Leptotes pirithous
La Leptotes pirithous ye un lepidópteru ropalóceru de la familia Lycaenidae.[1]
Leptotes pirithous  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Insecta | |
| Orde: | Lepidoptera | |
| Familia: | Lycaenidae | |
| Xéneru: | Leptotes | |
| Especie: |
L. pirithous Linnaeus, 1767 | |
| Sinonimia | ||
| ||
| Consultes | ||
| [editar datos en Wikidata] | ||
Distribución editar
Estiéndese pel norte d'África, sur y centru d'Europa y Oriente Mediu hasta la India. Nel centru d'Europa y zones fríes ye migratoria. Munchos de los exemplares que s'atopen n'Europa y España provienen d'exemplares migradores africanos. Puede atopase n'Asturies.[2][3]
Descripción editar
Imagu editar
Tien un valumbu d'ente 21 y 30 mm. Asemeyada a Lampides boeticus, pero xeneralmente más pequeña y ensin la franxa blanca postdiscal al envés de les ales. Como munchos licénidos, esta especie presenta dimorfismu sexual: anversu azul a los machos y más tonos marrones a les femes. Aviesu de les ales posteriores acabaes en dos ocelos y una cola por ala.[5]
Gata editar
Robusta; el so cuerpu allánase a cada segmentu abdominal. Recubiertu d'una fina pilosidá curtia que relluma cola lluz. Pue ser de delles coloraciones (polimórficu), de normal o verde clara, rosáu o dambes coses al empar.
Hábitat editar
Hábitat variáu, de normal yerbazales templaos y secos, estragales de caminos... La gata aliméntase de dellos xéneros y especies de Fabaceae, Lythraceae, Plumbaginaceae, Rosaceae y Ercicaceae como Plumbago capensis, Indigofera, Rynchosia, Vigna, Burkea, Mundulea, Melilotus, Crataegus, Quercus suber, Medicago sativa, Trifolium alexandrium, Arachis hypogaea, Lythrum, Calluna, Genista, Dorycnium, Lythrum salicaria, Calluna vulgaris, Onobrychis viciifolia, Ulex, Melilotus amanecer...[6]
Periodu de vuelu editar
Allá onde mora ye polivoltina, volando dende febreru hasta payares. Nun se sabe con certeza si nel so ciclu hai diapausa; en cautividá nun se-y consiguió inducir.[7]
Sinonimia editar
- Lampides telicanus (Lang, 1789)
- Papilio pirithous (Linnaeus, 1767)
- Papilio telicanus (Lang, 1789)
- Syntarucus pirithous
Referencies editar
- ↑ Tolman & Lewington
- ↑ Tolman & Lewington
- ↑ (castellán) http://www.asturnatura.com/especie/leptotes-pirithous.html Asturnatura
- ↑ (n'inglés) http://www.eurobutterflies.com/species_pages/pirithous.htm Eurobutterflies
- ↑ (castellán) http://www.learnaboutbutterflies.com/Africa%20-%20Leptotes%20pirithous.htm Butterflies of Africa
- ↑ Tolman & Lewington
- ↑ Tolman & Lewington 1997
Enllaces esternos editar
Wikimedia Commons acueye conteníu multimedia sobre Leptotes pirithous 
.
| Wikispecies tien un artículu sobre Leptotes pirithous. |
- Insectarium Virtual
- Asturnatura
- Moths and Butterflies of Europe and North Africa (inglés)
- Caparines de Berguedà (catalán)
- Captain's European Butterfly Guide (inglés)
- Eurobutterflies (inglés)
- Butterflies of Africa (inglés)
Datos: Q1303045- Multimedia: Leptotes pirithous
Especies: Leptotes pirithous
