Merops nubicoides
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Merops nubicoides  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Coraciiformes | |
| Familia: | Meropidae | |
| Xéneru: | Merops | |
| Especie: |
M. nubicoides (Des Murs y Pucheran, 1846) | |
| Distribución | ||
 | ||
| Consultes | ||
| [editar datos en Wikidata] | ||
Merops nubicoides[1] ye una especie d'ave coraciforme de la familia Meropidae que vive nel sur d'África, dende KwaZulu-Natal y Namibia hasta Gabón, el sur de la República Democrática d'El Congu y Kenia.
Esta especie, como los demás abeyerucos ye una ave bien colorida, nel so plumaxe predominen los tonos carmesí, con esceición del pileu, el obispillo y les coberteres de la cola que son azules.
Los sos hábitats naturales son los valles de ribera y les llanures inundables, con preferencia peles vera con turries verticales pa poder cavar los túneles pal so nial. Ye una especie bien social y axúntase en grandes bandaes tantu na dómina de cría como fora d'ella. Fuelguen pela nueche xuntos, de normal nos árboles y cañaverales, y esvalíxense mientres el día. Añeren en fondu d'un túnel d'unu a dos metros de fondura escaváu nuna turria arenosa, onde suelen poner de dos a cinco güevos.
Ye una especies migratoria que pasa la dómina de cría, ente agostu y payares, en Zimbabue, enantes de treslladase al sur, a Sudáfrica pa pasar el branu, y darréu migrar al África ecuatorial dende marzu a agostu.
La so dieta compónse principalmente d'abeyes y otros inseutos voladores, que cacen al vuelu acesmando dende un posaderu. Pueden usar como posaderos les cañes de la vexetación o los llombos de los grandes animales. Tamién s'averen cuando se producen quemes de carbes p'atrapar a los inseutos que fuxen
Referencies
editar- ↑ Abeyerucu Carmesí del Sur (Merops nubicoides) Des Murs & Pucheran, 1846 en Avibase, (n'inglés)
Bibliografía
editar- Roberts' Birds of Southern Africa - 6ª edición (John Voelcker Fund, 1993) ISBN 0-620-17583-4
Enllaces esternos
editar| Wikispecies tien un artículu sobre Merops nubicoides. |
Wikimedia Commons acueye conteníu multimedia sobre Merops nubicoides.
Datos: Q973061- Multimedia: Merops nubicoides
Especies: Merops nubicoides
