Joan Blanca
Joan Blanca (sieglu de XV, Perpignan – sieglu de XV) -mencionáu incorreutamente como Joan Blanques por dellos autores- foi un burgués de Perpinyà, alcalde en xefe de la capital del Rosselló mientres l'asediu de Perpinyà de 1474. La so figura convirtióse nun referente La lliteratura historiográfica romántica catalana.
Joan Blanca | |
|---|---|
 | |
| Vida | |
| Nacimientu | Perpignan, sieglu de XV[1] |
| Nacionalidá | Corona d'Aragón |
| Muerte | sieglu de XV[2] |
| Estudios | |
| Llingües falaes | catalán |
| Oficiu |
cónsul (es)  |
 | |
Biografía
editarJoan Blanca foi un burgués de Perpinyà que tenía molinos de fariña nos ríos Tet y La Bassa, al so paso pela llocalidá, y qu'exercía de Cónsul en Cap (alcalde) de Perpinyà mientres l'asediu de Perpinyà de 1474-1475 por parte de les tropes de Lluis XI. Posiblemente[nota 1] tuvo que sufrir la muerte del so fíu, que sería executáu xuntu col gobernador de los Condados Bernat d'Oms y de Santapau, a manos de los ocupantes franceses.
Avui, dia de santa Llúcia, hom ha executat al castell [el castell de Perpinyà estava en mans franceses, mentre que la ciutat romania en poder dels catalans] en Bernat d'Oms i el fill de Joan Blanca. Aquest malaurat jove, víctima de l'adhesió del seu pare a la causa nacional, morí gairebé davant dels seus ulls, car Joan Blanca estava reclòs a Perpinyà.Güei, día de santa Llucía, executóse nel castiellu [el castiellu de Perpinyà taba en manos franceses, pero la ciudá permanecía en poder de los catalanes] a Bernat d'Oms y el fíu de Joan Blanca. Esti desgraciáu mozu, víctima de l'adhesión del so padre a la causa nacional, morrió casi frente a los sos güeyos, pos Joan Blanca taba recluyíu en Perpinyà.
Depués d'ocho meses d'un fuerte asediu,[nota 2] Xuan II ordenó que la ciudá rindiérase a les tropes franceses; pola heroica resistencia, concedió a Perpinyà'l títulu de Fidelíssima Vila). La represión francesa foi muy severa, y Blanca tuvo que ver cómo los sos bienes fueron confiscaos y daos a Régnaud de Chesnay, gobernador de Montpeller y capitán de Salses. En 1483, dos censos pertenecientes al heriedu de Joan y Pere Blanca de Perpinyà[3] fueron oxetu d'un contratu de compra-venta, lo qu'evidenciaría que Joan Blanca ya taba muertu naquel momentu. Depués de la recuperación del Rosselló pola corona d'Aragón en 1493, un Pere Blanca foi nomáu alcalde de Salses, y en 1494 percibía una pensión de les rentes de Prats de Molló, Montboló, Cortsaví, la Bastida y Conat.
Joan Blanca na lliteratura
editarLa figura de Joan Blanca foi ampliada pola lliteratura romántica, basándose nuna lleenda (posiblemente sacada de los Anales de la Corona de Aragón de Zurita) que dicía que les tropes franceses pidiríen la rindición de Perpinyà a Joan Blanca, amenaciando con axusticiar al so fíu si nun-yos rindía la ciudá, y qu'ésti ufiertó-yos el so cuchiellu, nuna acción qu'emulaba a la similar atribuyida a Guzmán el Bonu. La poesía A Barcelona (1859), d'Eusebi Pascual, la novela histórica Joan Blancas d'Enric Claudi Girbal (1866) y el drama Joan Blanques de Francesc Ubach y Vinyeta (1879 ) contribuyeron a alimentar el mitu, emparexando les figures de Blanca y Guzmán.
Distinciones y reconocencies modernes
editarLa Xunta de Perpinyà convoca, dende 1994, el Premiu Joan Blanca pa distinguir dos personalidaes que se consideren vinculaes a la defensa de la cultura catalana con un verdaderu compromisu y fidelidá a Perpinyà. Nel cursu d'años premióse a cantantes como Jordi Barre, escritores como Renada Laura Portet o políticos como Joan Pau Alduy.
Dende 1907, el nome de la cai "Joan Blanques" del barriu de Gràcia de Barcelona (col nome incorrectu, seguramente por influencia del fabulosu drama de Francesc Ubach) y, dende 1975, una placa na fachada del Castellet de Perpinyà recuerda la so figura.
Bibliografia
editar- Martí Gou, Silvestre (agostu de 1969). «El Carrer de Joan Blancas, continent d'una llegenda?» páxs. 385-387.
Notes
editar- ↑ Anque según diverses fontes[3] Pere Blanca morrería mientres l'asediu de Perpinyà o poco dempués, caltiénse un testamentu de 1490, robláu en Barcelona, que recueye les últimes voluntaes d'un bien vivo Pere Blanca, burgués de Perpinyà, agora ciudadanu de Barcelona, fíu de los difuntos Joan Blanca y Margarida, de la villa de Perpinyà[4]
- ↑ Como amuesa de la durez del asediu, dizse que los habitantes tuvieron que comer carne de rates, d'onde procedería'l nomatu de menja-rates ("come-ratas" en catalán) [7] de los habitants de la capital del Rosselló
Referencies
editar- ↑ Identificador de la Gran Enciclopedia Catalana: 0010438. Afirmao en: Gran Enciclopèdia Catalana. Data de consulta: 4 ochobre 2021. Editorial: Grup Enciclopèdia. Llingua de la obra o nome: catalán.
- ↑ Identificador de la Gran Enciclopedia Catalana: 0010438. Afirmao en: Gran Enciclopèdia Catalana. Data de consulta: 5 ochobre 2021. Editorial: Grup Enciclopèdia. Llingua de la obra o nome: catalán.
- ↑ 3,0 3,1 «Document de venda de dos censos de l'heretat de Joan i Pere Blanca (1483), conservat a l'arxiu del castell de Vilassar de Mar». Archiváu dende l'orixinal, el 2016-06-05. Consultáu'l 11 d'abril del 2016.
- ↑ «Testament de Pere Blanca, conservat a l'Arxiu del castell de Vilassar de Dalt». Archiváu dende l'orixinal, el 2016-06-05. Consultáu'l 11 d'abril del 2016.
- ↑ Capeille, Jean. «Dictionnaire de biographies roussillonnaises» páx. 61-62. Imp. Lib. Cat. J. Comet. (facsímil Marseille: Laffitte Reprints, 1978)
- ↑ Fossa, François de (1777). «Second siège de Perpignan, en 1475», Mémoire pour l'ordre des avocats de Perpignan. Toulouse: impr. Jean-Florent Baour, páx. 107-110.
- ↑ Renyé i Pla, Rafael (10 de mayu de 2011). . El Punt Avui.
Enllaces esternos
editar
Datos: Q23844843
