Midori

Midori ('緑, Midori^? verde) ye un restolador o navegador web llixeru que'l so motor principal ta basáu en Webkit, (conocíu pola so eficacia nel navegador Safari de Mac OS X y Chrome de Google). Usa GTK como interfaz gráfica, polo que pue executase ensin problemes n'escritorios basaos nesti como GNOME, Xfce o LXDE. Tien posibilidá d'usar llingüetes o ventanes, xestor de sesión. Los favoritos guárdense en XBEL y el guetador ta basáu n'OpenSearch. Les aciciones de l menú son personalizables (dende la versión 0.4.0), tien sofitu d'estilos y scripts y ampliable per aciu scripts programaos en Lua (Pa lo que tien de tener Vala 0.1 a lo menos instaláu).

Midori

Midori 0.3.2 n'Ubuntu 10.04.
Versión inicial	16 avientu 2007
Última versión	3.0.07 (versión estable, 26 ochobre 2023) 11.2.2 (versión estable, 18 febreru 2024)
Escritu en	C++ (es)
Sistema operativu	Linux, Microsoft Windows, Android y MacOS
Plataforma	Android
Tipu	restolador web, software llibre y software de códigu abiertu
Llicencia	Mozilla Public License, version 2.0 (en)
Orixe del nome	緑
Distribución	baxada dixital
N'asturianu	Sí
Más información
Twitter	grupoastian
Sitiu web	Web oficial
Códigu fonte	Códigu fonte

El programa aínda ta nuna fase temprana de desenvolvimientu. Renderiza abondo bien les páxines, anque falla con dalgunos javascripts como'l de los mapes de google, anque yá soporta flash. Tien una opción que dexa identificase como otru navegador siendo estos Firefox, Internet explorer, Safari y el navegador del IPhone; esto ye útil yá que a la hora de navegar, dellos sitios nun lu identifiquen como un navegador soportáu, como'l casu de Google + pese a que pue renderizar perfeutamente'l sitiu. A partir de la versión 0.4.0 déxase atrás el sofitu pa equipos desaxeradamente antiguos y pal compilador GCC 3.x .

Carauterístiques

• Completa integración con GTK+ 2.
• Motor de renderizáu Webkit.
• Xestión de llingüetes, ventanes y sesiones.
• Guetes web flexibles y personalizables.
• Sofitu pa scripts d'estilos.
• Cenciellu marcador de xestión.
• Interfaz d'usuariu personalizable y configurable.
• Estensiones escrites en C y Lua al traviés de Vala.
• Menú contestual personalizable.
• Sofitu HTML5 en Youtube
• Sofitu pa Adobe Flash
• Sofitu pa Oracle Java y Openjdk nes sos versiones 6 y 7

Midori anguaño forma parte del entornu d'escritoriu llixeru Xfce, ta incluyíu nel so componente Goodies anque delles distribuciones Gnu/Linux como Arch Linux nun lu amiesten al metapaquete. El proyeutu LXDE encamienta esti navegador xunto con Chromium pa ser usáu nel escritoriu.

• 
  Midori supera la prueba Acid3

Ver tamién

• Softastur, comunidá de traductores de software llibre al asturianu
• GNU/Linux
• Firefox
• Konqueror
• Epiphany

Enllaces esternos

• Wikimedia Commons acueye conteníu multimedia sobre Midori.
• Web oficial del proyeutu

• Datos: Q285512
• Multimedia: Midori (web browser)