Hilda Farfante
Hilda Farfante (1931, Bisuyu) ye una maestra asturiana, activista pola recuperación de la memoria histórica.
Hilda Farfante | |
|---|---|
| Vida | |
| Nacimientu | Bisuyu[1], 1931[1] (93/94 años) |
| Nacionalidá |
 España |
| Oficiu | profesora |
 | |
Trayectoria
editarNació en Bisuyu, una parroquia de Cangas.[2] Yera fía de Balbina Gayo, maestra y directora de la escuela de Cangas, y de Ceferino Farfante, maestru miembru de les misiones pedagóxiques que llevaben la cultura a les zones rurales. Dambos, maestros allegaos a la causa republicana, fueron fusilaos el 8 de setiembre de 1936 por una columna de requetés de Galicia que sofitaben al bandu franquista.[3][4] A la so madre soterraronla n'una cuneta, y al so padre, al qu'atraparon cuando esti foi a intentar a salvar a la so muyer, refundiáron-y por un ribayu a la fin del día.[5]
Énte l'amenaza de los asesinos de querer acabar con tola familia, el so güelu y el so tíu fuxeron a los montes de Ponticiella con Hilda Farfante, de cinco años, y los sos dos hermanes, de 7 y 4. Darréu, dixebraron a les hermanes y Hilda Farfante foi vivise cola so tía en Bual cola tamién maestra Guillermina.[4]
Con nueve años, Farfante yá ayudaba a Guillermina nes sos clases. Dempués, estudió pedagoxía y convirtióse en maestra y directora d'escuela.[5] Mientres la dictadura franquista, Farfante vivió col mieu a les represalies. Yá na democracia, dedicose a la recuperación de la memoria histórica y a buscar los restos mortales de los sos padres.[3][5]
En 1984, con fondos propios de la so familia, realizóse una cata na zona de Vega del Rei onde se pensaba que podríen tar los sos padres, anque ensin ésitu.[6] En 2020, mientres la redacción de la Llei de Memoria Histórica d'España, Farfante unvió-y una carta al presidente del Gobiernu Pedro Sánchez con propuestes concretes pa poder alcontrar a les persones sumíes mientres la guerra civil española y el franquismu, ya incluyó un pidimientu personal coles indicaciones de los llugares nos que pensaba que los sos padres podríen tar soterraos.[3] Tres l'aprobación de la llei en 2021, el Gobiernu del Principáu d'Asturies realizó otra busca, anque tampoco toparon los cadabres de Balbina y Ceferino.[6]
Reconocencies
editarEn 2013, Pilar López Solanu recoyó el testimoniu de Farfante nel documental Les maestres de la República, ganador del Premiu Goya al meyor documental.[2] En 2017, l'Asociación 13 Roses d'Asturies concedió a Farfante'l so premiu añal pol so llabor na recuperación de la memoria histórica.[7] Esi mesmu añu, foi reconocida col Premiu a les Llibertaes Rafael del Riego, impulsáu polos conceyos de Tinéu, n'Asturies, y Las Cabezas de San Juan, en Sevilla.[8]
Referencies
editar- ↑ 1,0 1,1 «Hilda Farfante: «La Transición nos traicionó, hizo una canallada con nuestros muertos»» (castellanu). Consultáu'l 14 avientu 2024.
- ↑ 2,0 2,1 «Hilda Farfante: «La Transición nos traicionó, hizo una canallada con nuestros muertos»» (castellanu). Actualidad. Consultáu'l 2024-12-14.
- ↑ 3,0 3,1 3,2 Junquera, Natalia (2020-06-29). «“Urgente. La voz se me está apagando y no quiero dejar a mis padres en una cuneta”» (castellanu). El País. Consultáu'l 2024-12-14.
- ↑ 4,0 4,1 Laso, David (2023-07-10). «Cuando el grito rompe el silencio: la lucha de Hilda Farfante por encontrar los restos de sus padres» (castellanu). Cadena SER. Consultáu'l 2024-12-14.
- ↑ 5,0 5,1 5,2 «Hilda Farfante: «La Transición nos traicionó, hizo una canallada con nuestros muertos»» (castellanu). Actualidad. Consultáu'l 2024-12-14.
- ↑ 6,0 6,1 ««Tengo 91 años y me voy a ir sin hallar a mis padres represaliados»» (castellanu). La Voz de Galicia (2022-11-13). Consultáu'l 2024-12-14.
- ↑ «Hilda Farfante, premio de la Asociación 13 Rosas». www.rtpa.es. Consultáu'l 14 de diciembre de 2024.
- ↑ «Hilda Farfante Gayo, Premio a las Libertades "Rafael del Riego" 2017» (castellanu). La Vanguardia (2017-11-15). Consultáu'l 2024-12-14.
Enllaces esternos
editar
Datos: Q131443621
