Leopoldo Palacios Morini
Leopoldo Palacios Morini (29 d'avientu de 1876, Uviéu – 23 d'avientu de 1952) foi un políticu y xurista asturianu, académicu de la Real Academia de Ciencies Morales y Polítiques.
Leopoldo Palacios Morini | |
|---|---|
| Vida | |
| Nacimientu | Uviéu, 29 d'avientu de 1876[1] |
| Nacionalidá |
 España |
| Muerte | 23 d'avientu de 1952[1] (75 años) |
| Familia | |
| Fíos/es | Leopoldo Eulogio Palacios |
| Estudios | |
| Llingües falaes | castellanu |
| Miembru de | Real Academia de Ciencies Morales y Polítiques |
 | |
Biografía
editarLlicencióse en Derechu na Universidá d'Uviéu y mientres les sos años d'estudiante collaboró en Revista Critica de Historia y Literatura, Boletín de la Institución Libre de Enseñanza y La España Moderna. Tuvo como profesores a Leopoldo Alas "Clarín", Adolfo Álvarez-Buylla y González-Alegre, Adolfo González Posada y Biesca y Rafael Altamira y Crevea, entre otros, que lu introducieron nel krausismu.[3] En 1899 doctoróse en Derechu na Universidá Complutense de Madrid cola tesis La progresión científica del derecho penal. En 1901 la Universidá d'Uviéu dio-y una beca pa que visitara Europa y en 1908 la Xunta d'Ampliación d'Estudios dio-y una beca pa visitar Alemaña. Frutu de les sos esperiencies foi Las Universidades populares (1908). En 1910 formó parte del patronatu de la Residencia de Estudiantes.[4]
Militó políticamente nel Partíu Reformista de Melquíades Álvarez, col que foi escoyíu diputáu por Villalpando (provincia de Zamora) a les eleiciones xenerales españoles de 1914 y 1916 y por Tinéu nes de 1923.[5] Tamién trabayó nel Institutu de Reformes Sociales y en 1923 foi por pocu tiempu subsecretariu de Facienda con José Manuel Pedregal y Sánchez-Calvo. Durante la dictadura de Primo de Rivera y la Segunda República Española siguió como xefe del Serviciu de Cultura Social del Ministeriu de Trabayu, y en 1926 ingresó na Real Academia de Ciencies Morales y Polítiques.
Obres
editar- Instituciones Industriales
- Las Universidades populares (1908)
- La Asamblea de Lugano
- La fundación de González-Allende de Toro
- Programa de Principios de Derecho corporativo
- Los mandatos internacionales de la Sociedad de Naciones
- Las oficinas de colocación, principalmente en Alemania
- Programa de Nociones de Economía política y política social
Referencies
editar- ↑ 1,0 1,1 Afirmao en: Diccionario biográfico español. Identificador DBE: 24544/leopoldo-palacios-morini. Apaez como: Leopoldo Palacios Morini. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ URL de la referencia: http://www.racmyp.es/academicos/lista_historica.cfm. Data de consulta: 10 febreru 2019.
- ↑ Leopoldo Palacios Morini, Enciclopedia de Oviedo
- ↑ Leopoldo Palacios Morini en filosofia.org
- ↑ Ficha del Congresu de los Diputatos
Enllaces esternos
editar
| Predecesor: Adolfo Bonilla y San Martín |
 Real Academia de Ciencies Morales y Polítiques Medaya 36 1926-1952 |
Socesor: León Martín-Granizo Rodríguez |
Datos: Q22964688
