Gianni Russo

Gianni Russo
Vida
Nacimientu	Manhattan, 12 d'avientu de 1943 (80 años)
Nacionalidá	Estaos Xuníos
Llingua materna	inglés
Estudios
Llingües falaes	inglés
Oficiu	actor, actor de cine, guionista
Instrumentu musical	voz
IMDb	nm0751625

Louis Giovanni "Gianni" Russo (12 d'avientu de 1943, Manhattan) ye un actor, cantante y empresariu d'Estaos Xuníos.

Biografía

Russo foi criáu en Rosebank, Staten Island.

Asegura tener conexones cola mafia y que'l so tíu foi soldáu na familia criminal Gambino. Dellos rumores dicen que los Gambino convencieron a Francis Ford Coppola por que-y diera a Russo el papel de Carlo Rizzi en The Godfather I. Comenta tamién que'l so padre yera un estibador y músicu que trabayaba nel muelle de Brooklyn, y sentíase avergoñáu de que'l so únicu fíu tuviera lisiado por una enfermedá y negóse a reconocelo mientres la so niñez.

Tenía un brazu tullíu como resultáu de la enfermedá.^[1]

Ye conocíu pola so interpretación de Carlo Rizzi en The Godfather (1972). Dempués de repitir el so papel de Rizzi de volao mientres una escena flashback a la fin de The Godfather Part II, Russo trabayaría en más de 35 películes, incluyendo The Freshman, Super Mario Bros., Any Given Sunday y Seabiscuit.

Russo asegura empezar una carrera nel crime entamáu trabayando como recaderu y acomuñáu de la mafia pa Frank Costello d'adolescente, pero más tarde abandonó esi estílo de vida peligrosu y volátil.^[2]

Nel so llibru Supermob, el periodista Gus Russo (ensin parentescu aparente) escribió que Gianni Russo consiguió'l so papel en The Godfather actuando como intermediariu ente l'estudiu Paramount y el don de la mafia de Nueva York, Joe Colombo Sr., que la so Lliga anti bilordiu italianu torgara l'empiezu de la producción de la película en Manhattan. Colombo axuntóse colos productores executivos de la película quien más tarde contrataron a Russo pa interpretar a Carlo, dempués de que Russo amenaciara a Marlon Brando (que nun quería a Russo nel papel), quien pensó que taba actuando ya impresionólu tantu que camudó de paecer.^[3]

Russo asegura conocer personalmente a trés papes, cinco presidentes d'Estaos Xuníos y tolos xefes de la mafia del país.^[2] Tamién diz tener cites con Marilyn Monroe, Zsa Zsa Gabor y Liza Minnelli.^[2] Los años siguientes dempués del empiezu del so estrellalgu abrió un restorán en Las Vegas llamáu Gianni Russo' State Street, salió con Dionne Warwick por más d'una década y venció exitosamente 23 acusaciones de crímenes federales nuna variedá de cargos rellacionaos a asociaciones del crime entamáu.^[2]

Tamién ye un peracabáu cantante. En 2004 llanzó un álbum llamáu Reflections onde homenaxa a Dino Paul Crocetti (Dean Martin) y Frank Sinatra.^[4]

Referencies

↑ Seal, Mark. "The Godfather Wars" Vanity Fair, March 2009
↑ ^2,0 ^2,1 ^2,2 ^2,3 Andrew Jacobs (9 d'abril de 2005). «His Big Break? The Corleones Killed Him; Godfather's Son-in-Law Is Singing, Selling and Enjoying Life». New York Times. http://query.nytimes.com/gst/fullpage.html?res=9F05EFDA143EF93AA35757C0A9639C8B63&sec=&spon=&pagewanted=all. Consultáu'l 26 de marzu de 2008.
↑ https://www.imdb.com/title/tt0068646/trivia
↑ Sitiu oficial de Russo [1]

Enllaces esternos

Gianni Russo na Internet Movie Database (n'inglés)

[1] Seal, Mark. "The Godfather Wars" Vanity Fair, March 2009

[Jacobs-2] 2,0 ^2,1 ^2,2 ^2,3 Andrew Jacobs (9 d'abril de 2005). «His Big Break? The Corleones Killed Him; Godfather's Son-in-Law Is Singing, Selling and Enjoying Life». New York Times. http://query.nytimes.com/gst/fullpage.html?res=9F05EFDA143EF93AA35757C0A9639C8B63&sec=&spon=&pagewanted=all. Consultáu'l 26 de marzu de 2008.

[3] ttps://www.imdb.com/title/tt0068646/trivia

[4] Sitiu oficial de Russo [1]

[1]

[2]

[3]

[4]