Miguel Solís Santos

Miguel Solís Santos (1956, Avilés) ye un escritor y dibuxante asturianu, miembru correspondiente de l'Academia de la Llingua Asturiana.

Miguel Solís Santos
Vida
Nacimientu	Avilés, 1956 (67/68 años)
Nacionalidá	España
Estudios
Llingües falaes	asturianu castellanu
Oficiu	escritor, dibuxante
Premios	ver Premiu Xosefa Xovellanos  (1984) Premiu Enriqueta González Rubín  (2007) Premios Urogallo de Bronce  (2010)
Miembru de	Academia de la Llingua Asturiana

Biografía

Llicenciáu en Bioloxía pola Universidá d'Uviéu. Vinculáu a Conceyu Bable dende los sos oríxenes, dase a conocer nos diversos concursos de cuentos curtios qu'entama esta asociación, algamando abondos premios. Empieza tamién a publicar dibuxos y illustraciones, nun estilu que bien llueu lu va facer inconfundible. En 1981 nómenlu miembru correspondiente de la primer xuntanza de l'Academia de la Llingua. Esi mesmu añu algama'l Premiu de Narraciones curties de la Diputación d'Asturies col rellatu: Astor o un ensayu pa una nueva mitoloxía.

En 1982, publica Miguel Solís Santos Les llamuergues doraes, que ye la primer novela contemporánea en llingua asturiana. L'añu anterior asoleyara yá les narraciones L'oxetu de la caridá y Astor o un ensayu pa una nueva mitoloxía. En 1984 algama'l Premiu Xosefa Xovellanos de novela cola obra El trunfu prietu (1985). Per esi entós ponse a publicar cola Academia de la Llingua una serie de rellatos infantiles, ilustraos tamién por él, que tienen por exe central el mesmu protagonista: Ñuberu. Va publicar cuatro llibros d'esta serie: L'arcu iris y Ñuberu (1982), Les cuatru estaciones y Ñuberu (1983), Los árboles, l'ocalitu y Ñuberu (1985) y Ñuberu y la paz (1987).

Ye autor tamién d'una historia d'Avilés en cómic y ilustrador de munchos llibros ayenos.

Enllaces esternos

• Datos: Q33868179