Harold Arlen
Hyman Arluck (15 de febreru de 1905, Buffalo – 23 d'abril de 1986, Nueva York), más conocíu como Harold Arlen foi un compositor d'Estaos Xuníos d'América de música popular.
Harold Arlen | |
|---|---|
.jpg) | |
| Vida | |
| Nacimientu | Buffalo, 15 de febreru de 1905[1] |
| Nacionalidá |
 Estaos Xuníos |
| Muerte | Nueva York, 23 d'abril de 1986[1] (81 años) |
| Sepultura |
Cementerio Ferncliff (es)  [2] |
| Familia | |
| Casáu con | Anya Taranda |
| Estudios | |
| Estudios |
Hutchinson Central Technical High School (en) |
| Llingües falaes | inglés[3] |
| Oficiu |
compositor, compositor de cantares, arreglista, productor de cine, cantante, pianista, compositor de bandas sonoras (es) |
| Premios |
ver
|
| Seudónimos | Harold Arlen[5] y Harold Arluck[5] |
| Xéneru artísticu | Jazz |
| Mena de voz | tenor |
| Instrumentu musical |
pianu voz |
| Discográfica | Columbia Records |
| IMDb | nm0002182 |
| haroldarlen.com | |
 | |
Historia
editarArlen, con más de 400 cantares, ye unu de los compositores más prolíficos de música popular del Sieglu XX, aportando a conocíes en tol mundu delles de les sos composiciones, siendo escoyida una d'elles, el cantar de 1938 "Over the Rainbow", como la meyor del Sieglu XX pola Recording Industry Association of America.[6] Arlen caltuvo una llarga amistá col actor Ray Bolger, que intervieno na película El Magu de Oz, película que fadría famosa'l cantar "Over the Rainbow".
Arlen nació en Buffalo (Nueva York), finando'l so hermanu ximielgu a otru día de nacer. Na so infancia aprendió a tocar el pianu llegando a formar una banda musical na so adolescencia, consiguiendo ciertu ésitu na so ciudá como pianista y cantante treslladándose a la ciudá de Nueva York nos primeros años de la década de 1920; nesta ciudá trabayó como acompañante de vodevil.[7] Foi mientres esta etapa na cual camudó'l so nome por Harold Arlen. Interpretó y realizó grabaciones cola orquesta 'Buffalodians', según coles orquestes de Red Nichols, Henny Hendrickson y Arnold Johnson.
En 1929 compunxo'l so primer cantar conocíu, "Get Happy" (con lletra de Ted Koehler). Mientres los primeros años y la metá de la década de 1930, Arlen y Koehler compunxeron espectáculos pal Cotton Club, un club nocherniegu famosu d'Harlem, musicales para Broadway y películes musicales para Hollywood; mientres esti periodu, Arlen siguió realizando interpretaciones, con ciertu ésitu, pa la orquesta de Leo Reisman.
Arlen y Koehler compunxeron los siguientes ésitos musicales mientres los primeros años y la metá de la década de 1930: "Between the Devil and the Deep Blue Sea", "I Love A Parade", "I've Got the World on a String", "I've Got A Right To Sing The Blues", "It's Only a Paper Moon", "Let's Fall in Love", "Ill Wind" y "Stormy Weather".
A mediaos de la década de 1930, Arlen casóse, amontando les sos estancies en California y escribiendo películes musicales; foi mientres esti periodu cuando empezó a trabayar col lletrista Yip Harburg. En 1938, dambos fueron contrataos por Metro-Goldwyn-Mayer pa componer los cantares de la película El Magu de Oz; frúto d'esti trabayu ye'l cantar "Over the Rainbow" pola cual ganaron l'Óscar, en 1939, al meyor cantar orixinal.
Mientres esti periodu, y hasta finales de la década de 1950, Harold Arlen compondría, o contribuyiría, a la creación de dellos musicales de Broadway, como Earl Carroll's Vanities of 1930, You Said It, Earl Carroll's Vanities, Americana, George White's Music Hall Varieties, Life Begins at 8:40, The Show is On, 'Hooray For What!, Bloomer Girl, St. Louis Woman, House of Flowers, Mr. Imperium, Xamaica, y Saratoga.
Na década de 1940, Arlen trabayó col lletrista Johnny Mercer, siguiendo cola producción d'ésitos musicales como "Blues in the Night", "Ac-Cent-Tchu-Ate the Positive", "That Old Black Magic" y "Come Rain or Come Shine" y "My Blue Heaven" (con Ralph Blane).
En 1951, la so muyer Anya, foi internada nun centru psiquiátricu mientres siete años tres socesives amenaces escontra'l so home y escontra delles persones. En 1954, Arlen foi hospitalizáu por cuenta d'una úlcera sangrante, recuperándose pa trabayar nel musical de Truman Capote "House of Flowers". En 1970 finó la muyer de Arlen por cuenta de un tumor cerebral, causando que'l compositor dexara de llau les sos aficiones y alloñárase progresivamente d'amigos y familiares, terminando per recluyir se na so casa.
En 1986, Harold Arlen finó a los 81 años d'edá na ciudá de Nueva York, siendo soterráu nel 'Ferncliff Cemetery' en Hartsdale, Nueva York, xunto a la so esposa.
Ver tamién
editarReferencies
editar- Jablonski, Edward (1996). Harold Arlen: Rhythm, Rainbows, and Blues. Northeastern University Press. ISBN 1-55553-263-2.
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 28 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Find a Grave. Data de consulta: 17 xunu 2024. Llingua de la obra o nome: inglés.
- ↑ Afirmao en: idRef. Identificador de referencia de idRef SUDOC: 070479410. Data de consulta: 5 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ Data de consulta: 10 febreru 2019.
- ↑ 5,0 5,1 Data de consulta: 14 abril 2020.
- ↑ [https://web.archive.org/web/20130601021253/http://www.haroldarlen.com/honors.html Archiváu 2013-06-01 en Wayback Machine
- ↑ Laurie, Joe, Jr. Vaudeville: From the Honky-tonks to the Palace. New York: Henry Holt, 1953. p. 328.
Enllaces esternos
editar
Wikimedia Commons acueye conteníu multimedia sobre Harold Arlen.- Páxina web oficial (n'inglés)
- Harold Arlen na Internet Movie Database (n'inglés)
- Harold Arlen na Internet Broadway Database (n'inglés)
- «Harold Arlen». en Find a Grave. (n'inglés)
Datos: Q448644- Multimedia: Harold Arlen
