Menkib

Menkib (ζ Persei / ζ Per / 44 Persei)[1][2] ye la tercera estrella con mayor rellumu na constelación de Perséu, por detrás de Mirfak (α Persei) y Algol (β Persei). La so magnitú aparente ye +2,85. Nun tien de ser confundida cola vecina Menchib (ξ Persei), dacuando tamién llamada Menkib. Ye miembru de l'Asociación estelar Perseus OB2 o «Asociación estelar de Zeta Persei», llamada asina poles estrelles de tipu O y B que contién. Dicha asociación alcuéntrase a una distancia averada del Sistema Solar de 960 años lluz.[3]

Picto infobox astronomy.png
Menkib
Perseus constellation map.png
Datos d'observación
(Dómina J2000.0)
Constelación Perséu
Ascensión reuta (α) 03h 54min 07,92s
Declinación (δ) +31º 53’ 01,1’’
Mag. aparente (V) +2,85
Carauterístiques físiques
Clasificación estelar B1Ib
Masa solar 19 M
Radiu (21 R)
Magnitú absoluta -4,55
Gravedá superficial 3,06 (log g)
Lluminosidá 105.000 L
Temperatura superficial 22.040 K
Astrometría
Distancia ~ 960 años lluz
Paralax 4,34 ± 0,19 mas
Referencies
SIMBAD enllaz
Otres designaciones
44 Persei / HD 24398 / HR 1203 / HIP 18246 / SAO 56799 / BD+31 666
[editar datos en Wikidata]

CarauterístiquesEditar

Menkib ye una superxigante blancu-azulada de tipu espectral B1Ib bien caliente —el so temperatura efectivo algama los 22.040 K[4] y descomanadamente lluminosa, siendo la so lluminosidá equivalente a la de 105.000 soles. Tien un diámetru 21 vegaes más grande qu'el del Sol[3] y rota con una velocidá de rotación proyeutada de 54 km/s.[5] El so conteníu metálico ye daqué inferior a la solar, siendo'l so índiz de metalicidá [Fe/H] = -0,08.[6] Una estrella d'estes carauterístiques tien una vida curtia: envalórase la so edá actual nunos 12,6 millones d'años[7] y, con una masa de 19 mases solares, nun-y queda enforma tiempu pa españar como una supernova.[3]

Dos compañeres alloñaes completen el sistema estelar de Menkib. La primera d'elles, denomada Menkib B, ye una estrella blancu-azulada de tipu B8 y magnitú +9,16, asitiada a unes 3900 UA de la estrella principal; emplega siquier 50.000 años en completar una órbita alredor de la estrella primaria. La otra posible acompañante, Menkib Y, ye una estrella blanca de tipu A2 tan alloñada —la so distancia proyeutada ye de 36.000 UA— que nun se sabe con certeza si ta gravitacionalmente xunida a Menkib.[3]

ReferenciesEditar

Coordenaes:   3h 54m 7.922s, 31° 53 1.081