Isaac del Rivero Sr.
Isaac del Rivero de la Llana (7 d'agostu de 1931, Colunga – 14 de xineru de 2019, Xixón)[3] foi un dibuxante guionista, ilustrador y editor, y principal impulsor de munches actividaes llevaes a cabu n'Asturies pa promoción del cine pa la infancia y la Mocedá.
Isaac del Rivero Sr. | |
|---|---|
 | |
| Vida | |
| Nacimientu | Colunga, 7 d'agostu de 1931[1] |
| Nacionalidá |
 España |
| Muerte | Xixón, 14 de xineru de 2019[2] (87 años) |
| Causa de la muerte | Alzheimer |
| Familia | |
| Fíos/es | Isaac del Rivero Jr. |
| Estudios | |
| Llingües falaes | castellanu |
| Oficiu | historietista, dibuxante, editor, activista cultural |
 | |
Biografía
editarNació en Colunga (Asturies) en 1931. La pasión de Isaac de neñu nun yera'l dibuxu sinón el cine, pero a midida que crecía l'interés por ésti aumentaba. En desempeñando numberosos trabayos non acordes a les sos cualidaes artístiques, Isaac presentó a La Nueva España unes tires que fueron aceptaes, polo qu'empezó a trabayar ellí en 1953; mesmu añu nel que presentó'l so primer trabayu: “Neños”. Amás, empezó a trabayar como publicista gráficu. Foi nésta dómina cuando creó la revista “Kikelín” (1960).
En 1963, Isaac del Rivero propón al Conceyu de Xixón la creación d'un certame de cine puramente pa neños: el Certame Internacional de Cine pa la Infancia y la Mocedá. La propuesta ye bien acoyida y Isaac púnxose al mandu de la direición, hasta 1981. Mientres el Certame de Cine y nos años socesivos Isaac del Rivero tamién empecipia nuevos proyeutos. Siguió promoviendo publicaciones, como Películes y Cómics del Far West (1971), Espolique (1971), La Xaronca Verde (1978), Tapón (1989) o El Gomeru (1993) y en 1973 entamó la "I Amuesa Internacional de Publicaciones Infantiles y Xuveniles" de la que se celebraríen seis ediciones y el Salón Internacional de VideoCine d'Uviéu (1983). Amás dirixó tamién el "Certame Européu de Cine Rural y de la Pesca" de Candás (1990) y la Selmana del Cómic al Cine de Dibuxos Animaos (1991).
Ye padre del tamién dibuxante Isaac Miguel del Rivero.
Premios
editarLa so profesionalidá y entrega fueron compensaos con numberosos gallardones que demuestren el valor de la so trayeutoria como dibuxante, coles mesmes que'l so compromisu na promoción del mundu del cómic y del cine. D'esta manera, en 1973 recibe'l “Aru de Plata de Valencia” y en 1976 la “Venus de Barcelona”, dambos pol so llabor de promoción del cine pa neños. Amás, en reconocencia los servicios al cómic otorgar el Diploma d'Honor de la National Cartoonists Society” de los Estaos Xuníos y el premiu “Alfonso Iglesias”, pola versión en cómic de “Doña Berta” de Leopoldo Alas “Clarín”. Ta en posesión, tamién, de la reconocencia per parte de la OMS (Organización Mundial de la Salú), dientro del serviciu de comunicaciones pol so llabor como direutor del Certame de Cine. Amás, en 2012, dióse-y la Medaya de Plata del Conceyu de Xixón, en reconocencia al so llabor, coincidiendo esta reconocencia col 50ᵘ Aniversariu del Festival de Cine.
Obra
editar| Años | Títulu | Guionista | Tipu | Publicación |
|---|---|---|---|---|
| 195- | Junguer, el Solitariu | La Nueva España | ||
| 1980 | Dos histories del Oeste | Isaac del Rivero Sr. | [[San
Román]]: Tumi, num. 2 | |
| 1989 | Xovellanos, l'aventura de la razón | Isaac del Rivero Sr., Paco Abril | Tapón | |
| 1990 | Cuentos d'aldega | Amaro | Tapón | |
| 1995 | Xovellanos | Juan José Plans | [[El
Comerciu (España)|El Comercio]] | |
| 1995 | Xovellanos, l'aventura de la razón | Trabe | ||
| 1996 | Xovellanos | Esmena | ||
| 1998 | La Rexenta | |||
| 2006 | Adiós Cordera | Isaac del Rivero Sr. | Conseyería
de Xusticia | |
| 2012 | Doña Berta | Isaac del Rivero Sr. | Monografía | Trabe |
Bibliografía
editar- CUADRADO, Jesús (2000). Atlas español de la cultura popular: De la historieta y su uso, 1873-2000. Madrid: Ediciones Sinsentido/Fundación Germán Sánchez Ruipérez. 2 v. ISBN 84-89384-23-1.
- (2015) Isaac del Rivero, llaberintu de viñetes: exposición. Uviéu: Gobiernu del Principáu d'Asturies..
- Rodríguez Arbersú, Faustino (2001). La historieta asturiana. Xixón: El Wendigo.. ISBN 84-607-3931-7.
Enllaces esternos
editar- Biografía en Tebeosfera
- Imáxenes de la esposición "Un llaberintu de viñetes", 2015. (enllaz rotu disponible n'Internet Archive; ver l'historial y la última versión).
- Entrevista nel NO-DO de RTVE, 1978 (min. 1:58)
- Entrevista na canal de YouTube del FICXixón, 2012
- Entrevista en La Nueva España, 2012
- Artículu en La Nueva España, 2009
Referencies
editar- ↑ «rexistru d'autoridaes BNE». Consultáu'l 21 xunu 2020.
- ↑ Afirmao en: BD Gest'. Identificador BD Gest': 19487. Apaez como: Isaac Del Rivero. Data de consulta: 9 ochobre 2017. Llingua de la obra o nome: francés.
- ↑ La cultura asturiana pierde a Isaac del Rivero La Nueva España. Consultao'l 16.01.2019
Datos: Q5920644
