GX Geminorum
GX Geminorum (GX Gem / HD 263139)[1] ye una estrella variable na constelación de Xéminis asitiada a unos 2180 años lluz del Sistema Solar. El so rellumu varia ente magnitú aparente +10,90 y +11,50.[2] La so condición de variable afayóse por Cuno Hoffmeister dende'l Observatoriu de Sonneberg.
GX Geminorum A/B | ||
---|---|---|
Datos d'observación (Dómina J2000.0) | ||
Constelación | Xéminis | |
Ascensión reuta (α) | 06h 46min 09,13s | |
Declinación (δ) | +34º 24’ 52,8’’ | |
Mag. aparente (V) | +10,90 (máxima) | |
Carauterístiques físiques | ||
Clasificación estelar | F7 / F7V | |
Masa solar | 1,49 / 1,47 M☉ | |
Radiu | (2,33 / 2,24 R☉) | |
Magnitú absoluta | +2,62 / +2,73 | |
Gravedá superficial | 3,89 / 3,91 (log g) | |
Lluminosidá | 7,2 / 6,5 L☉ | |
Temperatura superficial | 6195 / 6165 K | |
Variabilidá | Binaria eclipsante | |
Periodu d'oscilación | 4,04 díes | |
Edad | 2500 - 2750 × 10⁶ años | |
Astrometría | ||
Distancia | 2182 ± 82 años lluz (669 ± 25 pc) | |
Sistema | ||
Nᵁ de componentes | 2 | |
Referencies | ||
SIMBAD | enllaz | |
Otres designaciones | ||
HD 263139 / HIP 32427 / GSC 02444-00267 / CSI+34-06428 | ||
[editar datos en Wikidata] |
GX Geminorum ye una binaria eclipsante compuesta por dos estrelles blancu-marielles de tipu F7V.[3] Dambes son bien asemeyaes, con temperatures efectives de 6195 K pa la componente principal y 6165 K pa la secundaria. La primera ye un 49% más masiva que'l Sol y tien un radiu de 2,33 radios solares. Relluma con una lluminosidá 7,2 vegaes mayor que la lluminosidá solar y, dientro de la evolución estelar, ta abandonando la secuencia principal. El so acompañante tien una masa de 1,47 mases solares y el so radiu ye 2,24 vegaes más grande que'l del Sol. Un 9% menos lluminosa que la primaria, ye 6,5 vegaes más lluminosa que'l Sol. Dambes xiren sobre sigo mesmes con una velocidá de rotación proyeutada de 29 km/s. La metalicidá d'esta binaria ye comparable a la solar ([Fe/H] = -0,10) y la so edá envalórase ente 2500 y 2750 millones d'años.[4]
Anque primeramente pensóse que'l periodu orbital del sistema yera de 1,35 díes,[2] güei considérase que'l so verdaderu periodu ye de 4,04 díes. El semiexe mayor de la órbita ye de 15,3 radios solares o 0,07 UA.[4] Nel eclís principal el rellumu de la estrella aparra 0,60 magnitúes ente que nel secundariu l'amenorgamientu de rellumu ye de 0,40 magnitúes.[5]
Referencies editar
- ↑ V* GX Gem -- Eclipsing binary of beta Lyr type (SIMBAD)
- ↑ 2,0 2,1 GX Geminorum (General Catalogue of Variable Stars)
- ↑ Torres, G.; Andersen, J.; Giménez, A. (2010). «Accurate masses and radii of normal stars: modern results and applications». The Astronomy and Astrophysics Review 18 (1-2). pp. 67-126. http://cdsads.u-strasbg.fr/cgi-bin/nph-bib_query?2010A%26ARv..18...67T&db_key=AST&nosetcookie=1.
- ↑ 4,0 4,1 Sandberg Lacy, Claud H.; Torres, Guillermo; Claret, Antonio (2008). «Absolute Properties of the Main-Sequence Eclipsing Binary Star GX Geminorum: Constraints on Convective Core Overshooting». The Astronomical Journal 135 (5). pp. 1757-1765. http://adsabs.harvard.edu/cgi-bin/nph-bib_query?2008AJ....135.1757S&db_key=AST.
- ↑ Malkov, O. Yu.; Oblak, E.; Snegireva, E. A.; Torra, J. (2006). «A catalogue of eclipsing variables». Astronomy and Astrophysics 446 (2). pp. 785-789. http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1.