Marion Davies
Marion Davies (3 de xineru de 1897, Brooklyn – 22 de setiembre de 1961, Hollywood) foi una actriz d'Estaos Xuníos tamién conocida pola so rellación sentimental col periodista William Randolph Hearst que caltuvo mientres 30 años y que llegó a clisar la so carrera profesional.
Marion Davies | |
|---|---|
 | |
| Vida | |
| Nacimientu | Brooklyn, 3 de xineru de 1897[1] |
| Nacionalidá |
 Estaos Xuníos |
| Llingua materna | inglés |
| Muerte | Hollywood, 22 de setiembre de 1961[1] (64 años) |
| Sepultura |
Hollywood Forever Cemetery (es)  Hollywood Forever Cemetery (es) |
| Causa de la muerte | cáncanu d'estómagu[2] |
| Familia | |
| Pareyes | William Randolph Hearst |
| Hermanos/es | |
| Estudios | |
| Llingües falaes | inglés |
| Oficiu | actriz, productora de cine, guionista, modelu, actriz de cine |
| Premios | |
| IMDb | nm0203836 |
 | |
Biografía
editarMarion Cecelia Douras nació na ciudá de Brooklyn, New York,[3] el 3 de xineru de 1897. Yera la más nueva de cinco fíos: so padre, Bernard J. Douras, un abogáu que movíase dientro de los círculos políticos en New York y so madre Rose Reilly, natural de New Jersey.[4]
Los sos hermanos mayores yeren Rose, Reine y Ethel. El so hermanu Charles morrió afogáu en 1906. El so nome foi dau darréu al sobrín favoritu de Marion, el guionista Charles Lederer, fíu de la hermana de Marion, Reine Davies.[5]
La familia Douras vivía cerca de Prospect Park, en Brooklyn, pero les lluces brilloses de Manhattan seducieron a les sos hermanes que camudaron el so apellíu Douras por Davies. Inclusive nun momentu en que New York convirtiérase na meca de los inmigrantes, el so apellíu ayudóles grandemente nes sos perspectives.[6]
L'interés pel mundu del espectáculu de Marion escosonó bien ceo, cuando ella miraba a les sos hermanes participar en producciones locales de la dómina, y deseyó facer igual. Marion foi contratada como corista en New York City nos espectáculos famosos de Ziegfeld Follies. Pero deseyaba más que baillar. Asina qu'afitó'l so interés nel cine.[7] La so primer actuación foi na película Romany the Fugitive en 1917 cuando tenía 20 años, la película taba dirixida pol so cuñáu. Nun foi exautamente un ésitu na taquilla, pero pa Marion foi un empiezu. La película yera'l pasu pa la fama. L'añu siguiente Marion protagonizó tres películes: The burden of proof, Beatrice Fairfax y Cecilia of the pink roses.
Foi esta última película la que llamó l'atención del magnate de la prensa, William Randolph Hearst, col que Marion entamaría una rellación romántica que caltúvose por 30 años. Debío al imperiu periodísticu de Hearst, promoveríen a Marion como nenguna actriz enantes d'ella. Apaeció en numberoses películes nos siguientes años como Murder of the cinema, en 1919. En 1922, Marion apaeció como María Tudor na epopeya romántica histórica, When knighthood was in flower, una película na que Hearst invirtió millones de dólares pa faela estrella de cine.
Inclusive mientres la so carrera, la so vida social de perfil altu escureció de cutiu los sos llogros profesionales. A finales de los años 20, Hearst esmolecióse, taba nidio que les películes sonores taben a puntu de sustituyir a les mudes; taba nerviosu porque Marion cuando se ponía nerviosa tatexaba y esmolecía-y qu'ella nun fixera una transición acertada al nuevu mediu. Sicasí, ella nun tuvo nengún problema col cambéu. En 1930, dos de les sos meyores películes sonores foron So dumb y The florodora girl.
Escontra 1934, les películes de Marion perdieren el so interés y entamó el so declive. Si nun hubiera tao nel focu de Hearst, la so carrera nun decayera. Él foi más una torga qu'una ayuda. Hearst intentara emburriar executivos de MGM pa emplegar a Marion pal papel de Elizabeth Barrett en The Barretts of the Wimpole Street, pero Louis B. Mayer tenía otres actrices en mente pal papel.
Escontra finales de los años 30, Hearst sufría reveses financieros y foi Marion la que lu sacó a flote vendiendo 1 millón de dólares de la so xoyería. Ensin ella la Hearst Corporation nun pudiera tar onde ta güei. Los problemes financieros de Hearst tamién significaron el final de la so carrera. Anque ella fixera la transición al soníu, otres estrelles se presentaben al meyor preciu. Los papeles pa ella fueron cada vegada menos.
Pa 1937, Marion tenía 40 y filmó la so última producción pa la pantalla de plata, Since then Eve. A partir de les películes y les intenses presiones de la so rellación con Hearst, Marion recurrió al alcohol. A pesar d'esos problemes, yera una muyer de negocios bien aguda y llista a pesar del declive de la so carrera.
Dempués de la muerte de Hearst en 1951, Marion casóse per primer vegada a la edá de 54 años, con Horace Brown. La xunión duraría hasta qu'ella morrió de cáncer el 22 de setiembre de 1961 en Los Angeles, California. Tenía 64 años.
