Judd

Judd ye una marca de motores fabricaos por Engine Developments Ltd., una compañía fundada en 1971 por John Judd y Jack Brabham en Rugby (Warwickshire, Inglaterra).

Judd
negociu
Llocalización
Sede	Rugby
Direición	Reinu Xuníu
Forma xurídica	Sociedá mercantil
Historia
Fundación	1971
Fundador	John Judd Jack Brabham
Sector
Industria	industria del automóvil
Productos destacaos	Motor
Web oficial

Motor de Judd

Fórmula 1

Judd participó en Fórmula 1 dende 1988 hasta 1992. Los meyores resultaos del fabricante fueron dos segundos puestos, unu de Nigel Mansell con Williams nel GP de Gran Bretaña de 1988 y otru de Ivan Capelli con March nel GP de Francia de 1990. John Judd yera l'inxenieru encargáu de diseñar los motores.

A partir del añu 1992 John Judd acomuñóse con Yamaha pa siguir la producción de los sos motores, llogrando dos nuevos podios, unu en 1994 gracies a Mark Blundell con Tyrrell nel GP d'España de 1994, y el postreru de Damon Hill con Arrows nel GP d'Hungría de 1997.

Resistencia

Judd hai motorizado con ésitu diversos prototipos participantes nes 24 Hores de Le Mans y European Le Mans Series. El Pescarolo C60 ganó nes ediciones 2005 y 2006 de la Le Mans Series na clase principal, LMP1. Per otra parte, el Lola B2K/40 de Intersport Racing consiguió la victoria na categoría LMP2 de les 24 Hores de Le Mans de 2004 y el Reynard 01Q de Dick Barbour Racing foi tamién el ganador de la LMP2 en American Le Mans Series de 2001.

Enllaces esternos

• Datos: Q171982
• Multimedia: Judd racing automobile engines