Gausón

Gausón foi ún de los cabezaleros ástures na llucha escontra la invasión romana. Ye l'héroe escaecíu polos historiadores y por munchos asturianos, quiciabes, porque malpenes hai fontes clásiques que lu nomen.

Gausón
Vida
Nacimientu	1571 (greg.)
Nacionalidá	España
Muerte	1635 (63/64 años)
Estudios
Llingües falaes	castellanu
Oficiu	líder militar
Graduación	xeneral

Dirixó a los ástures nes guerres de los años 29 y 27 e.C.; sobrevivió a la guerra del añu 26. Orosiu diz que los cántabros aguantaron más na guerra, y esto fai suponer que Gausón foi víctima d'un ataque y crucificáu pa escarniu pa los restantes ástures. Otros autores opinen que lluchó na defensa de Lancia y que morrió nella. Nun hai dulda de la so esistencia, yá que s'alcontró una inscripción mural na que se diz:

O nobiles et supervi astures, quos romani
vincere vix potuere, liset Gauson superato.

"¡Oh nobles y soberbios ástures, a quien los

romanos malpenes pudieron vencer, inda

dempués de muertu'l so xefe Gausón!"

Tamién los romanos llevantaron un obeliscu en Tarragona con una inscripción dedicada a esti personaxe:

Genio Conventus Asturiencis.

Pliniu asegura que yera ástur tresmontanu pero l'exércitu que dirixó foi un ensame de clanes y tribus tresmontanes y cismontanes, ya que Lancia, onde finaron la mayoría de los guerreros ástures, allugábase en territoriu cismontanu.

En cuantes al so orixe hai dellos supuestos. Unos dicen que nació xunto al cabu Peñes, y que del so nome remanez el del conceyu de Gozón. Otros dicen que nació nos montes de Proaza, onde s'alcuentra'l nome de Gaucín. Sicasí, hasta va poco'l nome de Gausón yera abondo frecuente nel norte, cuando la mayoría de los nomes prerromanos ástures se perdieron. El so nome vien significar "home güé". Como datu interesante, hai que dicir que la muyer de Pelayu llamábase Gaudiosa.

Enllaces esternos

• Wikimedia Commons tien conteníu multimedia tocante a Gausón.

• Datos: Q5196159