Severo Ochoa
Severo Ochoa (24 de setiembre de 1905, Ḷḷuarca – 1 de payares de 1993, Madrid) foi un médicu, profesor universitariu, bioquímicu y escritor asturianu. Gallardoniáu en 1959 col Premiu Nobel en Fisioloxía o Medicina, consiguió la nacionalidá d'Estaos Xuníos en 1956.
Biografía
editarEstudió'l bachiller nel Institutu malagueñu de Gaona. En 1922 entamó los sos estudios de Medicina na Facultá de Medicina de Madrid. Ellí foi compañeru del futuru Xeneral de la Compañía de Xesús, Pedro Arrupe. Nel segundu año de carrera conoció al profesor de Fisioloxía Juan Negrín, trabayó con él nel llaboratoriu de Fisioloxía de la Residencia de Estudiantes y centróse nel metabolismo enerxéticu, con especial enfotu nes molécules fosforilaes. Durante la so época nel llaboratoriu de la Residencia d'Estudiantes, Ochoa punxo a puntu un métodu pa la determinación de la creatinina.
Formación europea
editarUna vegada finaos los estudios, trabayó en dellos llaboratorios d'Europa (Berlín, Londres, Oxford). Nesta dómina trabayó sobro la química de la contraición muscular, sobro la so primera enzima, la glioxalasa, sobro la glicolisis, y sobro la vitamina B1. Dempués de pasar el branu n'Inglaterra, nel llaboratoriu de Patton, asoleyó el so primer trabayu n'inglés, en 1929, na prestixosa revista Journal of Biological Chemistry. Nesi mesmu añu, doctoróse.
Nel añu 1931 casóse con Carmen García Cobián, y el mesmu añu nómenlu profesor ayudante de Negrín, el so principal sofitu énte la Xunta d'Ampliación d'Estudios pa que completare la so formación nel Reinu Xuníu y Alemaña.
Investigación
editarLa so investigación foi polifacética, fizo numberoses ya importantes contribuiciones en desemeyaes estayes de la Bioquímica y la bioloxía molecular. L'aportación científica de Severo Ochoa fízose a tres niveles.
- En primer llugar per aciu de trabayos d'enzimoloxía metabólica col descubrimientu de dos enzimes, la citrato-sintetasa y la piruvato-deshidrogenasa, que permitieron concluyir el conocimientu efeutivo del ciclu de Krebs, y que representa un procesu biolóxicu fundamental nel metabolismu de los seres vivos.
Estudió tamién la fotosíntesis y el metabolismu de los ácidos grasos.
- En segundu llugar Severo Ochoa fai una riestra de trabayos qu'empobinen a la síntesis del ácidu ribonucleicu, ARN, tres del descubrimientu de la enzima polinucleótido-fosforilasa. Esti afayaientu sirvió-y, xunto al so discípulu Arthur Kornberg, el premiu Nobel de Medicina de 1959.
- En tercer llugar l'aportación científica de Severo Ochoa materialízase nuna riestra de trabayos nos que se desendolquen les idees y los descubrimientos anteriores y que se rellacionen col desciframientu del códigu xenéticu, la biosíntesis intracelular de les proteínes y los aspeutos fundamentales de la bioloxía de los virus.
Nuna ocasión, Ochoa dixo una fras que ye afamada: "L'amor ye la fundición de física y química"
Referencies
editar- ↑ Afirmao en: Gran Enciclopedia Soviética (1969–1978). Sección, versículu o párrafu: Очоа Северо. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Afirmao en: autoridaes BNF. Identificador BnF: 133352981. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Severo-Ochoa. Apaez como: Severo Ochoa. Data de consulta: 9 ochobre 2017. Llingua de la obra o nome: inglés.
- ↑ «The Nobel Prize in Physiology or Medicine 1959» (inglés). Fundación Nobel. Consultáu'l 5 mayu 2020.
- ↑ Afirmao en: Complete List of Royal Society Fellows 1660-2007. Páxina: 265. Editorial: Royal Society.
- ↑ URL de la referencia: http://archivo.ugr.es/pages/trabajosdocumentos/honoriscausa.
- ↑ Direición web d'archivu: https://secretaria.uniovi.es/c/document_library/get_file?uuid=29b8a691-7ceb-48a7-abfa-ce1ae8bf58b9&groupId=952290.
- ↑ Identificador del Boletín Oficial del Estado: BOE-A-1977-14616.
- ↑ URL de la referencia: https://www.uv.es/uvweb/rectorado/es/premios-distinciones/doctores-honoris-causa/doctores-honoris-causa-siglo-xx/fecha-investidura/acto-investidura-doctor-honoris-causa-del-excm-sr-dr-severo-ochoa-albornoz-1285872205498/Honoris.html?id=1285878758731.
- ↑ URL de la referencia: https://www.uma.es/facultad-de-ciencias/info/74494/doctores-honoris-causa/.
- ↑ «Severo Ochoa, doctor 'honoris causa' por la universidad de Valladolid». Consultáu'l 15 agostu 2017.
- ↑ URL de la referencia: https://commencement.miami.edu/about-us/archives/honorary-degree-recipients/index.html.
- ↑ URL de la referencia: https://www.jgpa.es/documents/11156/92932/N%C2%BA%202.+D%C3%ADa+de+Asturias+%281980-2016%29/215e3b42-06e2-4817-a04d-9aca073f23c1. Data de consulta: 19 febreru 2020. Páxina: 22.
- ↑ URL de la referencia: http://www.usc.es/es/info_xeral/honoris/.
- ↑ URL de la referencia: https://www.ulpgc.es/sites/default/files/ArchivosULPGC/noticia/2017/Jun/historico_dhc_def.pdf.
- ↑ 16,0 16,1 16,2 16,3 Afirmao en: nobelprize.org. Identificador de nominación de persona al Premio Nobel: 6817. Editorial: Fundación Nobel. Llingua de la obra o nome: inglés.
- ↑ Afirmao en: www.pas.va. PAS member ID: deceased/ochoa. Llingua de la obra o nome: inglés.
Enllaces esternos
editar- Páxina oficial de Premiu Nobel (n'inglés)
- Noticies na prensa asturiana sobro Severo Ochoa Archiváu 2008-08-20 en Wayback Machine (castellán)
Datos: Q233957
Multimedia: Severo Ochoa
Cites famoses: Severo Ochoa
