Nacho Martínez
Ignacio Martínez Navia-Osorio (8 de xunetu de 1952, Mieres – 24 de xunetu de 1996, Uviéu) foi un actor asturianu.
Nacho Martínez | |
|---|---|
| Vida | |
| Nacimientu | Mieres, 8 de xunetu de 1952[1] |
| Nacionalidá |
 España |
| Muerte | Uviéu, 24 de xunetu de 1996[1] (44 años) |
| Causa de la muerte | cáncanu de pulmón |
| Estudios | |
| Estudios | Universidá d'Uviéu |
| Llingües falaes | castellanu[2] |
| Oficiu | actor, actor de televisión |
| IMDb | nm0555260 |
 | |
Los primeros pasos como actor tuvieron llugar col teatru universitariu n'Uviéu. Entamó la so carrera cinematográfica como hermanu de Tasio, na película del mesmu nome dirixida por Montxo Armendáriz. Ensin embargo el papel pol que será recordáu ye'l del torero, na película, Matador, de Pedro Almodóvar, onde compartía protagonismu con un mui mozu Antonio Banderas. D'Almodovar son tamién La Ley del Deseo y Tacones Lejanos nes que Nacho tamién participaría. Tamién tendría un pequeñu papel na película de cultu del cine español El viaje a ninguna parte de Fernando Fernán Gómez. El so aspectu y la so dicción convirtiéronlu nun galán atípicu dientro del cine español, con un ciertu aire solombriegu.
Xunto a la so carrera d'actor de cine, tuvo una llarguísima trayeutoria como actor de doblaxe tanto de cine como de dibuxos animaos. Falleció como consecuencia d'un cáncer de pulmón a la corta edá de 44 años lo que cortó pola freba la so trayeutoria como actor. Nel añu 2006 foi recordáu na XX gala de los Premios Goya. El Festival Internacional de Cine de Xixón concede un Premiu Nacional de Cinematografía que lleva'l nome de Nacho Martínez, este premiu foi concedíu nel añu 2005 a l'actriz Assumpta Serna, que fuera la so compañera de repartu en Matador.
Filmografía
editar- Tasio, (1984).
- Hierro dulce, (1984).
- Extramuros, (1985).
- Caso cerrado, (1985).
- La mitad del cielo, (1986).
- Amarga amargura, (1986).
- Matador, (1986).
- El viaje a ninguna parte, (1986).
- Adiós pequeña, (1986).
- La Ley del Deseo, (1987).
- Los días del cometa, (1989).
- El anónimo... ¡vaya papelón!, (1990).
- A solas contigo, (1990).
- La viuda del capitán Estrada, (1991).
- Tacones lejanos, (1991).
- La fiebre del oro, (1993).
- Mi nombre es sombra, (1996).
Televisión
editar- Los pazos de Ulloa.
- El olivar de Atocha.
- La huella del crimen 2: El crimen de Perpignan.
- Los jinetes del Alba.
- Para Elisa.
- Un día volveré.
- Historias del otro lado.
Premiu Nacional de Cinematografía Nacho Martínez
editar- 2002, Juan Echanove.
- 2003, Gonzalo Suárez.
- 2004, Eusebio Poncela.
- 2005, Assumpta Serna.
- 2006, Maribel Verdú.
- 2007, Marisa Paredes
- 2008, Mercedes Sampietro
- 2009, Ángela Molina
- 2010, Charo López
- 2011, Montxo Armendáriz
- 2012, Luis San Narciso
- 2013, Carmelo Gómez
- 2014, Imanol Arias
- 2015, José Sacristán
- 2016, Lluís Homar
- 2017, Verónica Forqué
- 2018, Juan Diego
- 2019, Ernesto Alterio
Referencies
editarEnllaces esternos
editar- Nacho Martínez na Internet Movie Database (n'inglés)
- «Nacho Martínez». en Find a Grave. (n'inglés)
Datos: Q2167303
