Kingu Kongu tai Gojira

película de 1962 dirixida por Honda Ishirō

Kingu Kongu tai Gojira, tamién conocida como King Kong vs. Godzilla, ye la tercer película protagonizada por Godzilla y onde s'enfrenta a otru monstruu bien nomáu, King Kong. La primer idea del animador Willis H. O'Brien yera enfrentar al gorila col Monstruu de Frankenstein, pero'l productor John Beck cambió la creatura ensin consultá-ylo.

Kingu Kongu tai Gojira
Datos
Títulu orixinal キングコング対ゴジラ (ja)
Xéneru cine de ciencia ficción[1], cine fantásticu[2], Kaiju, cruz de personaxes, cine d'horror, cine d'aición, película de ficción especulativa, cine d'aventures, Tokusatsu y cine de comedia
País d'orixe Xapón y Estaos Xuníos
Estrenu 11 agostu 1962 (Xapón)
26 xunu 1963 (Estaos Xuníos)
Idioma orixinal xaponés y inglés
Duración 98 min
Llugar de la narración Tokiu
Rodaxe Xapón
Color en color
Ficha téunica
Direición Honda Ishirō
Producción Tomoyuki Tanaka y John Beck
Guión Shinichi Sekizawa (es) Traducir
Willis H. O'Brien (es) Traducir
Música Akira Ifukube
Repartu Mie Hama[5], Kenji Sahara[6], Haruo Nakajima[5], Ichirō Arishima, Shoichi Hirose (es) Traducir, Akihiko Hirata[5], Jun Tazaki[5], Akiko Wakabayashi[5], Tadao Takashima[6], Yū Fujiki (es) Traducir, Akemi Negishi[5], Tatsuo Matsumura[7], Les Tremayne[7] y Harry Holcombe[7]
Ver llista completa y Ver llista completa
Compañíes
Productora Tōhō y Universal Studios
Distribuidora Tōhō y Netflix
Costu 432 000 $
Calificaciones
FSK FSK 12
Gojira no Gyakushū Kingu Kongu tai Gojira Mosura tai Gojira y King Kong no Gyakushū
Enllaces esternos
Ficha n'IMDb
Ficha en FilmAffinity
Cambiar los datos en Wikidata

En 2021 estrenaron una versión nueva del enfrentamientu ente los dos monstruos, la producción norteamericana Godzilla vs. Kong.

Argumentu editar

Al señor Tako, xefe de Pacific Pharmaceuticals, nun-y presten nada los programes que-y patrocinen los productos y quier dalgo colo que dar el campanazu. Cuando-y llega'l rumor de qu'hai un monstruu xigante na Islla Faro, piensa qu'esa ye la oportunidá que buscaba y darréu manda prendelu. Mentanto, el somarín norteamericanu Seahawk choca con un iceber y llibera a Gojira, que quedara xeláu en 1955 (en Gojira no Gyakushū).

Na Isla Faro, un pulpu xigante ataca los nativos a la busca d'unos frutos coloraos, pero King Kong llega y combate escontra la bestia. En bebiendo'l zusmiu de los frutos nuna ceremonia, el gorila cai dormíu y los xaponeses llévenlu pal so país. Tako enchípase porque la prensa pon atención en monstruu, pero l'armada xaponesa ordéna-y torná-ylu pa la Islla Faro. Entós el monstruu llibértase y va pa un valle onde llucha escontra Gojira. Kong apiedria a Gojira, pero esti respuende col rayu atómicu y failu acular.

Los intentos del exércitu por aparalos con esplosivos y gas velenoso son en baldre, pero cuando llevanten una valla llétrica son a mancar a Gojira, anque tamién faen más poderosu a King Kong por ser a absorber la enerxía. Kong ataca Tokiu y secuestra una muyer, pero l'exércitu ye a dormilu col zusmiu colorao y llévenlu al monte Fuji con Gojira pa que s'engarrien ensin causar estrozos na ciudá.

Gojira ye a valtar a Kong masque, cuando va amortilu col aliendu atómicu, una tormenta llétrica revílva'l gorila y los dos entamen de lluchar de nueves. Engarriándose lleguen a la costa, y ellí caen n'Océanu Pacíficu. Darréu, Kong sal a la superficie como'l vencedor y cola nadando pa la Islla Faro. Nun queda claro si Gojira sobrevive, pero especulan que ye dable.

Referencies editar

  1. URL de la referencia: http://fdb.pl/film/145584-king-kong-kontra-godzilla. Data de consulta: 27 abril 2016.
  2. URL de la referencia: http://www.imdb.com/title/tt0056142/. Data de consulta: 27 abril 2016.
  3. URL de la referencia: http://www.imdb.com/title/tt0056142/.
  4. «Internet Movie Database» (inglés). Consultáu'l 22 abril 2023.
  5. 5,0 5,1 5,2 5,3 5,4 5,5 URL de la referencia: http://www.imdb.com/title/tt0056142/fullcredits. Data de consulta: 27 abril 2016.
  6. 6,0 6,1 URL de la referencia: http://stopklatka.pl/film/king-kong-kontra-godzilla. Data de consulta: 27 abril 2016.
  7. 7,0 7,1 7,2 Afirmao en: ČSFD. Llingua de la obra o nome: checu. Data d'espublización: 2001.

Enllaces esternos editar