Herbert Brenon (13 de xineru de 1880Dublín – 21 de xunu de 1958Los Angeles) foi un actor, direutor de cine, guionista, escritor, actor de cine y productor de cine de República d'Irlanda y Estaos Xuníos. La so carrera trescurrió en bona parte nos años del cine mudu.

Herbert Brenon
Vida
Nacimientu Dublín13 de xineru de 1880[1]
Nacionalidá Bandera de Irlanda República d'Irlanda
Bandera de Estaos Xuníos d'América Estaos Xuníos
Llingua materna inglés
Muerte Los Angeles21 de xunu de 1958[1] (78 años)
Sepultura cementeriu de Woodlawn
Estudios
Estudios St Paul's School
King's College de Londres (es) Traducir
Llingües falaes inglés
Oficiu actor, direutor de cine, guionista, escritor, actor de cineproductor de cine
Nominaciones
IMDb nm0107543
Cambiar los datos en Wikidata
Herbert Brenon y Alla Nazimova con una cámara nel studio d'él, 9 d'agostu de 1916.
Herbert Brenon lleendo Empty Pockets, de Rupert Hughes.

Biografía editar

El so nome completu yera Alexander Herbert Reginald St. John Brenon, y nació en Dublín, Irlanda. Los sos padres yeren Edward St. John Brenon, un escritor y críticu teatral, y Frances, una muyer culta, autora d'una comedia que más palantre llevó a escena'l so fíu.[2] Brenon estudió na St Paul's School y nel King's College de Londres. Empecipió la so carrera artística como direutor teatral, trabayando en númberos de vodevil xunto a la so muyer, Helen Oberg.

Empezó la so carrera cinematográfica en Independent Moving Pictures, debutando en 1911 como guionista. Al añu siguiente pasó a la direición, trabayando tamién como actor. A lo llargo de la so carrera actuó en 22 filmes, dirixó 128, y escribió'l guión de 58. Tuvo la oportunidá de dirixir a intérpretes de la talla de King Baggot, Annette Kellerman, Pola Negri, Ronald Apinen, Lon Chaney, Loretta Young, Alice Joyce, Clara Bow, Anna May Wong y Norma Talmadge.

Ente les sos películes más notables figura Peter Pan (1924), primer adautación al cine de la obra teatral de J.M. Barrie, Beau Geste (1926), y Sorrell and Son (1927), filme pol cual foi nomáu al Óscar al meyor direutor en 1929.

Herbert Brenon finó en Los Angeles, California, en 1958, a los setenta y ocho años d'edá. Foi soterráu nun mausoléu priváu nel Campusantu Woodlawn del Bronx, Nueva York.

 
Mausoléu d'Herbert Brenon nel Campusantu Woodlawn del Bronx, Nueva York

El so hermanu, Algernon St. John Brenon, foi críticu musical del Morning Telegraph de Nueva York.[2]

Filmografía (seleición) editar

Direutor editar

Guionista editar

Actor editar

Productor editar

Referencies editar

  1. 1,0 1,1 Afirmao en: Internet Movie Database. Identificador IMDb: nm0107543. Data de consulta: 16 ochobre 2015. Llingua de la obra o nome: inglés.
  2. 2,0 2,1 Griffithiana 57/58, Páx. 4

Enllaces esternos editar