Idus de Marzo

La Idus de Marzo foi una goleta que llevó una espedición científica asturiana a L'Antártida, considerándose como la primera espedición española al continente antárticu.

Goleta "Idus de Marzo" entre témpanos de xelu..

España xuntóse al Tratáu Antárticu en 1982, lo que la obligaba según los términos del mesmu a "la realización d'investigaciones científiques importantes, como l'establecimientu d'una estación científica o la unviada d'una espedición científica". Pero la primer espedición científica al continente austral nun tuvo al gobiernu de la nación como protagonista, sinón que tuvo que ser la organización privada y ensin ánimu de lucro "Asociación España en L'Antártida", presidida pol empresariu Guillermo Cryns (1923-2003), xefe de la espedición del "Idus de Marzu".

El día 15 d'avientu de 1982 la goleta partía del puertu de Candás, con una tripulación de ocho miembros al frente de la cual taba'l capitán Javier Babé y que contaba cola presencia d'un periodista y dos biólogos. Dempués d'escales en Vigo, Las Palmas y Tenerife, la Idus de Marzo zarpaba definitivamente hacia'l sur el día 30 d'avientu.

• Javier Babé, madrileñu, capitán y armador.
• Santiago Martínez Cañedo, asturianu, primer oficial, armador y capitán de la marina mercante.
• Fernando Cayuela, vascu, 2ᵘ oficial.
• Sotero Gutiérrez, cantabru, xefe de máquines, expertu en regates d'altura.
• Elías Meana, oficial radiotelegrafista.
• Xurxo Gómez, contramaestre.
• Yosu Otazua, bermeanu, cocineru.
• Diego Garcés, madrileñu, marineru.
• José Mª Garcés, madrileñu, marineru.

El 20 de febreru llegaron a Punta Arenas, puertu nel que se embarcaron otros ocho espedicionarios más. Dempués d'aprovisionase, la goleta partió rumbu a Puerto Williams na Tierra del Fueu.

• Guillermo Cryns, hispanu-belga, xefe de la espedición.
• Vicente Manglano, médicu.
• Félix Moreno Sorli, inxenieru.
• Antonio Guerra, inxenieru.
• Alberto Vizcaíno, asturianu, biólogu del Crinas.
• Catoño Martín, asturianu, biólogu del Crinas.
• Fernando L. Rodríguez, gallegu, biólogu.
• Guillermo Díaz, físicu.
• Joaquín Mariñas, xeólogu.
• Jaime Ribes, representante del Exércitu de Tierra.
• José C. Tuñon, representante de l'Armada.
• Alfonso Jordana, periodista.
• José Castedo, téunicu de TVE.
• Ángel Villarias, téunicu de TVE.

Darréu la Idus de Marzo pasó pel Cabu de Fornos y el Pasu de Drake, llegando'l 4 de marzu a les Islles Shetland del Sur, en L'Antártida. La goleta pasó per otros llugares del continente como Islla Decepción, Bahía Yankee, Bahía Foster, visitando varies bases polares. La espedición tamién sufrió los rigores meteorolóxicos que s'esperen d'una zona con una climatoloxía tan dura como l'antártida, teniendo que facer frente vientos de gran intensidá y vagues de mar, dempués de recorrer más de 17.000 milles, llegó al puertu de Cádiz el día 9 de xunu de 1983.

Enllaces esternos

• [2] Archiváu 2016-07-01 en Wayback Machine La odisea de la goleta Idus de Marzo.
• [3] El Idus de Marzo.
• [4] El "Idus de Marzo" en Yokohama, rebautizáu col nome de "Down trader", destináu pa usos turísticos.

• Datos: Q13147261