Macrino Suárez Méndez (31 de mayu de 1936Ḷḷuarca – 15 de mayu de 2012Uviéu) foi un economista y políticu español, ministru del últimu gobiernu de la Segunda República Española nel exiliu. Foi'l ministru d'Economía del gobiernu de José Maldonado.

Macrino Suárez
ministro de finanzas (es) Traducir

1971 - 1977
Distritu: Segunda República Española en el exilio (es) Traducir
Eleiciones: Segunda República Española en el exilio (es) Traducir
Vida
Nacimientu Ḷḷuarca31 de mayu de 1936
Nacionalidá España
Muerte Uviéu15 de mayu de 2012[1] (75 años)
Estudios
Llingües falaes castellanu
Oficiu economistapolíticu
Emplegadores Centro Nacional para la Investigación Científica (es) Traducir
Miembru de Consejo Federal Español del Movimiento Europeo (es) Traducir
Creencies
Partíu políticu Acción Republicana Democrática Española (es) Traducir
Cambiar los datos en Wikidata

Biografía editar

Nació en Ḷḷuarca selmanes antes d'españar la Guerra Civil Española. El so padre combatió de parte del bandu subleváu. Estudió'l bachiller nel institutu fundáu por Luis Ochoa, hermanu de Severo Ochoa, del so pueblu natal y en 1952 empezó la carrera d'Económiques en Madrid, que nun concluyó porque foi procesáu por inxuries al Xefe d'Estáu por cuenta de que, na pensión na que vivía, fuéron-y requisadas unes octavielles cola imaxe de Francisco Franco vistíu de xitana cola lleenda La bien pagá y del presidente d'Estaos Xuníos Dwight D. Eisenhower vistíu de toreru. Tuvo quince díes incomunicáu y cuatro meses prisioneru na cárcel de Carabanchel. Fixo'l so 5º cursu de carrera y gracies a unes xestiones del so padre, fuxó a Francia.

Mientres el so exiliu, trabayó nuna imprenta, terminó la so carrera y depués doctoróse na Universidá de París. Trabayó como investigador del Centre National de la Recherche Scientifique y realizó viaxes como miembru de les delegaciones del Gobiernu francés pal desenvolvimientu económicu de Méxicu, Perú, Arxelia y Burundi.

En 1971 foi nomáu ministru d'Economía y Facienda del Gobiernu nel exiliu de la Segunda República Española, cargu qu'ostentó hasta 1977, cuando José Maldonado eslleió'l gobiernu por cuenta de les eleiciones xenerales d'España d'esi mesmu añu.

Tamién foi secretariu xeneral del Conseyu Federal Español del Movimientu Européu que formó parte del "IV Congresu del Movimientu Européu" celebráu en Múnich y dichu congresu foi peyorativamente llomáu pola dictadura franquista como'l Contubernio de Múnich. Foi, amás, secretariu xeneral del partíu Aición Republicana Democrática Española.

En 2002 xubilóse y en 2005 treslladar a vivir a Asturies. Llegó a presidir l'Asociación José Maldonado y el Atenéu Republicanu d'Asturies. Morrió en 2012 por causa de un infartu.[2]

Ver tamién editar

Referencies editar

  1. Afirmao en: Diccionario biográfico español. Identificador DBE: 130081/macrino-suarez-menendez. Apaez como: Macrino Suárez Menéndez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. Junquera, Natalia (17 de mayu de 2012). «Macrino Suárez, últimu ministru de la II República». Consultáu'l 22 de xunu de 2012.