Abrir el menú principal

Festival Internacional de Cine de Xixón

HistoriaEditar

El Festival entamó en añu 1963 y surdió a iniciativa d'Isaac del Rivero Sr., dibuxante y publicista, que lo dirixó mientres nes sos primeres 19 ediciones, presentando la dimisión n'avientu de 1981.

El primer añu nel que se celebró, recibió'l nome de Certame Internacional de Cine y TV Infantil. Ente 1964 y 1968 caltuvo'l mesmu nome, anque camudando la parte final "infantil" por "pa neños". Ente 1969 y 1976 la TV dexó d'apaecer nel nome oficial del certame. A partir de 1977 y hasta 1987 (con pequeñes variantes en 1984, 1986 y 1987) utilizó'l nome de Certame Internacional de Cine pa la Infancia y la Mocedá. Anque yá en 1986 empezó a anteponer a esti nome'l de Festival Internacional de Cine de Xixón, esti nome nun va quedar como l'únicu hasta la edición del añu 1988. Los sos oríxenes como festival pa la infancia y la mocedá, primero del mundu nesta especialidá, espliquen l'especial interés qu'esti festival emprestó siempres al públicu más nuevu. Tolos años hai un xuráu compuestu por mozos ente 17 y 25 años, que s'escueye ente aquellos que lo soliciten.

En 1995 foi nomáu direutor José Luis Cienfuegos, tres la destitución de Juan José Plans. Naquel momentu'l Festival dependía de la Sociedá Mista de Turismu y Festexos de Xixón, S.A., que s'ocupaba d'actividaes tantu turístiques como culturales de la ciudá. L'actual direutor, Nacho Carballo, foi nomáu en 2012 tres la destitución de José Luis Cienfuegos.

La reinauguración del Teatru Xovellanos y el progresivu aumentu de les actividaes culturales, musicales y d'ociu de la ciudá llevó a dicha sociedá, a principios de 1996, a estremase en dos, formándose, en mayu de 1996 la Entidá Mercantil Artísticu-Musical Teatru Municipal Xovellanos de Xixón, S.A. qu'anguaño ye quien entama l'eventu xuntu al Conceyu de la ciudá.

Esta entidá ocúpase de la xestión del Teatru Xovellanos, de l'área de Festexos de la ciudá y tamién de la organización del Festival Internacional de Cine de Xixón.

A lo llargo de los últimos años pasaron pol Festival de Xixón dalgunos de los más prestixosos profesionales del cine independiente a nivel mundial. Visitaron esti festival como direutores homenaxaos, ente otros, Abbas Kiarostami, Aki Kaurismäki, Todd Haynes, Pedro Mariña, Paul Schrader, Joao Cesar Monteiro, Seijun Suzuki, Jem Cohen, Kenneth Anger, Ulrich Seidl, Hal Hartley, Lukas Moodysson, Tsai Ming-liang, Claire Denis o Todd Solondz y tamién se cuntó cola presencia de profesionales nacionales ya internacionales nel xuráu internacional o presentando películes nes diverses seiciones del programa: John Cale, Maria Schneider, Monte Hellman, Paprika Steen, Julio Médem, Fele Martínez, Elvira Mínguez, Jorge Perugorría, María Esteve, Tristán Ulloa, Daniel Guzmán o Jan Cvitkovic.

Mientres la celebración del Festival Internacional de Cine de Xixón entamen cursos, meses redondes, alcuentros colos direutores y conciertos diarios, amás de fiestes con música en direutu.

El Festival da dellos premios nes distintes seiciones competitives del so programa, cuntando con un Xuráu Internacional (formáu por siquier cinco profesionales de distintos países), un Xuráu Nuevu (formáu por 50 mozos d'ente 17 y 26 años) y, dende 2005, un Xuráu FIPRESCI (Federación Internacional de Críticos Cinematográficos). Tamién collabora n'otres iniciatives al envís de promover la industria cinematográfico n'Asturies.

Na 50ª edición del Festival Internacional de Cine de Xixón añediéronse dos nueves seiciones a les yá esistentes: AnimaFICX, seición competitiva creada pa llargumetraxes y curtiumetraxes d'animación y Xéneros Mutantes, cola seleición de filmes fantásticos y de terror.

La edición númberu 51 introdució tamién nueves seiciones, como FICXLAB, qu'inclúi proyeiciones y actividaes que rellacionen el cine coles artes visuales más rompedores del momentu. Amás, estrenóse nesta edición ValetudoDVD, una nueva esperiencia cinéfila que consiste nuna quedada onde'l públicu asistente escueye la obra ganadora.

Palmarés del festivalEditar

Premiu Principáu d'Asturies al Meyor LlargumetraxeEditar

[1]

Premiu Principáu d'Asturies al Meyor CurtiumetraxeEditar

Premiu al Meyor DireutorEditar

[1]

Premiu al Meyor ActorEditar

Premiu a la Meyor ActrizEditar

Premiu Daniel Taradash al Meyor GuiónEditar

Premiu Gil Parrondo a la Meyor Direición ArtísticaEditar

Premiu Especial del XuráuEditar

Premiu FIPRESCIEditar

Premiu del Xuráu Nuevu al Meyor LlargumetraxeEditar

Premiu del Xuráu Nuevu al meyor curtiumetraxeEditar

  • 2013: La prima legge di Newton, de Piero Messina

Premiu Nacional de Cinematografía Nacho MartínezEditar

Enllaces esternosEditar

ReferenciesEditar

  1. 1,0 1,1 1,2 1,3 1,4 1,5 1,6 1,7 Javier Cuartes (28 de payares de 2009). «'La Pivellina', de Tizza Covi y Rainer Frimmel, imponer nel Festival de Cine de Xixón». El País. Consultáu'l 28 de payares de 2009.