Mille Miglia
La Mille Miglia (Mil Milles) foi una carrera de rally de carreteres que s'apostó n'Italia venticuatro veces ente 1927 y 1957, trece antes de la Segunda Guerra Mundial y once dende 1947. Na so etapa de preguerra yera parte del calendariu mundial de Grand Prix[ensin referencies] y una de les de mayor notoriedá nel mundu del automovilismu.
Mille Miglia | |
|---|---|
 | |
| Xeneral | |
| Tipu de competición | actividá deportiva periódica |
| Deporte | Carrera de resistencia |
| País | Italia |
| Historia | |
| Fundación | 1927 |
| Desapaición | 1957 |
| Competición | |
| Periodicidá | Cada añu |
 | |
Xunto cola Targa Florio, Le Mans y la Carrera Panamericana ye la responsable del desenvolvimientu de la categoría Gran turismu a la que se debe en gran parte la crecedera deportiva de marques como Alfa Romeo, Ferrari, Maserati y Porsche.
Historia
editarMientres 30 años -dende 1927 hasta 1957-, la Mille Miglia foi la prueba automovilística por excelencia y una de les competiciones más amaes polos italianos. Yera la carrera que pasaba cerca de casa, o a bien pocos quilómetros, lo que dexaba a la xente tar colos sos ídolos del volante.
La Mille Miglia nació de la xenial idea de cuatro apasionaos: Renzo Castegneto, Giuseppe Mazzotti, Ajmo Maggi, y Giovanni Canestrini. La viéspora del día de Navidá de 1926, los cuatro falaben ente ellos de la crisis de les carreres automovilístiques; llegaron a la conclusión de que namái una carrera nueva y con gran sonadía podía camudar la situación. Unu d'ellos punxo sobre la mesa un mapa y trazó un hipotéticu percorríu que, siguiendo les principales carreteres de la dómina, salía dende Brescia, baxaba hasta Roma y tornaba otra vegada a la ciudá de salida. Yeren 1600 quilómetros de carreteres de monte y de rápidos rectes al traviés de les llanures. Mazzotti foi quien llanzó la propuesta de llamar a la nueva carrera "Mille Miglia", y, en namái tres meses, los organizadores punxeron en marcha la primer edición de la prueba.
El 27 de marzu de 1927, un total de 77 vehículos y 134 homes salieron dende Brescia. Ganó la primer pareya Minoia-Morandi al volante del Osca Maserati de Brescia y per delantre d'otros dos OM. L'ésitu ente'l públicu foi tal, que'l réxime italianu fixo so la carrera, decretando qu'ésta tenía qu'entrar por derechu propiu nel calendariu oficial de les competiciones italianes. A partir de 1928, na Mille Miglia participaron les más importantes cases automovilístiques italianes colos sos meyores pilotos.
Ente les ediciones que se convirtieron en lleenda destaquen les celebraes ente los años 1930 y 1934 y los sos épicos duelos ente Nuvolari y Varzi; o aquella de 1948, que vio l'últimu enfadu de Nuvolari, una desafortunada reacción d'arguyu, antes del so adiós a les carreres; y la de 1955, histórica pola consagración de Stirling Moss al volante d'un Mercedes 300 SLR. En 1957, un tráxicu accidente que costó la vida al pilotu español Alfonso de Portago y a diez espectadores punxo'l definitivu puntu final a la celebración de la "Mille Miglia".[1]
Ganadores de la Mille Miglia
editar
Estadístiques
editarConstructores con mas títulos
editar| Núm. | Constructor | Victories | Años |
|---|---|---|---|
| 1 |  Alfa Romeo |
11 | 1928, 1929, 1930, 1932, 1933, 1934, 1935, 1936, 1937, 1938, 1947 |
| 2 | Ferrari |
8 | 1948, 1949, 1950, 1951, 1952, 1953, 1956, 1957 |
| 3 |  Mercedes-Benz |
2 | 1931, 1955 |
| 4 | Officine Meccaniche
|
1 | 1927 |
| BMW
|
1940 | ||
| Lancia
|
1954 |
Referencies
editar- ↑ Revista Car And Driver, Mille Miglia Páx. 90 añu 2, N° 18 añu 2000 Edición pa Colombia, Editora Cinco.
Enllaces esternos
editar
Datos: Q1935482
Multimedia: Mille Miglia
