Premiu Nacional de Lliteratura Asturiana
El Premiu Nacional de Lliteratura Asturiana ye un gallardón lliterariu que concede l'Academia de la Llingua Asturiana, cada trés años, a los escritores que más destacaren pola so trayeutoria na lliteratura en llingua asturiana. El premiu nun pue repartise ente más d'un autor nin concedese a títulu póstumu. La primer edición foi en 2017.
| Premiu Nacional de Lliteratura Asturiana | ||
|---|---|---|
| Concedíu por | Academia de la Llingua Asturiana | |
| Llocalización | Principáu d'Asturies | |
| Historia | ||
| Primer entrega | 2017 | |
| Periodicidá | 3 años | |
| [editar datos en Wikidata] | ||
El xuráu que da los premios ta formáu pol Presidente o Presidenta de l'Academia de la Llingua Asturiana, trés miembros de númberu de la institución, un representante de la Conseyería d'Educación y Cultura del Gobiernu d'Asturies y dos personalidaes de reconocíu prestixu del mundu universitariu especialistes en lliteratura asturiana.
El premiu ta dotáu con 3.000 euros, un medayón distintivu del escultor Adolfo Manzano y la publicación d'una pequeña antoloxía representativa de la producción lliteraria del autor.
Ediciones celebraes
editarTres la publicación de les bases del premiu'l 15 de setiembre de 2016[1] y l'apertura del plazu pa la presentación de candidatures los finalistes resultaron ser los vinientes: Xuan Bello, Antón García, Roberto González-Quevedo, Berta Piñán y Xuan Xosé Sánchez Vicente.[2]
El veredictu fízose públicu'l 13 de xineru de 2017 y dio como ganador al tinetense Xuan Bello.
El xuráu destacó que'l mesmu «asitió l'asturianu nel mapa de la lliteratura estatal ya internacional» refiriéndose concretamente a la so obra Historia Universal de Paniceiros. Nesta edición el xuráu tuvo compuestu por: Ana María Cano (Presidenta de l'Academia), Xosé Antón González Riaño, Xosé Ramón Iglesias y Carmen Muñiz Chacón (académicos de númberu); Fernando Padilla Palicio (representante de la Conseyería) y los profesores de la Universidá d'Uviéu José Luis García Martín y Leopoldo Sánchez Torre (personalidaes de reconocíu prestixu).[3]
La segunda edición, la celebrada nel añu 2020, l'Academia de la Llingua Asturiana dio a Xuan Xosé'l segundu Premiu Nacional de Lliteratura Asturiana[4] en reconocimientu de la “so trayeutoria intelectual y lliteraria que lu convierten nun referente a lo llargo de cinco décades y nún de los mayores activos de la lliteratura asturiana”
Llista de ganadores
editar| Añu | Ganador | Referencia |
|---|---|---|
| 2017 | Xuan Bello | |
| 2020 | Xuan Xosé Sánchez Vicente | |
| 2023 | Lourdes Álvarez | [5] |
Referencies
editar- ↑ «Bases Premiu Nacional de Lliteratura Asturiana». Archiváu dende l'orixinal, el 2017-01-14.
- ↑ «Yá se conocen los finalistes al Premiu Nacional de Lliteratura Asturiana 2017». Archiváu dende l'orixinal, el 2017-01-16.
- ↑ «Xuan Bello, ganador del primer Premiu Nacional de Lliteratura Asturiana». Archiváu dende l'orixinal, el 2017-01-14.
- ↑ Xuan Xosé Sánchez Vicente, II Premiu Nacional de Lliteratura Asturiana “pola so trayeutoria intelectual y lliteraria” Archiváu 2020-01-22 en Wayback Machine asturies.com Consultao'l 20.01.2020
- ↑ «La poeta Lourdes Álvarez, premiu Nacional de Lliteratura Asturiana» (31 de xineru de 2023). Archiváu dende l'orixinal, el 2023-02-01.
Enllaces esternos
editar
Datos: Q28308413
