Ḥong Kong
Ḥong Kong[10] (en chinu: 香港, lliteralmente puertu goliosu o puertu del inciensu), nomáu oficialmente Rexón Alministrativa Especial de la República Popular China de Hong Kong, ye una rexón alministrativa especial de la República Popular China. Asitíase na costa meridional de China, nún puertu natural del delta del ríu de la Perlla, nel mar del sur de China. Con una estensión terrestre de 1.106 km² y una población de 7,3 millones d'habitantes[11], ye la cuarta nación o territoriu del mundu con mayor densidá de población. Tocántenes a la so distribución étnica, el 95% de los sos habitantes son d'etnia han. Los más d'ellos aportaron a la ciudá dende les ciudaes de Guangzhou y Taishan, na vecina provincia de Guangdong.
_(%2Ball_claims_hatched).svg)
Tres de la Primer Guerra del Opiu (1839-42) Hong Kong convirtióse nuna colonia británica al ceder pa siempres China a Gran Bretaña la islla de Hong Kong. A la colonia sumose en 1860 la península de Kowloon, y los Nuevos Territorios, que foron cedíos por 99 años, añadiéronse-y en 1898. Demientres la Segunda Guerra Mundial la colonia foi ocupada por Xapón, y volvió a manes de los británicos en 1945. Na década del 1980 entamaron les negociaciones ente'l Reinu Xuníu y China pa la tresferencia de la soberanía de la colonia. Alcordóse en 1984 que Hong Kong pasaría a ser china en 1997, y que se convertiría nuna rexón alministrativa especial con una amplia autonomía[12].
Hong Kong caltién, embaxu'l principiu d'un país, dos sistemes[13], un sistema políticu diferenciáu del de China. La rexón tien los sos propios poderes executivu, llexislativu y xudicial, magar que nun tien competencies en defensa y asuntos esteriores[14]. Amás, rellacionase direutamente, y de forma independiente, con otres naciones y organismos internacionales pa cuestiones qu'entren dientru del campu de les sos competencies[15].
Nomada la perlla del Oriente, Hong Kong ye ún de los principales centros financieros globales, con una economía que ye la más competitiva del mundu[16]. La so moneda, el dólar de Hong Kong, ye la décimotercera más utilizada nel mundu pa transaiciones financieres[17]. Tien un sistema impositivu simple y con tipos favorables pa les grandes corporaciones, que s'asienten nella fiando de la independencia del so sistema xudicial y la estabilidá y fiabilidá del so corpus llexislativu. El sector terciariu ye, gracies a esi calter de centru financieru y tamién al turismu (foi la ciudá más visitada del mundu en 2014[18]), el motor básicu de la economía d'esti prósperu territoriu, ún de los de mayor desigualdá económica del mundu.
La ciudá ye célebre pol so puertu natural, perprofundu, que permite l'accesu cenciellu de los buques cargueros, y tamién pol so skyline, ún de los más nomaos del mundu. Tien un Índiz de Desarrollu Humanu altísimu, y la mayor esperanza de vida de tolos países del mundu. Pese a que más del 90% de la so población utiliza'l so sistema de tresporte públicu, modernu y puntual, la contaminación del aire, de resultes de los contaminantes emitíos poles industries de la rexón de China más averaes a ella, ye ún de los principales problemes de la ciudá[19].
Referencies
editar- ↑ URL de la referencia: http://www.wto.org/english/thewto_e/countries_e/hong_kong_china_e.htm. Editorial: Organización Mundial del Comerciu. Data de consulta: 4 abril 2014.
- ↑ URL de la referencia: https://public.wmo.int/en/members/hong-kong-china. Data de consulta: 26 mayu 2020.
- ↑ URL de la referencia: http://www.fatf-gafi.org/countries/.
- ↑ URL de la referencia: https://egmontgroup.org/en/membership/list.
- ↑ URL de la referencia: https://www.bis.org/about/member_cb.htm.
- ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
- ↑ URL de la referencia: https://cn.wtcf.org.cn/citys/3390-2.html.
- ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 9. Supports qualifier: data de principiu.
- ↑ Estimación de población pa mediaos de 2014 del Departamentu de Censu y Estadístiques del Gobiernu de Hong Kong.
- ↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
- ↑ Departamentu de Censu y Estadístiques del Gobiernu de Hong Kong
- ↑ «Llei básica de Hong Kong na web del Departamentu de Xusticia del gobiernu de la rexón alministrativa especial, capítulos 2 y 3.». Archiváu dende l'orixinal, el 2015-09-23.
- ↑ «Basic Law, Chapter IV, Section 4». Llei básica de Hong Kong, capítulu 4.. Archiváu dende l'orixinal, el 2012-12-18.
- ↑ «Llei básica de Hong Kong na web del Departamentu de Xusticia del gobiernu de la rexón alministrativa especial, capítulos 2 y 3.». Archiváu dende l'orixinal, el 2015-09-23.
- ↑ «Llei básica de Hong Kong, capítulu 7». Archiváu dende l'orixinal, el 2016-10-08.
- ↑ «The IMD World Competitiveness Scoreboard». CNN (25 mayu 2016).
- ↑ Informe sobre l'actividá nos mercaos financieros globales en 2010 (n'inglés) na web del Bank for International Settlements
- ↑ World's most visited cities: Hong Kong top, London second, Rio climbs but Kiev falls, The Independent, 29 de xineru de 2016
- ↑ «Efeutos pa la salú de la polución del aire en Hong Kong (n'inglés)». Archiváu dende l'orixinal, el 2014-06-30.
Enllaces esternos
editar- (n'inglés) (castellán) (en francés) Páxina web del Conseyu de Turismu de Hong Kong
Wikimedia Commons tien conteníu multimedia tocante a Ḥong Kong.
