Liébana

Liébana ye una contorna histórica de Cantabria (España), una de les meyor definíes de la Comunidá Autónoma. Tien una estensión d'unos 570 quilómetros cuadraos y alcuéntrase nel suroeste de Cantabria, atestando coles provincies d'Asturies, Llión y Palencia.

Liébana
Situación
País	España
Autonomía	Cantabria
Tipu	Comarcas de Cantabria (es)
Coordenaes	43°12′N 4°36′W
Liébana Liébana (España)
Datos
Superficie	574,83 km²

A pesar de que yá esiste una llei de comarcalización de Cantabria, ésta inda nun foi desenvuelta, polo tanto la contorna nun tien entidá real.

Conceyos de la contorna

• Cabezón de Liébana.
• Camaleño.
• Cillorigo de Liébana.
• Pesaguero.
• Potes.
• Tresviso.
• Vega de Liébana.

Situación xeográfica

Sienda de La Peña nos Picos d'Europa. El turismu activu ta bien asitiáu na contorna de Liébana. Na imaxe aprecia l'antiguu camín mineru que comunicaba'l pueblu Tresviso con Urdón, siendo una de les rutes de senderismo más importantes de Cantabria.

La contorna ta enclavada nos Picos d'Europa, la so orografía a manera de gran hoya ente murallones de piedra caliar fixo d'ella la meyor definida de Cantabria. De mal accesu, tratase d'una contorna rural que la so capital asitiase en Potes.

Ye una contorna montascosa zarrada, constituyida por cuatro valles (Valdebaró, Cereceda, Piedrasluengas y Cillorigo) que conflúin en Potes, centru de la contorna. Los sos principales ríos son el Deva, el Quiviesa y el Buyón. Nel so relieve serrapatosu destaca la roca caliar del periodu Carboníferu, afeutada por procesos cársticos. cayueles y arenisques apaecen nos fondos de los valles.

La so condición de gran valle zarráu, con grandes diferencies altitudinales y de fuertes pindios apurre una gran variedá de condiciones ambientales que causen un ensame de formaciones vexetales: encines, sufreres, hayas, carbayos (Quercus robur, Quercus pyrenaica), praos de campera y tierres de cultivu. El so relieve zarráu fai que tenga una microclima distinta al del restu de la rexón, afeutáu por un clima atlánticu.

Asina, no fondero del valle de Liébana  esfrutase d'un clima mediterraneu, que se tresforma progresivamente y a midida que xubimos nun clima atlánticu húmedu hasta algamar carauterístiques subalpinas nos altos cumes de los Picos d'Europa. Les temperatures medies añales son de 28 °C pa les máximes y 8 °C nes mínimes, con un nivel pluviométricu menor al d'otres zones de Cantabria (800 mm añales frente a los 1.000-1.200 mm de media de la rexón).

Historia

Imaxe de Peña Airosa en Liébana.

A finales del sieglu XII y principios del sieglu XIII figuren como tenentes de Liébana dellos girones: Rodrigo Gutiérrez Girón, Gonzalo Rodríguez Girón y Rodrigo González Girón. Gonzalo sería'l señor más poderosu de la zona, yá que ostentaba tamién les tenencies de Pernía, Peñes Negres y Cervera.

A finales del sieglu XIV, el Rei Juan I de Castiella otorgó'l señoríu de Liébana al so primu Don Juan Téllez de Castiella, Señor d'Aguilar de Campoo y fíu del Infante Don Tello de Castiella.

A mediaos del sieglu XV, la posesión del señoríu de Liébana dio orixe a una de les frecuentes guerres nobiliaries d'aquel tiempu y, darréu, a un llargu pleitu ente los Marqueses d'Aguilar de Campoo, herederos de Don Juan Téllez de Castiella y los socesores del segundu matrimoniu de la so esposa, Doña Leonor de la Vega, los Duques del Infantado de la Casa de Mendoza. En 1576 los tribunales dictaron sentencia a favor de la casa del Infantado.

Na Edá Moderna llevó'l nome de Provincia de Liébana, gobernada por un correxidor y Xuntes, que fueron cofundadoras de la Provincia de Cantabria en 1778.

Ente 1785 y 1833 formó parte de la Intendencia de Burgos.

En 1934 les fuercies d'esquierda asaltaron el cuartel de la Guardia Civil de Potes mientres la Revolución d'ochobre de 1934, deteniendo a los guardias y formando un Comité Revolucionariu, hasta qu'ante la meyora de fuercies gubernamentales dende La Hermida viéronse forzaos a fuxir escontra los montes.

Actualidá

Torre del Infantado, Potes.

La población total de la contorna algama la cifra de 5.860 habitantes, según datos del INE del añu 2006 (ver tabla). Según los datos del mesmu añu, los sos trés nucleos más poblaos, de mayor a menor, son: Potes (1.499), Cillorigo de Liébana (1.215) y Camaleño (1.088). Y los sos trés nucleos menos poblaos, de menor a mayor, son: Tresviso (76), Pesaguero (360) y Cabezón de Liébana (686).

La economía na contorna de Liébana camudó del sector primariu a la puxanza del turismu rural, frutu de la so importancia paisaxística y del reclamu que provoca'l Parque nacional de los Picos d'Europa. Sicasí, el desenvolvimientu que supunxo'l turismu afectó casi puramente a la llocalidá de Potes, cabecera comarcal, en desterciu de les #demás poblaciones del valle. Asina, la crecedera poblacional de los últimos años en Potes nun se ve reflexáu nos demás nucleos de población, que tán afeutaos por una evolución demográfica negativa.

Destacáu

• Picos d'Europa.
• Monesteriu de Santu Toribio de Liébana.
• Camín de Santiago del Norte: Ruta Vadiniense.
• Ilesia de Santa María.
• Ilesia de San Vicente.
• Fiesta del Oruxu.

Galería

• 
  Los Picos d'Europa dende la llocalidá de Lamedo (Cabezón de Liébana).
• 
  La llocalidá de Lamedo tres la nevada d'iviernu (Cabezón de Liébana).
• 
  Los Picos d'Europa dende Camaleño.
• 
  Los Picos d'Europa y la llocalidá de Turieno (Camaleño).
• 
  Vista panorámica del Monesteriu de Santu Toribio de Liébana.
• 
  El ríu Deva.
• 
  El teleféricu de Fonte Dea.
• 
  La villa de Potes.
• 
  La llocalidá de Tresviso.
• 
  La llocalidá de Dobres (Vega de Liébana).
• 
  Casona blasonada en Dobres (Vega de Liébana).
• 
  La llocalidá de Tudes (Vega de Liébana).
• 
  Vista de la capital de Vega de Liébana, La vega.
• 
  Vista del barriu de Areños na llocalidá de Cosgaya.

Enllaces esternos

• Semeyes del Valle de Liébana. El mayor álbum de semeyes de Liébana
• Contorna de Liébana. Axencia de desenvolvimientu llocal
• Centru d'estudios llebaniegos Archiváu 2016-03-02 en Wayback Machine
• 2006-2007 Añu xubilar llebaniegu
• Archivu históricu de Potes y la Provincia de Liébana Archiváu 2019-05-01 en Wayback Machine

• Datos: Q1787325
• Multimedia: Liébana