Jeffrey Hunter
Jeffrey Hunter (Henry Herman “Hank” McKinnies, 25 de payares de 1926, Nueva Orleans – 27 de mayu de 1969, Los Angeles) foi un actor de cine y televisión d'Estaos Xuníos.
Jeffrey Hunter | |
|---|---|
 | |
| Vida | |
| Nacimientu | Nueva Orleans[1], 25 de payares de 1926[2] |
| Nacionalidá |
 Estaos Xuníos [2] |
| Llingua materna | inglés |
| Muerte | Los Angeles[1], 27 de mayu de 1969[3] (42 años) |
| Sepultura |
Glen Haven Memorial Park (en)  [4] |
| Causa de la muerte | hemorraxa cerebral |
| Familia | |
| Casáu con |
Barbara Rush (1950 – 1955)[5] Emily McLaughlin (1969 – 1969)[6] |
| Fíos/es | 4[5] |
| Estudios | |
| Estudios |
Whitefish Bay High School (en) Universidá Northwestern Universidá de California en Los Angeles |
| Llingües falaes | inglés |
| Oficiu | actor, productor de cine, actor de televisión, actor de cine, productor de televisión |
| Llugares de trabayu | Estaos Xuníos |
| Emplegadores | Warner Bros. |
| Premios | |
| Xéneru artísticu | western |
| Serviciu militar | |
| Cuerpu militar | Armada d'Estaos Xuníos |
| Lluchó en | Segunda Guerra Mundial |
| Creencies | |
| Partíu políticu |
Partido Republicano de California (es) |
| IMDb | nm0001374 |
 | |
Debe bona parte de la so fama al so papel en The Searchers, xunto con John Wayne y tamién a la superproducción Rei de Reyes, onde interpretó a Xesucristu.
Carrera
editarJeffrey Hunter convirtióse nuna estrella xuvenil mientres los años 50, igual que Robert Wagner ó James Dean. Pa la so fortuna como actor, entró a formar parte del grupu d'actores habituales de John Ford, y gracies a esto intervieno en grandes películes como The Searchers (The Searchers o The Searchers), The Last Hurrah y El sarxentu negru. Otres películes importantes nes qu'intervieno fueron la primer versión de A Kiss before Dying basada na novela homónima d'Ira Levin, y La verdadera hestoria de Jesse James de Nicholas Ray. En dambes películes compartía protagonismu con Robert Wagner, y na segunda interpretaba a Frank James ente que Wagner faía'l papel de Jesse. En 1957 rodó Una pistola pa un cobarde (Gun For A Coward) onde interpretaba a un personaxe acoradáu xunto a Fred MacMurray y Chill Wills.
En 1961 y en protagonizando El sarxentu negru, volvería trabayar con Nicholas Ray en Rei de Reyes onde interpretaba a Xesús. Sicasí, y a pesar de que los años sesenta empezaben con estos bonos auspicios, la crisis del cine qu'empezó nesta década fíxo-y participar en películes cada vegada de menos calidá. Destaquen d'esta dómina la so apaición nel peplum Oru pal César y la película de Robert Siodmak La última aventura, p'acabar trabayando en westerns de coproducción y los llamaos spaguetti westerns. De ta última etapa de la so vida destaca la so interpretación nel episodiu piloto de Star Trek interpretando al capitán Christopher Pike.
Vida privada
editarDe 1950 a 1955 tuvo casáu cola actriz Barbara Rush cola que tuvo un fíu, Christopher, nacíu en 1952. Depués, ente 1957 y 1967, tuvo casáu cola modelu Dusty Bartlett. Jeffrey adoptó al fíu d'ésta, Steele, y darréu la pareya tuvo dos fíos comunes, Todd y Scott. En febreru de 1969, casóse cola actriz Emily McLaughlin.
Muerte
editarMientres rodaba n'España ¡Viva América! en 1969, Hunter foi mancáu nuna esplosión nel set de rodaxe, sufriendo laceraciones faciales con vidrios rotos, según quemadures de pólvora. Poco dempués, un vieyu amigu, ex comandu británicu, solmenó-y ensin querer un golpe de kárate nel cazu del que Jeffrey, que sabía yudu, nun pudo defendese a tiempu, cutiéndose la parte posterior de la cabeza contra una puerta. Mientres el vuelu de regresu a Estaos Xuníos xunto cola so esposa'l so brazu derechu quedó de secute semi paralizáu y perdió la fala. Al aterrizar, foi lleváu direutamente dende l'avión a Valley Hospital en Los Angeles, onde se determinó que sufriera una hemorraxa cerebral. Recuperóse y foi dau d'alta al cabu d'un par de selmanes. Na so casa de Van Nuys, California, Hunter siguió quexándose de fuertes dolores de cabeza y mareos. Poco dempués sufrió otra hemorraxa cerebral nun curtiu tramu d'escaleres na so sala de tar y derrumbóse, quebrándose'l craniu. Cuando lu atoparon nun sabíen cuánto tiempu había estáu inconsciente. Morrió mientres la ciruxía pa reparar el craniu ensin llegar a recuperar la consciencia. Tenía 42 años. Hunter foi soterráu nel Glen Haven Memorial Park, en Sylmar, California.
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Identificador GND: 137301278. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: autoridaes BNF. Data de consulta: 10 ochobre 2015. Identificador BnF: 138954097. Autor: Biblioteca Nacional de Francia. Llingua de la obra o nome: francés.
- ↑ Afirmao en: SNAC. Identificador SNAC Ark: w6hp14qt. Apaez como: Jeffrey Hunter. Data de consulta: 9 ochobre 2017. Llingua de la obra o nome: inglés.
- ↑ Afirmao en: Find a Grave. Data de consulta: 13 xunu 2024. Llingua de la obra o nome: inglés.
- ↑ 5,0 5,1 URL de la referencia: https://news.google.com/newspapers?nid=1350&dat=19690528&id=PFpIAAAAIBAJ&pg=7323,330348. Data de consulta: 30 xineru 2023.
- ↑ Afirmao en: Find a Grave. Data de consulta: 30 xineru 2023. Identificador Find a Grave: 4987. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre Jeffrey Hunter.
- Jeffrey Hunter na Internet Movie Database (n'inglés)
- Homenaxe a Jeffrey Hunter Archiváu 2015-10-26 en Wayback Machine; n'inglés.
Datos: Q176361- Multimedia: Jeffrey Hunter
