Pablo Xuan Manzano Rodríguez

Pablo Xuan Manzano Rodríguez (22 de xunetu de 1948, L'Entregu) ye un profesor asturianu. Fizo los estudios básicos nel so pueblu, y na Escuela Universitaria d'Uviéu fixo maxisteriu. Entama a trabayar a los 20 años nel mesmu L'Entregu y dempués pasa per Xixón, Amieva y Campu Casu, finando nel IES "Juan José Calvo Miguel” de Sotrondio, ye miembru del Conseyu de Comunidades Asturianes en representación de l'Academia de la que ye miembru de númberu dende l'añu 1984.

Pablo Xuan Manzano Rodríguez
Vida
Nacimientu	L'Entregu, 22 de xunetu de 1948 (76 años)
Nacionalidá	España
Estudios
Estudios	Universidá d'Uviéu
Llingües falaes	castellanu asturianu
Oficiu	profesor
Miembru de	Academia de la Llingua Asturiana Conceyu Bable

Dende'l 2002 da clases de Llingua y cultura asturiana n'America, onde tolos años participa del día de les lletres asturianes, eventu que nestos llugares tien un gran prestixiu.

Ye profesor de los cursos de Llingua Asturiana que dende va venti años imparte l'Academia de la Llingua Asturiana, siendo tamién Xeneral de los mesmos dende l'entamu del procesu. Tamién exerz como enseñante de los cursos d'Estensión Universitaria que tolos branos fai la Universidá d'Uviéu en collaboración cola ALLA, de los que ye Secretariu del Programa de Formación.

Foi amás demientres trés años Coordinador d'Escolarización de la Conseyería d'Educación, Cultura y Deportes del Principáu d'Asturies.

Preside tamién el Coleutivu "Llingua y Enseñanza" formáu por profesores d'Enseñanza primaria, secundaria y universitaria.

Ye autor de numberosos artículos espublizaos en periódicos y revistes especializaes, tocantes siempre cola enseñanza de la Llingua Asturiana y cola emigración.

Miembru fundaor de Conceyu Bable y ye’l entamaor del procesu de la Llingua Asturiana nes escueles.

Bibliografía

• 1981. RECIELLA.- Primer llibru de testu pa la enseñanza del asturianu, escritu en collaboración con Félix Ferreiro. Academia de la Llingua Asturiana. Algama 4 ediciones, una d'elles na variante occidental del asturianu.

• 1984. DICCIONARIU BÁSICU DE LA LLINGUA ASTURIANA.- Tamién xunto con Félix Ferreiro y Urbano Rodríguez. Trés ediciones, una de los propios autores y les otras dos con ediciones TREA.

• 1988. LLINGUA ASTURIANA: UNA PROPUESTA CURRICULAR PA LA EDUCACIÓN SECUNDARIA OBLIGATORIA.- Xunto a Miguel Ramos Corrada, Ramón d'Andrés y Xosé Ramón González Riaño. Academia de la Llingua Asturiana.

• 1996. CUÉLEBRE I Y II.- Llibros de testu pal segundu ciclu d'enseñanza primaria, fechos xunto a Socorro Iglesias Fombona y María Esther López. Editorial Norte.

• 1997. GUÍES DIDÁCTIQUES DE LA LLINGUA ASTURIANA.- Xunto a Socorro Iglesias Fombona y María Esther López. Editorial Norte.

Enllaces esternos

• Datos: Q20605252