José María García Lavilla
José María García La Villa (23 de mayu de 1942, La Pola Siero), conocíu como José María, ye un ex-futbolista español. Xugaba como delanteru y desenvolvió la so carrera deportiva en dos clubes de la Primer División: el Real Uviéu y el R. C. D. Español, mientres les décades de los años 60 y 70 del sieglu XX.[2]
José María García Lavilla | |||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Vida | |||||||||||||||||||||||||||||||||||||||||||||
| Nacimientu | La Pola Siero, 23 de mayu de 1942[1] (81 años) | ||||||||||||||||||||||||||||||||||||||||||||
| Nacionalidá |
 España | ||||||||||||||||||||||||||||||||||||||||||||
| Estudios | |||||||||||||||||||||||||||||||||||||||||||||
| Llingües falaes | castellanu | ||||||||||||||||||||||||||||||||||||||||||||
| Oficiu | |||||||||||||||||||||||||||||||||||||||||||||
| Oficiu | futbolista, entrenador de fútbol | ||||||||||||||||||||||||||||||||||||||||||||
| |||||||||||||||||||||||||||||||||||||||||||||
| Posición o especialidá | delanteru | ||||||||||||||||||||||||||||||||||||||||||||
| Pesu | 73 kg | ||||||||||||||||||||||||||||||||||||||||||||
| Altor | 174 cm | ||||||||||||||||||||||||||||||||||||||||||||
 | |||||||||||||||||||||||||||||||||||||||||||||
Trayeutoria editar
Como futbolista editar
Empecipióse como futbolista na so llocalidá natal, La Pola Siero, hasta que fichó pol Real Uviéu en 1957. Debutó col equipu uvieín en Primer División el 29 de xineru de 1961 frente al Club Atlético de Madrid nel estadiu Metropolitanu. L'alcuentru remató con una victoria del Atlético por 2-0 y Sabino Barinaga foi l'entrenador que lu fixo debutar. Nos sos cinco temporaes col cuadru carbayón xugó 108 partíos de primer División nos que llegó a anotar ventitrés goles. A la fin de la temporada 1962/63, y en consiguiendo un tercer puestu na Lliga, el club azul recibió una ufierta del F. C. Barcelona pa fichalo, pero tres los trespasos de Paquito y Sánchez Lage al Valencia C. F., la directiva azul llogró retenelo.
Sicasí, na temporada 1965/66 tres el descensu del Real Uviéu a la Segunda División, foi trespasáu al R. C. D. Español. Ellí xugó mientres once temporaes, toes elles na Primer División sacante la 1969/70. Debutó colos periquitos el 12 de setiembre de 1965 frente al Real Zaragoza con un resultáu final de 1-1. Col club catalán apostó 341 partíos de calter oficial (300 partíos de lliga, 31 de Copa y 10 de la Copa de la UEFA), nos que llogró cincuenta y tres goles (50 na lliga, 1 na Copa y 2 na UEFA).[3]
Como entrenador editar
La so trayeutoria como entrenador acutar al Real Uviéu. Debutó sustituyendo a Lalo cuando'l cuadru azul militaba na Segunda División B el 15 de xineru de 1979, en tándem con Luis Diestru.[4] Consiguió l'ascensu a Segunda División a la fin de la temporada. Volvió al banquín carbayón na xornada 18 de la temporada 1981/82, sustituyendo a José Víctor el 8 de xineru de 1982, y llogró la permanencia na categoría en rematando nel décimu sestu puestu. Esto dexó-y siguir entrenando al equipu asturianu tola temporada siguiente, 1982/83, na que consiguió la décimu tercer posición.
Al abandonar la vida deportiva na so aguada más activa, pasó a rexentar, en sustitución de los sos padres, una tienda de deportes en Pola de Siero, hasta la so xubilación en 2007.
Seleición nacional editar
Mientres militaba nel Real Uviéu, debutó cola seleición española "B" nel mes de payares de 1964, nel Campu del Arcánxel de Córdoba, frente a Portugal B con un resultáu final de 3-0 al que contribuyó con dos goles consiguíos dende'l puntu de penalti.[5]
El so debú cola seleición absoluta producióse'l día 7 d'avientu de 1966. Al frente del combináu nacional topábase Domènec Balmanya, l'escenariu ye l'estadiu de Mestalla en Valencia y el rival la República d'Irlanda en partíu de la fase previa de la Eurocopa 1968. España acabó venciendo 2-0 y la primer apaición de José María nun pudo ser más afortunada, yá que nel minutu 22 anotó'l gol qu'abre'l camín de la victoria. Dempués d'ésti, siguiéron-y cinco partíos más: Turquía, 0 - España, 0 (Istambul, 1 de febreru de 1967), Inglaterra, 2 – España, 0 (Londres, 24 de mayu de 1967), España, 2 – Turquía, 0 (Bilbao, 31 de mayu de 1967), Checoslovaquia, 1 – España, 0 (Praga, 1 d'ochobre de 1967) y España, 2 – Checoslovaquia, 1 (Madrid, 22 d'ochobre de 1967).
Clubes editar
| Club | País | Añu !Partíos | Goles | |
|---|---|---|---|---|
| Real Uviéu | España | 1960-1965 | 108 | 23 |
| R. C. D. Español | España | 1965-1976 | 300 | 50 |
Referencies editar
- ↑ Afirmao en: Enciclopèdia de l'Esport Català. ID Enciclopèdia de l'Esport Català: 7262. Apaez como: José María García Lavilla. Llingua de la obra o nome: catalán. Data d'espublización: 2012. Editorial: Grup Enciclopèdia.
- ↑ https://www.bdfutbol.com/es/j/j5457.html
- ↑ http://hemeroteca-paginas.mundodeportivo.com./EMD01/HEM/1979/03/11/MD19790311-002.pdf
- ↑ http://hemeroteca-paginas.mundodeportivo.com./EMD01/HEM/1978/03/06/MD19780306-011.pdf
- ↑ http://hemeroteca-paginas.mundodeportivo.com./EMD01/HEM/1964/11/18/MD19641118-003.pdf
Datos: Q9014406
Enllaces esternos editar