Filmografía
editar
| Añu | Títulu | Rol | Notes |
|---|---|---|---|
| 1917 | Runaway, Romany | Romany | Escritora |
| 1918 | Cecilia of the Pink Roses | Cecilia | |
| 1918 | The Burden of Proof | Elaine Brooks | |
| 1919 | The Belle of New York | Violet Gray | |
| 1919 | Getting Mary Married | Mary | Productora |
| 1919 | The Dark Star | Rue Carew | |
| 1919 | The Cinema Murder | Elizabeth Dalston | Filme perdíu |
| 1920 | April Folly | April Poole | |
| 1920 | The Restless Sex | Stephanie Cleland | |
| 1921 | Buried Treasure | Pauline Vandermuellen | |
| 1921 | Enchantment | Ethel Hoyt | |
| 1922 | Bride's Play | Enid of Cashel/Aileen Barrett | |
| 1922 | Beauty's Worth | ||
| 1922 | The Young Diana | Diana May | |
| 1922 | When Knighthood Was in Flower | Mary Tudor | |
| 1922 | A Trip to Paramountown |
Short subject | |
| 1923 | El pelegrín (película de 1923) | Miembru de la Congregación | Ensin creitos |
| 1923 | Adam and Eva | Eva King | |
| 1923 | Little Old New York | Patricia O'Day | |
| 1924 | Yolanda | ||
| 1924 | Janice Meredith | Janice Meredith | |
| 1925 | Zander the Great | Mamie Smith | |
| 1925 | Lights of Old Broadway | ||
| 1925 | Ben-Hur: A Tale of the Christ | Extra nel ensame de Chariot Race | Ensin creitos |
| 1926 | Beverly of Graustark | Beverly Calhoun | |
| 1927 | The Red Mill | Tina | |
| 1927 | Tillie the Toiler | Tillie Jones | |
| 1927 | The Fair Co-Ed | Marion | |
| 1927 | Quality Street | Phoebe Throssel | Productora |
| 1928 | The Patsy | Patricia Harrington | Productora (ensin creitos) |
| 1928 | The Cardboard Lover | Sally | Productora |
| 1928 | Show People | Peggy Pepper/Herself | Productora |
| 1928 | The Five O'Clock Girl | Patricia Brown | Incompleta |
| 1928 | Rosalie | Princess Rosalie Romanikov | Incompleta |
| 1929 | Marianne | Marianne | Productora (ensin creitos) |
| 1929 | The Hollywood Revue of 1929 | ||
| 1930 | Not So Dumb | Dulcinea 'Dulcy' Parker | Productora |
| 1930 | The Florodora Girl | Daisy Dell | Productora |
| 1930 | Screen Snapshots Series 9, Non. 23 | Herself | Short subject |
| 1931 | Jackie Cooper's Birthday Party | Herself | Short subject |
| 1931 | The Bachelor Father | Antoinette 'Tony' Flagg | Productora |
| 1931 | It's a Wise Child | Joyce Stanton | Productora |
| 1931 | Five and Ten | Jennifer Rarick | Producer |
| 1931 | The Christmas Party | Herself | Short subject |
| 1932 | Polly of the Circus | Polly Fisher | Productora |
| 1932 | Blondie of the Follies | Blondie McClune | Productora |
| 1933 | Peg o' My Heart | Margaret 'Peg' O'Connell | |
| 1933 | Going Hollywood | Sylvia Bruce | |
| 1934 | Operator 13 | Gail Loveless | |
| 1935 | Page Miss Glory | Loretta Dalrymple/Miss Dawn Glory | Productora |
| 1935 | A Dream Comes True | Herself | Short subject |
| 1935 | Pirate Party on Catalina Isle | Herself | Short subject |
| 1936 | Hearts Divided | Elizabeth 'Betsy' Patterson | Productora |
| 1936 | Cain and Mabel | Mabel O'Dare | |
| 1937 | Ever Since Eve | Miss Marjorie 'Marge' Winton/Sadie Day |
Referencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://www.geni.com/people/Marion-Davies/6000000008871476578.
- ↑ El so nome ye dacuando escritu "Marion Cecilia Dourvas" en biografíes. Na so autobiografía, ponse "Douras," como apaez nel Censu 1900 cuando vivíen en Brooklyn, New York.
- ↑ Died. Time (magacín). 6 de mayu 1935. Archivado del original el 2009-01-14. https://web.archive.org/web/20090114083917/http://www.time.com/time/magazine/article/0,9171,754678,00.html?promoid=googlep. Consultáu'l 26 de xunu 2008. «Bernard J. Douras, 82, retired New York City magistrate, father of Film Actress Marion Davies and three other daughters; in Beverly Hills, California. His death caused the cancellation of a huge costume party planned at Davies' home in honor of William Randolph Hearst's 72nd birthday.».
- ↑ Married. Time (magacín). 17 febreru 1930. Archivado del original el 2009-01-14. https://web.archive.org/web/20090114083857/http://www.time.com/time/magazine/article/0,9171,738708,00.html. Consultáu'l 26 de xunu 2008. «Gloria Gould Bishop, daughter of Capitalist George Jay Gould; and Walter McFarlane Barker of Chicago; in Manhattan. He was her second husband. They were married in the Domestic Relations Court by Judge Bernard J. Douras, father of cinemactress Marion Davies.».
- ↑ Davies, Marion (1975). The Times We Had. ISBN 0-672-52112-1.
- ↑ «Famous Actress-Philanthropist Marion Davies Dies of Cancer». Tri City Herald: p. 2. 18 de setiembre de 1961. https://news.google.com/newspapers?id=oW0hAAAAIBAJ&sjid=8oYFAAAAIBAJ&pg=666,2839306&dq=marion+davies+model&hl=en. Consultáu'l 29 de payares de 2012.
Enllaces esternos
editar
Wikimedia Commons acueye conteníu multimedia sobre Marion Davies.- Marion Davies na Internet Movie Database (n'inglés)
- Marion Davies na Internet Broadway Database (n'inglés)
- Marion Davies n'AllMovie (n'inglés)
- «Marion Davies». en Find a Grave. (n'inglés)
Datos: Q242416- Multimedia: Marion Davies
