Nías
Nías (Tanö Niha en llingua nías; Pulau Nias n'indonesiu) ye una islla indonesia, asitiada a 125 km de la mariña occidental de Sumatra, nel océanu Índicu. Conforma, al pie de les islles Hinako y otros castros más pequeños el denomináu archipiélagu de Nías (Kepulauan Nias). Forma parte de la cadena d'islles paralela y al sur de la islla de Sumatra, cola islla de Simeulue 140 km al noroeste, les islles Batu 80 km al sureste y más al sureste les islles Mentawai.
Tien una superficie de 5.625 km² y unos 640.000 habitantes. Les sos llocalidaes principales son Gunung Sitoli y Teluk Dalam.
El pueblu Nías tien llingua propia, magar nes escueles estúdiase'l indonesiu y, pol turismu, fálase inglés. Conviven comunidaes musulmanes, católiques y protestantes.
Los tsunamis d'avientu de 2004 cobráronse 122 vides en Nías, y el terremotu posterior de Sumatra de 2005 más de 800.