Presidente del Principáu d'Asturies
El Presidente del Principáu de Asturies, d'acordies l'Estatutu d'Autonomía d'Asturies, preside'l Conseyu de Gobiernu del Principáu d'Asturies, y dirixe la so actividá, coordina l'Alministración de la comunidá autónoma, noma y separta a los conseyeros y caltién la suprema representación del Principáu y la ordinaria del Estáu n'Asturies. Ye escoyíu pola Xunta Xeneral del Principáu d'Asturies d'ente los sos miembros y ye nomáu pol Rei d'España.
| Presidente del Principáu d'Asturies | |
|---|---|
| cargu electu | |
| presidente y xefe de Gobiernu | |
 | |
 | |
| Titular | Adrián Barbón dende 20 xunetu 2019 |
| Tratamientu | Escelentísimu Señor |
| Xurisdicción | Principáu d'Asturies |
| Estáu | España |
| Duración del cargu | 4 años |
| Creación | 11 xineru 1982 |
| Primer titular | Rafael Luis Fernández Álvarez |
| Llista | llista de presidentes d'Asturies |
 | |
Eleición
editarLa eleición del presidente ta regulada pola llei autonómica 6/84, que sigue'l llamáu «modelu de pura eleición». Prodúzse tres la constitución de la Xunta Xeneral del Principáu o col cese del anterior presidente. Van ser candidatos a Presidente toos aquellos diputaos que fueren propuestos por un mínimu de cinco d'ellos. Arriendes d'ello, pue haber más d'un candidatu.
Tolos candidatos van esponer el so programa de gobiernu na mesma sesión y, tres ella, va celebrase la primer votación, conxunta para toos ellos. Si dalgún candidatu llograra mayoría absoluta nesta votación, resultaría escoyíu. En casu contrariu, fadríase una nueva votación, trescurríes 48 hores, con namái los dos candidatos más votaos. Nesti casu, resultaría escoyíu'l candidatu con mayor númberu de votos (mayoría simple).
En casu d'empate, repitiríase la votación cada 48 hores a lo menos. En tolos casos, los diputaos voten públicamente y por llamamientu, contestando col nome d'un candidatu o cola espresión «asténgome» («me abstengo», en castellanu). Si pasaos dos meses dende la constitución de la Xunta Xeneral, nun foi escoyíu nengún candidatu, ésta va quedar disuelta y daráse en convocar eleiciones nueves.
Presidentes d'Asturies
editar| Periodu | Presidente | Partíu |
|---|---|---|
| 1981 - 1983 | Rafael Fernández Álvarez1 | FSA-PSOE |
| 1983 - 1991 | Pedro de Silva Cienfuegos-Jovellanos | FSA-PSOE |
| 1991 - 1993 | Juan Luis Rodríguez-Vigil | FSA-PSOE |
| 1993 - 1995 | Antonio Trevín Lombán | FSA-PSOE |
| 1995 - 1999 | Sergio Marqués Fernández | PP/URAS |
| 1999 - 2011 | Vicente Álvarez Areces | FSA-PSOE |
| 2011 - 2012 | Francisco Álvarez Cascos | FAC |
| 2012 - 2019 | Javier Fernández Fernández | FSA-PSOE |
| 2019 - Act. | Adrián Barbón | FSA-PSOE |
1 Preautonómicu hasta'l 11 de xineru de 1982
Presidentes d'Asturies
editar
Referencies
editar
Datos: Q3320056
