Mutnedymet

Mutnedymet foi una reina de finales la dinastía XVIII exipcia, hacia l'añu 1300 e. C. (Otres grafíes del so nome: Mutnodjmet, Mutnedyemet, Mutnadjmet, Mutnadymet, Mutnedjmet...)

Mutnedymet
Vida
Nacimientu	sieglu XIVedC
Nacionalidá	Antiguu Exiptu
Muerte	Tebes, sieglu XIVedC
Causa de la muerte	fiebres puerperales (es)
Familia
Padre	Ay
Madre	Tey
Casada con	Horemheb (es)
Hermanos/es	Nefertiti
Pueblu	Dinastía XVIII d'Exiptu

Biografía

Yera fía de la dama Tey y del padre divín» Ai, un auténticu animal políticu que fuera capaz de sobrevivir a cuatro reinaos distintos siempres nel visu, hasta que consiguió ser coronáu faraón, yá na so vieyera. Al paecer Ai yera'l padre de la reina Nefertiti, pero magar tar emparentáu colos llamaos "herexes de Amarna" salió airosu de cualquier conxura y antes de ser coronáu yera yá'l visir del rei neñu Tutankamón, una marioneta so.

Poco se sabe de Mutnedymet. Apaez en contaes ocasiones mientres el reináu d'Akenatón, indicándose que ye la "Hermana de la Gran Esposa Real", nexu debíu al cual suxúrese que, al ser Nefertiti la hermana mayor de Mutnedymet, tenía de ser por pura lóxica, la fía d'Ai y de la so primer esposa, de nome desconocíu.

Sería namái nel curtiu reináu d'Ai cuando adquiriera ciertu pesu políticu. Al xubir al tronu Ai apautara col so principal rival, el xeneral Horemheb que, a la so muerte, ésti asocedería-y, polo que pa ello tendría de casase con Mutnedymet. Ye de suponer qu'a esos altores la muyer yá debía d'haber alcanzáu, siquier, la trentena, polo que tamién la so descendencia víase complicada, dada la dómina.

Atáu y bien arreyáu l'asuntu de la socesión, nun hubo nengún problema cuando Horemheb foi faraón y casóse con Mutnedymet, xubida al rangu de Gran Esposa Real. Mas el nuevu rei yá nada tenía que ver cola ancestral dinastía XVIII, y gobernó con mano de fierro'l país, borrando d'él toa buelga de los sos inmediatos antecesores, los protagonistes del "Cisma de Amarna". Nun tuvo que ser un platu de gustu pa Mutnedymet ver cómo cayíen nel olvidu (la peor condena posible n'Exiptu) los nomes del so padre, la so hermana, el so cuñáu o'l so sobrín, pero paez ser que'l matrimoniu con Horemheb foi bien desdicháu.

El faraón aislló a Mutnedymet y la confinó a un harén pa evitar que'l sangre de la rebelde Nefertiti volviera apaecer na so hermana. Asina, nun ye d'estrañar qu'apenes esistan menciones sos, y que'l so únicu papel fuera llexitimar la presencia nel tronu del so home. Con él paecía surdir yá'l patrón que se repitiría a lo llargo del restu del Imperiu Nuevu: un rei yá nunca acompañáu de la so gran esposa real, que namái sirviría pa legitimarlo a él o a la so descendencia. Con Mutnedymet, la última reina de la dinastía XVIII, la muyer tornaba a los harénes y nun volvía adquirir el pesu políticu qu'ocuparon grandes dames como Ahhotep, Ahmose-Nefertari, Hatshepsut, Tiy o Nefertiti. La única esceición a esta llista sería Tausert, quien tendría'l dudosu honor de cerrar la dinastía XIX.

Ignórase qué foi de Mutnedymet, cuándo morrió y si llegó a tener fíos. Ye probable que morriera primero que Horemheb, quiciabes por cuenta de un partu. Pensóse qu'una princesa, de nome Tanedyemy, podría ser la fía d'esta reina, y la ponte que llexitimaría l'ascensu de la siguiente dinastía. Tampoco sabemos ónde pudo ser soterrada nin el paradoriu de la so momia, que si foi topada, entá nun pudo ser identificada.

Ver tamién

• Árbol xenealóxicu de la Dinastía XVIII d'Exiptu

Enllaces esternos

• Wikimedia Commons tien conteníu multimedia tocante a Mutnedymet.

• Datos: Q273979
• Multimedia: Mutnedjmet