Javier Fernández Fernández

8ᵘ Presidente'l Principáu d'Asturies

Javier Fernández Fernández (7 de xineru de 1948Mieres) ye un inxenieru de mines, funcionariu y políticu asturianu. Foi Secretariu Xeneral de la Federación Socialista Asturiana (FSA) y Presidente del Principáu d'Asturies dende'l 26 de mayu de 2012 hasta'l 20 de xunetu de 2019.

Javier Fernández Fernández
8. Presidente del Principáu d'Asturies

26 mayu 2012 - 20 xunetu 2019
Francisco Álvarez-Cascos Fernández - Adrián Barbón
Secretariu xeneral de la FSA-PSOE

4 setiembre 2000 - 17 setiembre 2017
Luis Martínez Noval - Adrián Barbón
Diputáu nel Congresu de los Diputaos d'España

20 marzu 1996 - 22 xunetu 1999 - José Alberto Pérez Cueto
Distritu: Asturies
Eleiciones: eleiciones xenerales d'España de 1996
Vida
Nacimientu Mieres7 de xineru de 1948 (76 años)
Nacionalidá España
Estudios
Estudios Universidá d'Uviéu
Llingües falaes castellanu
Oficiu políticu, funcionariuinxenieru
Llugares de trabayu Uviéu
Miembru de Federación Socialista Asturiana
Creencies
Partíu políticu Partíu Socialista Obreru Español
javierfernandez.es
Cambiar los datos en Wikidata

Biografía editar

Nacíu nel barriu mierense de Requexu, provién d'una familia fuertemente venceyada a la esquierda. Ye fíu de María Luz Fernández González, güérfana dende los once años pola desapaición del so padre, y Manuel Fernández Montes, que pasó dellos años nun campu de concentración del occidente d'Asturies, nel que foi internáu a los 16 años. El so padrín, Arístides Llaneza yera fíu de Manuel Llaneza, alcalde de Mieres y fundador del SOMA.

N'estudiando'l bachilleratu cursó Inxeniería de Mines na escuela d'Uviéu. En 1978 abre en Xixón, xunto a dos socios compañeros d'oficiu, un despachu d'estudios y proyeutos d'inxeniería. En 1984 aprueba les oposiciones pal Cuerpu d'Inxenieros de Mines del Estáu.

Entamos na política editar

En 1987 afíliase al Partíu Socialista Obreru Español en Xixón y ye nomáu pal so primer cargu públicu como Direutor Rexonal de Mines y Enerxía del Principáu d'Asturies en 1991, con Víctor Zapico como Conseyeru d'Industria, Comerciu y Turismu y Juan Luis Rodríguez-Vigil como presidente del Principáu. En marzu de 1996 ye escoyíu diputáu por Asturies, onde cuayó amistá col so compañeru d'escañu José Luis Rodríguez Zapatero pero abandona l'escañu en 1999 al ser nomáu Conseyeru d'Industria, Comerciu y Turismu del Principáu d'Asturies por Vicente Álvarez Areces, cargu que caltién hasta 2000, cuando ye escoyíu Secretariu Xeneral de la FSA-PSOE.

En xunetu de 2003 ye designáu senador en representación de la Comunidá Autónoma, cargu que promete'l día 14.

En 2004 y 2008 revalida'l cargu de Secretariu Xeneral de los socialistes asturianos. Nes eleiciones autonómiques de 2007 ocupa'l segundu puestu na llista de la FSA a la Xunta Xeneral del Principáu, xusto detrás del presidente Vicente Álvarez Areces.

Eleiciones de 2011 editar

Tres l'arrenunciu de Vicente Álvarez Areces a una nueva reeleición, el 18 de xunetu de 2010 Javier Fernández amosó la so disposición a encabezar la llista de la FSA-PSOE pa les Eleiciones Autonómiques de mayu de 2011. El Comité Autonómicu de la FSA-PSOE sofitó por aclamación dicha ufierta. Javier Fernández ye designáu candidatu de la FSA-PSOE a la Presidencia del Principáu d'Asturies en setiembre de 2010. Nes eleiciones del 22 de mayu, la candidatura encabezada por Javier Fernández llogró 179 619 votos -el 29,92%- y 15 diputaos, siendo superada en diputaos pola formación política d'Álvarez-Cascos, Foro Asturias, que llogró 16 escaños, magar llograra menor númberu de votos. Entá asina, el grupu parllamentariu socialista nun presentó nenguna candidatura a la Presidencia del Principáu d'Asturies, siendo escoyíu Francisco Álvarez Cascos, ensin nengún contrincante.

Eleiciones de 2012 editar

Nes eleiciones del 25 de marzu de 2012, vuelve encabezar la candidatura de la FSA a la Xunta Xeneral del Principáu[1] y consigue 17 escaños, siendo la fuercia más votada con más de 159.000 votos. El 26 de mayu de 2012 tomó posesión como presidente del Principáu d'Asturies.

Referencies editar

Enllaces esternos editar


Predecesor:
Francisco Álvarez Cascos
  Presidente d'Asturies
2012 - 2019
Socesor:
Adrián Barbón