Morrió víctima d'una conxura palatina. La nobleza retiro-y l'enfotu y matólu en Cangues. Dexaba a un fíu: Alfonsu qu'años más tarde sedría Alfonsu II que nun lu sucede como rei. Apártenlu del tronu pola so corta edá y por decisión de la faición aristocrática que dio muerte a so pa. Aureliu resultó l'elexíu. Aureliu ye fíu de Fruela (primu de Fruela I), esti Fruela ye l'hermanu d'Alfonsu I(pá de Fruela I).
 Reinu d'Asturies (718-925)
| ||
| Predecesor: Alfonsu I |
Rei d'Asturies 757 - 768 |
Socesor: Aureliu |
Ver tamiénEditar
ReferenciesEditar
- ↑ Afirmao en: Gemeinsame Normdatei. Identificador GND: 1017516308. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
Enllaces esternosEditar
Wikimedia Commons acueye conteníu multimedia sobre Fruela I 
.
Datos: Q351715- Multimedia: Fruela I of Asturias
