Jenny Maxwell
Jenny Maxwell (3 de setiembre de 1941, Nueva York – 10 de xunu de 1981, Beverly Hills) foi una actriz cinematográfica y televisiva d'Estaos Xuníos, probablemente más conocida pol so papel nel filme de 1961 protagonizáu por Elvis Presley Blue Hawaii.[2]
Jenny Maxwell | |
|---|---|
.JPG) | |
| Vida | |
| Nacimientu | Nueva York, 3 de setiembre de 1941[1] |
| Nacionalidá |
 Estaos Xuníos |
| Llingua materna | inglés |
| Muerte | Beverly Hills, 10 de xunu de 1981[1] (39 años) |
| Sepultura | Los Angeles |
| Causa de la muerte | homicidiu |
| Estudios | |
| Llingües falaes | inglés |
| Oficiu | actriz, actriz de televisión, actriz de cine |
| IMDb | nm0561726 |
 | |
Biografía editar
El so nome completu yera Jennifer Helene Maxwell[3], y nació en Nueva York. D'orixe noruegu (l'apellíu orixinal de la familia, Moksvold, foi camudáu cuando emigraron a los Estaos Xuníos en 1949), y familiar alloñada de Marilyn Monroe,[4] Maxwell encarnó a Ellie Corbett en Blue Hawaii. Otres películes nes que participó fueron Blue Denim (1959), Take Her, She's Mine (1963, protagonizada por James Stewart), y Shotgun Wedding (tamién de 1963; el cantar del cisne cinematográficu de Maxwell, escrita en parte por Ed Wood).
Amás d'ello, Maxwell tamién actuó en distintos programes televisivos, ente ellos The Twilight Zone (1961), Route 66 (1961), y 77 Sunset Strip (1963).
N'abril de 1959, Maxwell, de 16 años d'edá, casóse con Paul W. Rapp, un ayudante de direición de 24 años. En dixebrándose n'avientu de 1961, ellos tuvieron un divorciu bien espublizáu, apostándose la custodia del so fíu Brian, ganando'l pleitu Maxwell.[5] Darréu casóse con Ervin M. Roeder, un abogáu d'ésitu que yera 21 años mayor qu'ella. La ceremonia celebró'l 15 de febreru de 1970 en Los Angeles.[6]
En 1981, Maxwell y el so home finaron por causa de los disparos recibíos nel lobby de la so casa en Beverly Hills, California, no que foi consideráu un posible casu d'intentu de robu.[7] Ella tenía 39 años. Los sos restos fueron encenraos, y les cenices espardíes nel mar.
Referencies editar
- ↑ 1,0 1,1 Afirmao en: Internet Movie Database. Identificador IMDb: nm0561726. Data de consulta: 11 xineru 2016. Llingua de la obra o nome: inglés.
- ↑ Biography for Jenny Maxwell, www.imbd.com. Consultada'l 18 de mayu de 2009.
- ↑ Jenny Maxwell www.findagrave.com. Consultada'l 5 de setiembre de 2013
- ↑ Tom Lisanti's book Drive-In Dream Girls
- ↑ Tom Lisanti's book Drive-In Dream Girls
- ↑ California Marriage Index 1960-1985
- ↑ Tom Lisanti's book Drive-In Dream Girls
Enllaces esternos editar
Wikiquote tien frases célebres suyes o que faen referencia a Jenny Maxwell.- Jenny Maxwell na Internet Movie Database (n'inglés)
- Find-a-Grave
Datos: Q4276060
Multimedia: Jenny Maxwell (actress)
