Max Casella
Max Casella (6 de xunu de 1967, Washington DC) ye un actor de teatru, actor de cine, actor de televisión, actor de voz y actor d'Estaos Xuníos. Ye conocíu polos sos papeles nes series The Sopranos, Doogie Howser, M.D., y como la voz de Daxter nel videoxuegu Jak and Daxter.
Max Casella | |
|---|---|
.jpg) | |
| Vida | |
| Nacimientu | Washington DC, 6 de xunu de 1967[1] (57 años) |
| Nacionalidá |
 Estaos Xuníos |
| Residencia | Nueva York |
| Llingua materna | inglés |
| Estudios | |
| Estudios |
American Academy of Dramatic Arts 1987) Cambridge Rindge and Latin School (en)  |
| Llingües falaes | inglés |
| Oficiu | actor de teatru, actor de cine, actor de televisión, actor de voz, actor |
| Trabayos destacaos |
The Sopranos Jak and Daxter (es) |
| Premios |
ver
|
| IMDb | nm0143295 |
 | |
Biografía
editarCasella nació en Washington, D.C., fíu de Doris Casella, trabayadora social, y David Deitch, columnista nun periódicu.[3] Por parte paterna tien ascendencia xudía de Polonia y Rusia, por parte materna tien ascendencia italiana; la so güela yera de Nápoles y el so güelu de Calabria.[4][5] Creció en Cambridge, Massachusetts,[5] au asistió a la mesma escuela que Traci Bingham y Matt Damon.
Dende 1989 hasta 1993 interpretó a Vincent Delpino na serie Doogie Howser, M.D. En 1992, interpretó a Racetrack Higgins en Newsies; la película taba basada nos fechos asocedíos en 1899 cuando los vendedores de periódicos fixeron una fuelga escontra Joseph Pulitzer y William Randolph Hearst. En 1997, Casella fixo de Timón na producción de Broadway de The Lion King. Tamién formó parte del musical The Music Man y fixo'l papel del soldáu Dino Paparelli en Sgt. Bilko.
Foi integrante del repartu de la esitosa serie The Sopranos dende la tercer temporada, interpretando a Benny Fazio. Otros de los sos papeles inclúin a Paul Marco nel biopic Ed Wood (1994) de Tim Burton, el rateru de mal pelo Nicky Shivers la comedia de gángsters Analyze This (1999), Dick Howser na miniserie The Bronx is Burning (2007), el pingüín llamáu Tip en La serenita 2: regresu al mar (2000) y como Mack Steiner en Leatherheads (2008) de George Clooney. En 2010 participó na serie de HBO Boardwalk Empire, interpretando al gángster Leo D'Alessio.
Ta casáu y tien dos fíos. Vive en Nueva York.
Filmografía
editar- Doogie Howser, M. D. (1989 - 1993, 97 episodios)
- Newsies (1992)
- Ed Wood (1994)
- Sgt. Bilko (1996)
- Trial and Error (1997)
- Analyze This (1999)
- Dinosauriu (2000)
- The Notorious Bettie Page (2005)
- The Sopranos (2001-2007, 29 capítulos)
- The Bronx Is Burning (2007, cuatro capítulos)
- Revolutionary Road (2008)
- Leatherheads (2008)
- Passione (2010)
- Boardwalk Empire (2010, siete capítulos)
- Somewhere Tonight (2011)
- Mátalos selemente (2012)
- Inside Llewyn Davis (2013)
- Blue Jasmine (2013)
- The Last of Robin Hood (2013)
- Fading Gigolo (2013)
- Oldboy (2013)
- Wild Card (2015)
Referencies
editar- ↑ Afirmao en: Internet Broadway Database. Identificador de persona d'Internet Broadway Database: 70801. Apaez como: Max Casella. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.theatreworldawards.org/past-recipients.html.
- ↑ Max Casella Biography (1967-)
- ↑ «NJ.com's Printer-Friendly Page». Archiváu dende l'orixinal, el 2007-09-29.
- ↑ 5,0 5,1 Italics: Max Casella/In Scena! Italian Theatre Festival. Italics. 29 de xunu de 2013. https://www.youtube.com/watch?v=bbwA-wUty9Y. Consultáu'l 11 de xunetu de 2015.
Enllaces esternos
editar- Max Casella na Internet Movie Database (n'inglés)
- Perfil de Max Casella en HBO
- Entrevista con Sopranu Sue (n'inglés)
- Entrevista con The Tim Burton Collective Archiváu 2010-11-18 en Wayback Machine (n'inglés)
Datos: Q368913
Multimedia: Max Casella
