Hexanchus griseus
El bocadulce buxu[1] (Hexanchus griseus) ye una especie de tiburón de la familia Hexanchidae. Habita les agües fondes, columbráu a fondures próximes a los 2000 m, qu'apenes evolucionó de los sos ancestros del periodu Xurásicu hai unos 190 millones d'años.[2]
Hexanchus griseus bocadulce buxu  | ||
|---|---|---|
 | ||
| Estáu de caltenimientu | ||
 Cuasi amenazáu (IUCN 2.3) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Chondrichthyes | |
| Subclas: | Elasmobranchii | |
| Orde: | Hexanchiformes | |
| Familia: | Hexanchidae | |
| Xéneru: | Hexanchus | |
| Especie: |
H. griseus (Bonnaterre, 1788) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarLes sos seis apertures branquiales a cada llau de la cabeza, más próximes ente sigo na zona ventral, indiquen que n'efeutu trátase d'un escualu bien primitivu, pues les especies de tiburones más evolucionaos presenten cinco apertures branquiales.
.gif)
El bocadulce llega a midir hasta 4,8 m de llargor y pesar más de 1000 kg -el mayor exemplar prindáu rondó los 1000 kg nes mariñes d'Alicante-.. Tien un cuerpu robezu y la cabeza ancha y achaplada cola cara curtia y arrondada.[3] La boca, ventral y arrondada, tien los dientes del quexal cimeru nuna filera, y los del quexal inferior, en 6 fileres, con forma de peñe.
Los sos güeyos son grandes, elípticos y verdosos, fluorescentes en vida y ensin membrana nictitante, anteriores a la boca. Tien una aleta dorsal atrasada, próxima al caudal. El so color ye pardu buxu o verdosu, con banduyu más pálidu y aletes escures, lo que lu dexa mimetizase nes escures agües de les fondures.
Distribución y hábitat
editarTrátase d'una especie de vezos solitarios y d'ambientes bentónicos amestaos a les agües de les plataformes continentales ya insulares. Atópase-y nes mariñes oceániques tropicales y templaes -dende Islandia a Namibia, tando presente nel Mediterraneu- a fondures d'hasta 1875 m, anque en determinaes dómines del añu, xube pela nueche hasta ambientes mariniegos, y ye posible velu a pocos metros de la superficie.[4]
Comportamientu
editarNun ye una especie peligrosa pal ser humanu, y los escasos ataques rexistraos a humanos foron porque lu provocaron primeramente. La so carne comercialízase fresco o conxelao pa consumu -anque considérase semitóxica polos sos fuertes efeutos laxantes- y tamién pa producción d'aceite y alimentación de peces.[2]
Alimentación y reproducción
editarAliméntase de pexes, crustáceos, otros tiburones, y tamién puede presentar vezos carroñeros. Les femes son fértiles al llegar a los 4,5 m y los machos a los 3,6 m. La dómina de reproducción ye ente ochobre y mayu. Ye un tiburón ovovivíparu, pudiendo tener de 20 a 100 embriones ente los que se produz canibalismu intrauterín. Los naciellos miden unos 70 cm.[2]
Ver tamién
editar- Taxonomía de los tiburones
- Hexanchus nakamurai (Tiburón de seis agalles de güeyu grande)
Referencies
editar- ↑ URL de la referencia: http://www.sabencia.net/nomenclator.php.
- ↑ 2,0 2,1 2,2 ZCO-1999. «La cañabota gris, el tiburón prehistórico de las profundidades». Consultáu'l 4 d'ochobre de 2011.
- ↑ Asturnatura. «Hexanchus griseus». Consultáu'l 4 d'ochobre de 2011.
- ↑ "Hexanchus griseus". En FishBase (Ranier Froese y Daniel Pauly, eds.). Consultáu n'octubre de 2011. N.p.: FishBase, 2011.
Bibliografía
editar- El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.
Enllaces esternos
editar| Wikispecies tien un artículu sobre Hexanchus griseus. |
Datos: Q312293
Multimedia: Hexanchus griseus
Especies: Hexanchus griseus
