La vida es sueño

La vida es sueño
	obra lliteraria
Datos
Autor	Pedro Calderón de la Barca
Xéneru	Traxedia
Llingua de la obra	castellanu
País orixinal	España
Llugar de la narración	Polonia
Obres derivaes	Fever/Dream (en) y Das Leben ein Traum (es)
Testu completu	https://www.projekt-gutenberg.org/calderon/lebentrm/lebentrm.html

La vida es sueño (La vida ye suañu n'asturianu) ye una obra de teatru de Pedro Calderón de la Barca estrenada en 1635 y perteneciente al movimientu lliterariu del barrocu. La tema central ye la llibertá del ser humanu para configurar la so vida, ensin dexase llevar por un supuestu destín

La concepción de la vida como un suañu ye bien antigua, esistiendo referencies nel pensamientu hindú, la mística persa, la moral budista, la tradición xudeocristiana y la filosofía griega. Por eso foi considerada inclusive un tópicu lliterariu

Según la obra de Platón, l'home vive nun mundu de suaños, de tiniebles, cautivu nuna cueva de la que solo va poder #lliberar faciendo'l Bien; namás entós l'home va arrenunciar de la materia y va llegar a la lluz

L'influxu d'esta concepción platónica na obra rescampla: Segismundo vive de primeres dientro d'una cárcel, d'unu covarón, onde permanez na más completa escuridá pol desconocimientu de sí mesmu; solo cuando ye capaz de saber quién ye, consigue'l trunfu, la lluz. Calderón, bien cabalmente, adoptó la forma del drama filosóficu para encetar un gran caudal de temes confluyentes nesti focu y nesti tópicu lliterariu, platónicu nel so raigañu occidental

Como drama relixosu, enceta los problemes de cayida o pecáu orixinal y expiación.
Como poema filosóficu, resuelve'l destín del home y la fonte de la conocencia y los problemes apareyaos del llibre albedríu y la predestinación.
Como llección moral mesma del barrocu y la Contrarreforma, desengaña sobro les ilusiones y les vanidaes d'esti mundu.
Como drama educativu y poéticu, instrúi sobro lo que ye l'home ensin el frenu de la educación.
Como protesta revolucionaria, ataca'l principiu absolutista y ajurídico de la orde reservada qu'encalora la llibertá so la sida d'evitar los sos tresmanamientos.
Como llección política «porque en batalles tales / los que vencen son lleales / los vencíos, los traidores», enseña a los pueblos a lo que conduz el mal usu de la llibertá y les guerres civiles.
Combate, amás, la llocura de los presaxos y xuicios de l'astroloxía.
Describe los progresos que realiza l'home y la humanidá ente desengaños y deseos.
Prueba que les pasiones estruyíes por un ascetismu non llibre, sinón forzáu, españen con tanta más fuerza cuanto mayor ye la represión.
Dende un criteriu psicoanalíticu, espresa la superación o sublimación de los conflictos edípicos.
Inspira a la filosofía del solipsismo que negó realidá al mundu esterior... Tou esto y muncho más, si más s'esamina, ye La vida ye suañu.

La vida es sueño

Referencies

Enllaces esternos